少年成長

收藏本版
發帖
返回列表
跳至頁

首頁
1

尾頁
   0
babyhowie


水晶宮

積分: 65679

HiPP勳章(2) HiPP勳章(1) 2018復活節勳章 育兒性格勳章 好媽媽勳章 畀面勳章 BK Milk勳章


1#
發表於 05-6-29 11:52 |只看該作者

好唔開心呀！俾個女激到我死死下！

個女九歲半，成績好好又錫細佬，
但有一個壞習慣就已經夠頭痛！

佢好無手尾，我之前都係到求教過佢呢個問題，
亦都試過打去小童群益會d親子熱線問，
回覆話既然小朋友各方面都好叻，
又何必執著一個缺點？！
但係基於我本身係一個好有條理o既人，
佢無黎搭圾o既性格同我剛剛相反，
令我好擔心佢之餘，亦好唔開心！ :cry:

我諗住女仔應該細心d、整齊d，
但偏偏佢就愛理不理，d野四圍放，用完又唔放好，
終日係到玩尋寶遊戲。
基本上，由佢七歲生日開始，
我已經鄭重同佢講要徹底改正呢個陋習，
但兩年黎，不但改唔到，仲有d變本加厲o既情況！
以前唔見左野都識得驚，依家唔見左野都好無所謂！
自己d野又唔緊唔理，就黎十歲啦，係米冇得救？
唔通真係天生係咁？
我覺得佢咁o既性格行為好冇責任感，
咁可能對佢將來好大影響。
最慘就係連佢個琴老師都係咁o既人，
見到佢琴老師咁大個人又係無理搭圾，
真係好擔心佢大個都係咁！
我可以點做？係米真係由得佢？
私人傳訊

zimba


大宅

積分: 2174


2#
發表於 05-6-29 14:47 |只看該作者

Re: 好唔開心呀！俾個女激到我死死下！

有d人真係唔介意d野亂架, 可能仲覺得咁先舒服. 不過, 我就覺得責任感係另外一回事.你囡囡成績好, 即表示佢會做好功課, 又肯溫習, 不就是對老師, 對自己學生的身份, 對你負責嗎? 錫細佬也不是必然的, 這也是負上做姐姐責任的表現吧. 將d野收得好整齊的人, 不一定會成績好好又錫細佬呀! 所以先不要因一個缺點, 就担心囡囡將來會沒責任感.

有個理論: 每個人的學習風格不同, 對指令的接收方式也不同.
e.g. (1)靠視覺學習的人, 喜歡事物井井有條, 但接收指令時就要多用文字和圖像, 而不能單靠說話提點.
(2)靠聽覺學習的人, 則不在乎事物是否整齊, 反而指令說得越清晰, 越有條理呢, 就接受得越容易.
(3)靠動感學習的人, 就更不在乎視覺上的問題, 需要實驗式, 親身體驗的方法去學習.

唔知你囡囡無手尾的原因是甚麼?
係唔識? 定係唔想?
如果係唔識, 有無可能用她的學習風格, 續步教她呢?
如果係唔想, 點解呢? 同你鬥氣? 太累?

始終係一齊住, "佢無黎搭圾o既性格同我剛剛相反", 唔理佢, 你會好辛苦. 不如先放下你對她將來的担心, 坐低諗下你的最低要求, 然後話佢知你想佢點樣做, 邊d一定要執, 執唔切的雜物可以放在那裡(等你睇唔到)等等啦.
私人傳訊

babyhowie


水晶宮

積分: 65679

HiPP勳章(2) HiPP勳章(1) 2018復活節勳章 育兒性格勳章 好媽媽勳章 畀面勳章 BK Milk勳章


3#
發表於 05-6-29 19:12 |只看該作者

Re: 好唔開心呀！俾個女激到我死死下！

zimba,

好多謝你o既回應同意見！

可能一直以黎我服侍得佢太周到，
攪到佢依家咁。
另一方面屋企太多野，攪到佢無從入手。

依家d小朋友要嘜有嘜，擦膠、鉛筆....多到隨處放，
唉，希望可以趁住呢個暑假，幫佢落實執行！
其實每次話完佢，佢就會大執一次，
之後佢都好開心，又話多左地方用，又話好整齊。
但事後又固態復盟！

其實我話佢無責任感，係因為佢無手尾呢個陋習，
已經發展到連返學時間都唔記得。
因為考完試之後，呢幾個禮拜返學時間日日唔同，
佢係小六畢業禮有表演，所以老師要求（口頭通知，冇通告）佢提早返學練習，點知佢竟然到左老師叫佢返個時間先記得？！咁係米冇責任心？所有有份表演o既同學都準時返，唯獨佢一個遲到（因為佢忘記左），咁點算？唉.......

唔通我地真係要求過高？唔通眼見佢有問題都由得佢？
其實我地真係好想幫佢，不過真係用盡辦法（貼標語、講道理、處分制）都唔得，所以希望大家俾d意見！
私人傳訊

cocopeggie


別墅

積分: 736


4#
發表於 05-6-30 01:40 |只看該作者

Re: 好唔開心呀！俾個女激到我死死下！

其實我個妹到係咁架,佢今年19歲,佢除左冇手尾樣樣
都好好,宜家讀緊時裝設計,佢間房打仗咁架,不過我地
千其唔好幫佢整理喎,因為佢搵唔到d野就唔高興ga喇!
我地都冇佢辦法,所以畀成間房佢自己攪掂,我覺得一定
有d人會係咁ga bor,好似我咁細細個就中意煮野食,
一樣唔洗媽咪迫我,咪一路煮到宜家,唔可以話係缺點既,
美中不足law,我睇唔過眼咪我做law,一定有長短處既!!

私人傳訊

zimba


大宅

積分: 2174


5#
發表於 05-6-30 10:56 |只看該作者

Re: 好唔開心呀！俾個女激到我死死下！

babyhowie,

有冇試過讚賞的方法呀? 即做唔好時, 唔責備, 只是叫她立即做好, 但她做好後, 就立即讚她. 即使她只是收好一個擦膠, 或稍為擺好d野, 都立即讚她, 多謝她.

有句話"self-fulfilling prophecy", 即越話佢無手尾, 佢就越來越無手尾.

我仲見過一個方法:
預備一d箱來放不同的雜物, e.g. 書, 玩具, 文具等等, 用大大隻字label佢地, 咁mei唔使靠記性. 你囡囡唔慣執野, 就儘量簡單分類.

你囡囡遲到, 佢實覺得好fishy啦. 你有冇乘機問佢諗住第時點幫自己記得唔遲到呀? 我估佢需要寫低.

其實我好明白你的感受, 因為我都唔鐘意d野亂, 但我老公就唔理, 幾亂都唔介意, 仲問我"就手"d 唔好咩? 不過佢的責任感非常強, 重要事情絶對可以信佢. 所以我唯有自己補足他的美中不足lor. 但係講真, 佢都係被阿媽服侍慣. 所以我都好支持你訓練囡囡生活有條理架.

加油 加油
私人傳訊

babyhowie


水晶宮

積分: 65679

HiPP勳章(2) HiPP勳章(1) 2018復活節勳章 育兒性格勳章 好媽媽勳章 畀面勳章 BK Milk勳章


6#
發表於 05-6-30 13:13 |只看該作者

Re: 好唔開心呀！俾個女激到我死死下！

cocopeggie,

首先，多謝你o既回應！

3歲定80，唔通我真係眼見佢有問題都唔理？
我就係想趁佢仲細，希望可以培養佢有責任心。

見到你妹妹個case，我真係有d擔心我女第日都係咁，
話晒都係女仔嘛，咁"now攪"真係點打理頭家？

其實我依家已經成日同我女講，佢再係咁落去，
第日連個老公同個仔都唔見埋，
仲有呀，除非自己搵好多錢or嫁個有錢人請番幾個工人，
否則間屋實變成亂葬岡！ :-|
私人傳訊

babyhowie


水晶宮

積分: 65679

HiPP勳章(2) HiPP勳章(1) 2018復活節勳章 育兒性格勳章 好媽媽勳章 畀面勳章 BK Milk勳章


7#
發表於 05-6-30 13:35 |只看該作者

Re: 好唔開心呀！俾個女激到我死死下！

zimba,

其實上半年真係曾經鬧得好勁，
我地亦都好擔心會傷害左個親子關係，
所以後期我地都已經唔再話佢咁多。

你提意個d我地已經做左，
我地係IKEA買左好多五顏六色o既盒俾佢裝雜物，
佢都滿心歡喜咁label晒邊個盒裝咩，
end up放手錶o既盒，冇錶，d錶照樣四圍放！
佢份人就係咁，時時都話"一陣先"，
and then一陣就冇左件事，
我地又唔能夠時時刻刻睇住佢放好d野未，
久而久之又再故態復盟！

對於一個有條理o既我，要對住一個咁"now攪"o既人，
真係好辛苦！佢daddy，身為一個男人都冇佢咁嚴重，
雖然我老公都有d，但起碼話得聽，俾我講多幾次都唔會咁，相反一個細路反而教唔聽？唉，最慘仲要係女仔！ :-|
私人傳訊

mm33souk


洋房

積分: 156


8#
發表於 05-6-30 23:17 |只看該作者

Re: 好唔開心呀！俾個女激到我死死下！

我個女都係咁,由細聲教到大大聲鬧, 貼大字報, 加膠衣箱等等真係出盡百寶,佢都係咁, 唔好話間房, 淨係個衣櫃都嚇死你, 有次佢的同學
私人傳訊

Cynthiasia


大宅

積分: 3581


9#
發表於 05-7-1 00:24 |只看該作者

Re: 好唔開心呀！俾個女激到我死死下！

我聽過朋友的一個經驗, 當聽多個意見啦, 但適唔適用就很難講, 事關每個人的性格都唔同, 我朋友話佢細佬好無手尾, 佢亞媽就唔會閙, 首次發出一個警告, 如果唔執好自己的野, 亞媽會將d野掉晒落垃圾埇, 佢細佬試過俾亞媽掉過野後就乖乖收好d野, 費事俾亞媽掉, 你可以試下, 事關你個女都開始大, 但講得出就要做得到, 如果唔係佢唔會信你講得出做得到, 亦唔會做好, 希望幫到你啦
私人傳訊

babyhowie


水晶宮

積分: 65679

HiPP勳章(2) HiPP勳章(1) 2018復活節勳章 育兒性格勳章 好媽媽勳章 畀面勳章 BK Milk勳章


10#
發表於 05-7-1 13:18 |只看該作者

Re: 好唔開心呀！俾個女激到我死死下！

mm33souk,

你囡囡幾大？

唉，我地真係同病相連囉！

無錯，返學期間我地曾經將注意力落係佢學業方面，
暫時唔話佢冇手尾o既問題。
依家學期完左，我地希望佢趁暑假改善下呢個壞習慣！
其實發起呢個topic，係佢愈黎愈離譜，
連返學時間都可以攪錯，十個表演生，得佢一個遲到，
佢仲要係擔正o個個，老師睇重佢，相反佢就.......
真係令我好失望！ :-|

尋晚又因為佢去完廁所冇閂門，
結果夾到細佬隻手仔！
細佬好鍾意佢，今次都話唔啋佢！ :tongue:
唉，唔通真係要屈服？！
私人傳訊

babyhowie


水晶宮

積分: 65679

HiPP勳章(2) HiPP勳章(1) 2018復活節勳章 育兒性格勳章 好媽媽勳章 畀面勳章 BK Milk勳章


11#
發表於 05-7-1 13:20 |只看該作者

Re: 好唔開心呀！俾個女激到我死死下！

Cynthiasia,

好多謝你o既回應！

其實呢招我都用過，
最慘就係掉左佢都唔知、唔緊要！

咁你話佢係米冇得救？
私人傳訊

mm33souk


洋房

積分: 156


12#
發表於 05-7-1 21:54 |只看該作者

Re: 好唔開心呀！俾個女激到我死死下！

我個女讀中二, 我都試過將佢的東西掉到出出面垃圾房, 係無錯會驚一陣, 但唔洗一個禮拜佢已經好似唔記得呢個教訓咁,又變回原形囉.我真係服晒嫁啦, 由小學教到中學都係咁 :-(
私人傳訊

babyhowie


水晶宮

積分: 65679

HiPP勳章(2) HiPP勳章(1) 2018復活節勳章 育兒性格勳章 好媽媽勳章 畀面勳章 BK Milk勳章


13#
發表於 05-7-2 13:54 |只看該作者

Re: 好唔開心呀！俾個女激到我死死下！

今日又有新野啦，
尋晚話住佢"茶"完枝蚊膏要放好，
結果"茶"完就唔見左枝蚊膏！

今日要9點返到學校參加小六畢業禮o既表演，
07:30 daddy打電話叫左佢起身，佢轉頭訓番，
我07:45落到去見到佢仲訓緊，
點攪？我問佢點解變到連學校d野都唔緊唔要？
我話如果我唔知醒起身，咁夠鐘表演佢都未返，
點同老師交待？佢只係無言以對！咁我又可以點？
小朋友有咩唔妥，其他人緊係怪罪於父母冇好好管教，
但我地教佢唔聽咁我地又可以點？
我真係好擔心呀！九歲幾就咁，遲d更加教唔到！
況且好傷親子關係，我地o既忍耐力已經超晒錶，
我都就黎爆！好想take a break，
但係所有親戚都住得好遠，而且佢仲要返學，
暑假（7月同8月）逢一、三、五，都要返學，
想叫佢去婆婆到住都難啦！唉......... :-|
私人傳訊

SUSANNA


伯爵府

積分: 17464

好媽媽勳章 BK Milk勳章


14#
發表於 05-7-2 19:43 |只看該作者

Re: 好唔開心呀！俾個女激到我死死下！

babyhowie
不如試下比佢返"黃埔軍校" 等人地教下佢.
另外我會張櫃影相貼係櫃面等晴晴自己依類放好, 你不如都試下.
私人傳訊

mm33souk


洋房

積分: 156


15#
發表於 05-7-2 20:49 |只看該作者

Re: 好唔開心呀！俾個女激到我死死下！

算啦, 唔好咁嬲喇, 咁嬲落去對親子關係都無好處, 有時會欲速則不達,無錯呢個真係好唔好的習慣, 但你不如唔好淨係睇佢呢樣野, 睇返的佢好既野
私人傳訊

babyhowie


水晶宮

積分: 65679

HiPP勳章(2) HiPP勳章(1) 2018復活節勳章 育兒性格勳章 好媽媽勳章 畀面勳章 BK Milk勳章


16#
發表於 05-7-4 00:28 |只看該作者

Re: 好唔開心呀！俾個女激到我死死下！

睇到大家o既留言，我好感動！

mm33souk,
我亦都曾經收過同你囡囡所寫o既相同o既信，
佢又係話好想改，但係都失敗，又係話自己不孝。

其實我都唔想攪到咁唔開心，
本來學期過去，都係大家抖下o既時候，
但有時好希望趁呢個機會執執佢o既壞習慣，
起碼唔可以完全更正，都唔想佢變本加厲。

或者我都要release一下自己，
或者我愈睇得個樣野"重"，件事亦相對變得更"重"！

好彩有BK同你地，有人分享分擔下，
你地以旁觀者角度去睇，然後幫我分析再俾意見，
仲好過我地將事情愈拉愈緊！

真係好多謝大家！
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy