基督家庭

跳至

首頁
1

尾頁
   0


大宅

積分: 1380


發表於 05-7-4 00:03 |顯示全部帖子

今日係教會唔開心...

事緣今日我個helper放假, (佢平時唔一定係星期日放假既), 咁我就抱住我個細仔(2歲四個月)在禮堂聚集, 心想讓他唱唱歌, 到講道時才抱他到bb房(平時通常係helper抱住佢係bb房玩). 點知發覺原來我個細仔好投入唱歌, 所有人在唱詩時, 佢又會跟住唱, 然後祈禱時, 佢又會跟住說阿門. 有附近有些弟兄姊妹都會看看小朋友唱歌那麼可愛...我仲心想, 哇原本我個仔可以咁投入...完左, 仲有好幾位走來說仔仔很乖, 很會唱歌和祈禱...
點知...下午, 個位堂會主席(亦係同我團契, 但佢兩公婆沒有生小孩, 他們亦不大喜歡小孩), 打電話來問我:
是否你工人今天放假? 所以你要抱個仔出來? 佢都好走音吓wor! 佢既意思係話我個仔好disturb佢, 希望我下次帶番佢入裏面...
我覺得好唔開心... :-(
聖經都話:"讓小孩子到我這裡來..."點解呢個人竟然連一個唱歌投入既小朋友都容不下呢?

想問吓...呢度有沒有哪位媽咪的教會是很重視兒童的, 我想我要考慮轉教會...因為我教會既小朋友真係只有我個兩個. 同我團契既個班"伉儷", 全部話明唔生 :cry: . 所以, 我一家變成了異族, 好像被人歧視一樣.其實我地都好耐沒有返"伉儷團契", 因為他們都沒有小孩, 也不怎麼喜歡小孩, 話題愈來愈相差得遠, 他們也不能明白我們的難處... :cry:


別墅

積分: 755


發表於 05-7-4 00:46 |顯示全部帖子

Re: 今日係教會唔開心...

CSW,

我鼓勵你可以和個位堂會主席坦誠溝通一下, 說出你的想法和感受, 看看事情可不可以解決? 我自己認為若非沒不能解決, 不要輕易轉教會.......


jjmama


別墅

積分: 906


發表於 05-7-4 02:36 |顯示全部帖子

Re: 今日係教會唔開心...

試下同其他有小朋友既家庭傾下(可能會有一些家庭不返團契,只返崇拜),與他們分享一下生活,會好少少。因為你團契的家庭,始終他們沒有小朋友,不會明白你有小朋友的難處。
你今日遇到既問題,可以同負責伉儷的傳道人傾下。唔好一開始就想轉教會,因為你轉走左,可能會有另一方面問題要解決。最後要每晚為自己家庭祈禱,求神給你一個出路及明白神既心意。 支持你!!
為自己的夢想而去想,到自己想到的地方,做自己想做的事。 因為你只有一次的人生及一次的機會去做這全部的事。


大宅

積分: 4855


發表於 05-7-4 10:10 |顯示全部帖子

Re: 今日係教會唔開心...

我時常都帶埋亞仔返崇拜,祈禱會有時帶埋佢返主日學tim,因為佢唔肯去兒崇及before兒崇d手工班,我哋d牧師,傳道,同工及弟兄姊妹都冇黑面並且成日同佢玩tim,我個仔現在就嚟5歲lu先可以放得吓,佢只係好勉強在我上堂嘅時候畫畫才安靜d咋,其他時間就走嚟走去同另一個小弟兄玩車仔,不過佢好like唱歌一到唱歌佢唔識都好la佢就係度la la la,所以你個小朋友咁細又冇disturb其他人佢都開聲,嗰對couple 要好好睇下聖經,在創世記中神叫我們生養衆多(英文係有s)即起碼兩個,佢自己唔生又係話bb走音,有點兒....

你唔好輕易轉教會la,同教牧同工傾吓先la及為其他嘅弟兄姊妹祝福祈禱lor, 神係聽祈禱ga,唔好唔開心la!

祝福你和你一家!


才德的婦人誰能得著呢,他的價值遠勝過珍珠


大宅

積分: 1380


發表於 05-7-4 10:16 |顯示全部帖子

Re: 今日係教會唔開心...

多謝你們的鼓勵.
其實我與丈夫已想轉教會有近一年...但因教會是我從小返到大的, 所以始終有感情...但我教會人數好少, 每週出席崇拜約只有50人.
不過最大的問題是我教會沒有跟我兩個兒子(5歲和2歲)同齡的小孩, 再對上那些已是初中學生, 而且也只有5個左右. 所以我教會完全無甚兒童事工.
另一方面, 讓我覺得最不開心的是與我們背景,年齡最相近的那批伉儷, 全部唔生, 做其優皮夫妻. 而教會內已無其他與我們差不多的家庭. 平時, 我們反而和婦女組那些姨姨接近些, 因為她們會比較considerate我們(有小朋友)的家庭.
那位堂會主席平時也不會跟我的小孩玩, 更不要說溝通; 我覺得在他來說, 只是在嫌我的兒子煩.
我到今天仍然覺得好hurt. 我覺得如果教會內來了些特殊人士, 他們唱詩時也會"走音"的話, 哪是否也叫disturb聚會呢? 我覺得被歧視law.


珍珠宮

積分: 35220


發表於 05-7-4 10:32 |顯示全部帖子

Re: 今日係教會唔開心...

CSW,

唔好唔開心, 不要被人的睇法加在自己的擔子上, 祈禱交給天父吧! 祂是知道的, 明白你的. 祂會為你們安排, 若天父是要你地留在這教會, 必定有祂的美意. 若不, 天父定會為你們安排一所適合你們的教會.


珍珠宮

積分: 35220


發表於 05-7-4 10:42 |顯示全部帖子

Re: 今日係教會唔開心...

慈愛的天父,

求係憐憫我們, 我們是罪人, 用行為言語得罪了你, 求你讓我們看見我們的行為. 求你教我們用愛心去當主你的主僕人, 求你給我們聰明智慧, 看見你為我們安排的道路. 讓我們擔子雖重(生活), 但感覺輕散! 求主給我們信心, 把一切地上的事交在你手中, 讓你去掌管我們.

奉主名求! 阿們


大宅

積分: 1380


發表於 05-7-4 10:58 |顯示全部帖子

Re: 今日係教會唔開心...

TszHin媽咪,
謝謝你的禱告...
我亦知道天父不希望弟兄姊妹之間有紛爭, 我本身是個很easy-going的人, 從不與人相爭...但是冰封三尺非一日之寒, 我亦希望兒子能有主內同齡朋輩的支持...今次的事, 讓我覺得經過一年的等候, 我們仍是應該嘗試找另一間有多些兒童事工和親子或父母團契的教會...


子爵府

積分: 12340


發表於 05-7-4 11:42 |顯示全部帖子

Re: 今日係教會唔開心...

CSW....你好, 聽到你個case, 個心都有少少唔舒服, 其實主裡的弟兄姊妹真係雖要彼此分享及交通的, 始終我們都係凡人, 總有做得不好的地方呢, 就請你原諒他們吧~

至於, 你想轉教會的事, 你真的要仔細再想想, 不要一時衝動呢, 如果你真係想換下環境, 我想我教會都有你所說的要求, 我教會有很多年輕的夫婦, 大部份都生了小朋友, d 小朋友年齡around 剛出世 - 5歲左右, 有d係比較大個, 有七、八歲到十多歲的小朋友, 我教會有兒童祟拜, 兒童主日學, 也有少年團契, 青年團契等, 但沒有伉儷團契架.... 如你有興趣看一看, 你可pm我

但始終轉教會係一件大事, 你真的要想清楚, 先祈下禱求神指引你的路吧, 我相信神一定會有安排的呢 加油加油


珍珠宮

積分: 35220


發表於 05-7-4 13:54 |顯示全部帖子

Re: 今日係教會唔開心...

CSW,

我好明白你所想, 祈禱交給天父吧!

你住在那一區??

CSW 寫道:
TszHin媽咪,
謝謝你的禱告...
我亦知道天父不希望弟兄姊妹之間有紛爭, 我本身是個很easy-going的人, 從不與人相爭...但是冰封三尺非一日之寒, 我亦希望兒子能有主內同齡朋輩的支持...今次的事, 讓我覺得經過一年的等候, 我們仍是應該嘗試找另一間有多些兒童事工和親子或父母團契的教會...


大宅

積分: 2739


發表於 05-7-4 14:34 |顯示全部帖子

Re: 今日係教會唔開心...

我可以想像到你當時真係悲喜交雜, 當見到孩子可以這麼投入地敬拜主真係好感動, 我想天父都必然全部接收你仔仔的敬拜. 我的孩子都係好鐘意敬拜主, 我真係好欣賞佢甘主動地敬拜神. 另一方面, 如果在團契生活中不能暢所欲言的分享生活的點滴, 從中互相支持, 真的很磨人. 我認同其他人說不要胡亂轉教會, 不如先與傳道同工担白地說出來, 分享你一路的struggles, worries and wishes. 如果解決不了要轉教會, 最好都不要帶著苦澀, 將人事問題先處理好, 請教會給你一家祝福先轉到一家能給與適切支持/餵養的教會.

祝福你!


禁止訪問

積分: 1871


發表於 05-7-4 16:41 |顯示全部帖子

Re: 今日係教會唔開心...

提示: 作者被禁止或刪除 內容自動屏蔽


珍珠宮

積分: 35220


發表於 05-7-4 21:33 |顯示全部帖子

Re: 今日係教會唔開心...

我是了解並且明白csw既感受, 我也曾有轉教會的諗頭(為左仔仔), 我祈禱了很久希望主為我安排另一所教會, 但最後我轉不成因為不適應新的教會, 現在我也是留在我原本的教會, 並安定下來.

現在我回想.....天父要我留在這所教會, 是有祂的美意.
所以....
要是天父要我們留, 我們不能走.
要是天父要我們走, 我們不能留.

主自有安排


男爵府

積分: 7070


發表於 05-7-4 21:57 |顯示全部帖子

Re: 今日係教會唔開心...

其實有唔少教會係著重兒童


大宅

積分: 1380


發表於 05-7-5 10:20 |顯示全部帖子

Re: 今日係教會唔開心...

:lol:
真的很感謝各位回應, 你們的鼓勵著實令我感到很溫暖...
我昨天寫了一封email給傳道人...她今早便給了我一個電話.
她說聽到這事她自己也覺得很hurt, 她說她相信除了那位弟兄之外, 不會有其他人有這樣的想法. 她也覺得他這樣做很不好. 她說叫我隨時喜歡帶兒子出來都可以, 教會絕對歡迎. 我說我也會這樣做, 因為難得小兒子能夠投入, (我的大兒子反而不投入唱歌).
神聽了我的禱告, 求主繼續帶引前面的路, 因為以我教會的規模和人口的分佈, 擴展兒童事工簡直是沒有可能. 但希望在神面前, 萬事都能, 阿門. 另一方面, 我也會同時explore一吓有沒有合適的教會, 讓小孩子能夠好好參與.


珍珠宮

積分: 35220


發表於 05-7-5 10:40 |顯示全部帖子

Re: 今日係教會唔開心...

CSW,

加油!

其實我教會都唔大gar, 我眼見小朋友(有幾位3~5歲)返到教會, 無所事事. 在一次祈禱當中我有所感動, 我主動走出來提議開辦兒童主日學, 初時我都好害怕gar! 但主其實已經有所預備, 在報告一出有很多年輕人出黎幫手, 雖然開辦了2個月左右, 但我只雖教2weeks, 其他日子都有兄弟姊妹幫手. 我還可以再嘗靜聽主日的日子, 這是我5年以來未能做到的.

感謝主!


大宅

積分: 1380


發表於 05-7-5 15:40 |顯示全部帖子

Re: 今日係教會唔開心...

TszHin媽咪,

從妳的言談間, 可知妳是位相當有心的基督徒.
多謝妳的分享. 妳的小朋友幾歲了?
我是住在深井區的, 但我從小到大返的教會是在旺角的, 妳呢?


珍珠宮

積分: 35220


發表於 05-7-5 21:31 |顯示全部帖子

Re: 今日係教會唔開心...

csw,

我信主十八年啦! 仔仔5歲. (oh...差不多爆左我既年齡秘密tim )

其實初信主時, 花了很多時間去追求, 去認識主, 打好了根基. 後來有了孩子受到很多的沖擊, 我只是不斷提醒自己, 不可以離開主, 只單靠主(因為無人可以幫到我, 明白我)去勝過一切唔開心既事.

最後當日子過了, 我再回想才清晰睇見主為我所預備的, 只是我對主信心不足, 眼睛看不見....其實主一直都在我身邊. 祂當時為我安排的是最適合我, 只是我不知足.

現在只要我有感動我就去做, 盡我所能. 其他的事就交給我們天上的父.

我住上環不過教會在長沙灣(由西灣河搬過去的)


大宅

積分: 1300


發表於 05-7-6 00:12 |顯示全部帖子

Re: 今日係教會唔開心...

CSW,
請check pm


男爵府

積分: 8972


發表於 05-7-10 23:49 |顯示全部帖子

Re: 今日係教會唔開心...

我最近在問: 為何要返教會?
因為聖經教: 不可停止聚會.
是的, 但聚會的目的是什麼? 個人不可自己尋求聖經知識嗎? 家中也可崇拜啦?
是互相支持, 互相提點, 避免跌倒. (這是我暫時的答案)

我也為了帶bb返教會而煩惱. 他只有幾個月大, 教會的幼兒聚會都要兩歲起, 暫時三歲以下的, 只有我的bb一個.
以前, d媽咪會帶年幼子女在身邊一同崇拜(沒有副堂), 但我聽過有人投訴, 所以我怕bb會嘈住人. 雖然我都會嘗試崇拜時, 帶他入去, 但一見他想喊, 我就出去, 講道時我就不敢入去. 但我又覺得, 長遠(起碼一/兩年)這不是好辨法.
這教會現有兩個牧者, 舊的正在放安息年, 他叫我嘗試在堂內(就是他太太避人投訴), 新的牧者(未婚, 多年牧會經驗), 從沒有跟我傾過我應如何, 但他給人印象, 是要求嚴謹, 要專心聽道的, 所以我怕bb會影響倒人, 正如CSW話, 就算, 佢吾嘈, 周邊D人都可能會留意佢多D. 有一位阿媽級姊妹同我講她的經驗, 帶佢入去, 吾好俾佢嘈, 我自問吾肯定可以做到. 所以好煩 .
我都問: 這會否成為轉會的理由?

首頁
1

尾頁

跳至