少年成長

跳至

首頁
1

尾頁
   0


男爵府

積分: 8504

好媽媽勳章


發表於 05-7-17 17:13 |顯示全部帖子

邀請小朋友來家玩後之善後工作

hi all,

自問唔係有潔癖之人, 有工人時會叫佢1日拖1-2次地, 而家無工人就自己做, 2-3日拖1次. 因為得仔仔一個, d親朋戚友成日教要俾仔仔多d同同年齡既小朋友玩, 可惜哥哥姐姐既仔女大晒, 唯有搵返鄰近&朋友仔女. 舊年試過第一次有朋友既仔(細仔仔一個月), 一入黎就玩轉個廳, 跟手入房跳"彈床", 食住餅乾間間房行晒, 果時好彩仲有工人, 玩就2粒鐘, 我地善後就到晚黑; 上星期邀請第二個黎, 呢次我醒目一早關晒房門, 廳開冷氣, 點知佢地反轉完個廳個朋友仔就問仔仔你間房係邊呀?? 仔仔就帶佢去, 佢阿媽聽到郁都無郁過(對住個電視)個口講"阿b你唔好搞人野喎", 哎, 轉眼間已跳緊"彈床", 仲搵我地d枕頭攬枕做障礙賽.....我已經無眼睇. 之後既善後工作.....擦梳化, 吸塵, 拖地, 清潔玩具, 換床單, 清潔廁所.....仔仔確實好開心, 不過我就做到攤攤腰. ~_~

我地去人地屋企會睇住仔仔食野, 唔會整到周圍係; 唔會入人地房, 就算參觀新居都只係門口望下, 絕對唔會跳"彈床"; 去廁所更加會一齊, 因仔仔細廁所高會容易整到周圍係; 哎, 都唔知仲好唔好邀請人地黎, 真係矛盾.


大宅

積分: 2174


發表於 05-7-17 23:18 |顯示全部帖子

Re: 邀請小朋友來家玩後之善後工作

我請d朋友同佢地gei小朋友來玩, 通常都會堅持家中的規則, e.g. 食物唔入房等等. 不過, 我會好gentle咁提佢地(包括自己個仔).


子爵府

積分: 11120

好媽媽勳章


發表於 05-7-20 08:22 |顯示全部帖子

Re: 邀請小朋友來家玩後之善後工作

我會趁大人同小朋友入屋時同小朋友講明唔可以入房玩,大人通常都會聽到,會加口同自己仔女講句唔好入房玩,多數都work喎
至於食,一樣規定係廳,我個女兩歲多起自己都會叫人唔好係房食野


禁止訪問

積分: 4238


發表於 05-7-20 13:10 |顯示全部帖子

Re: 邀請小朋友來家玩後之善後工作

提示: 作者被禁止或刪除 內容自動屏蔽


首頁
1

尾頁

跳至