各位,
本人第一次請外傭, 來我家做左差不多7個月!
佢主要係照顧我個仔(2歲多), 清潔屋企, 同埋煮飯洗碗, 洗衣服(開洗衣機, 同手洗仔仔衣服). 佢煮野/清潔, 還可以, 不過不失.
但最大問題係:我6299覺得佢唔聽老人家話, 我同佢講過幾次,一定要聽爺爺麻麻話 (6299同我們同住, 但要返工).
前排發生左一件事: 屋企個牆有時發毛/有時有一點點黑色點, 99叫工人用漂白水開d 水抺下個牆, 99話, 工人唔聽佢講, 無抺到. 但就發現佢用竹籤將個黑色點弄走, 搞到d牆有一個個細洞.
另一件事: 我99發見放在櫃中的"散紙包"唔見左, (果幾日99趕住返鄉下, 將散紙包放在櫃中, 但無鎖), 返到家, 在去找時已找不到, 62同佢一齊將個房找晒, 都找唔到. 我們問工人有無見到, 工人當然唔認.一來我們沒證據, 二來99話唔係好多錢, 三來怕話佢會對bb出氣. 所以都無再話佢
最近又有一件事, 令我都幾唔開心: 發現阿仔腳板, 有一條條好似比紙介親的痕跡, 開頭都唔為意, 以為阿仔自己唔著拖鞋/襪整親, 原來99都發現到, 叫我小心d. 有一日早上, 係我返工前, 阿仔醒左, 我叫工人入我房同阿仔一齊睇書(阿仔同我們一齊睡的), 點知中午打返屋企時, 99話bb 個腳又多左一條好長的新痕跡. 99好嬲, 我同99講等我返去睇下先再算(99返下午班的).
回到家時, 已深夜, 我發現阿仔真係多左一條新的傷痕, 由於工人瞓左. 第二天一早, 我忍唔住問個工人, 點解係我返工果時bb 都無野, 我返左工後, 會多左一條, 工人當然唔認, 話唔知. 我問佢: 點解會唔知, 平日得你同bb係屋企, 唔可以唔知, 照顧bb係你工作責任之一, 如果bb有事, 你唔第一時間同我報告, 我們會當你整的, 佢無聲出.
我同老公相量, 都唸緊炒唔炒佢, 但又係無證據, 我們問bb: 姐姐有無打你, bb識得講, 姐姐用書書整 (指住個傷痕).
跟住我叫99出糧比個工人(當然係我比錢99出), 99出糧比工人果日, 同工人講: 依家先生太太好唔開心你搞傷bb, 佢地想炒你, 以後由我出糧比你, 依家係我保你, 如果你想繼續係度做, 要聽話, 要對bb好. 工人當然話想繼續係度做.
99講完果番話後, 工人對bb好好, 笑笑口, 同bb玩, bb 都玩得好開心, 都開始痴工人.
但最近99又發現屋企個牆,又多左d 洞, 我們唸極都唔明, 工人點解要搞屋企個牆...
不過, 我們都計畫隨時炒個工人, 依家只係等99開聲炒唔炒...
但99又驚炒工人, 要賠錢, 又驚我唔做野自己揍bb...
但我自己考慮係炒左工人, 即時無人揍bb...所以都心大心細
大家有無咩意見可以分享下?
(由於本人無請工人經驗,有時真係唔知點做)
幾歲人仔依家仲要睇心理醫生!
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
返回列表
