上星期返返吓工無啦啦見紅, 即刻飛的去東區, 真係嚇親, 去到急証室, 佢叫我自己行去入院登記處, 行到去仲要排隊, 之後仲要等人帶我上病房(好彩都俾張輪椅推我上去, 如果唔係上到去暈低都有可能), 上到病房檢查, 我仲流緊血, 跟住照u/s同用鴨咀抴睇下面, 呢d例行檢查無問題啦, 最有問題係幫我打豆同抽血果位80後4眼仔醫生(陸x軒), 大家入到東區見到佢都真係要小心d, 俾人抽血抽到喊真係第一次law, 仲要抽果個位佢一落針我都知唔掂, 結果第二日隻手真係腫咗, 咁都好可以提早拆咗佢, 講返抽完血, 之後上到床要禁飲食, 因為照到呀妹未掉頭, 如果繼續流血或者有作產現象就要緊急開刀, 所以要禁飲食, 仲要因為流血唔俾落床, 不過好彩有驚無險, 瞓咗幾個鍾之後已經無流血嘞, 到夜晚終於可以食嘢嘞, 不過過咗12點又要禁食, 因為第二日順便要飲糖水, 所以又要禁食, 到咗第二日飲埋糖水抽埋血, 終於都大觲放啦, 但係由於流過血要觀察最少24小時, 所以要住多一晚, 不過喺醫院真係好難有覺好瞓, 好彩呀妹仲未捨我出嚟住, 咁就返咗屋企嘞~~~