淘寶小教學 - 開始購物篇
1.首先去淘寶網注冊
- 去www.taobao.com , 左上角可以click免費注冊, 再揀郵箱注冊
- 最好用真既資料, 否則交易出問題未必可以跟進... 驗證碼下面有一格寫住"用該郵箱創建支付寶帳戶", click左佢. 跟住可以提交註冊,
- 系統跟住會send email比你, 你入返登記左既email account就可以激活acc
2. 點降要注冊埋支付寶(taobao.alipay.com)?
- 注冊支付寶既好處係比較安全, 買野比錢之後支付寶會keep起先, 等你確認收左貨之後支付寶先會將錢過比賣家, 咁就唔怕發現d貨有問題但賣家收左錢之後唔肯負責任... 支付寶好安全, 內地既人會用佢交水電費添
- 不過呢, 賣家發貨之後10日支付寶會自動過數比賣家, 如果未收到貨就要同賣家講返, 佢可以幫手延長返個過數時間, 等你簽收後支付寶先過數
- 最好download阿里旺旺同賣家溝通, 係一個好似msn咁既渠道, 同賣家講既野可以用黎做證明, 如果有咩爭議最遲可以確認收貨15日內搵淘寶做中介人去解決
3.跟住就要激活支付寶
- 跟足step 1既話, 支付寶account已經開左, 但需要activate左先可以用
- 用你既會員名同password登入左淘寶先, 跟住揀賬號管理, 再揀點此激活
- 跟住支付寶會要求你補返d資料.. 提交資料後就完成, 登入賬號係你既email, 唔係淘寶果個名..
- 最後提醒大家, 支付寶登入同比錢之前都會要求打你既密碼, 不過登入同比錢既密碼預設左同淘寶登入密碼一樣, 如果想安全d, 建議用返唔同既密碼.. 可以登入支付寶後揀我的賬戶, 再修改密碼
4. 入錢充值支付寶
- 暫時方法都好多, 大部份既VISA/MASTER都可以用到, 不過就要收3%既手續費, 依個我未用過, 因為我無信用卡=P
- 另一個方法係經淘點(www.taodot.com), 不過匯率會比佢賺左少少, 兌1:1.21, 但都OK既... 經淘點既話要用支付寶既password登入, 可以揀去OK便利店買充值劵或者去中銀/HSBC入數, 再唔係上淘點office比都得
- OK便利店充值劵面值分為200/500/1000/2000.. 係機印既單, 買左之後7日內要將個code打入去淘點戶口, 多數幾分鐘就會成功充值, 24小時都可以用,充值後既金額無使用限期
- 去中銀/HSBC入數就麻煩少少, 等得比較耐, 服務時間只係去到7pm, 仲要upload入數紙比佢睇, 再等佢approve
5. 購物
- 跟住就將心水貨品加晒入購物車, 確認購買之後可以搵賣家修改運費或其他價錢, 如果唔駛改就可以打支付寶既password比錢喇
直接送香港既快遞公司多數係順豐或者EMS
- 順豐比較貴, 送好多地區仲要加附加費, 不過就比較快; EMS就會由香港郵政派既, 2個方法都可以網上check件去到邊, 但EMS大件少少既有可能會比海關扣起check, 少則幾個鐘, 多則幾日.. 不過我唔心急, 所以都係用EMS
- 快遞公司送黎之前會打比你, 如果無人係屋企可以試下同佢約第二個時間, 如果唔係就要上佢公司拎, 都幾麻煩... 而且一般都要比住宅附加費RMB$20-40蚊不等.... EMS就唔駛附加費, 會送上屋企門口, 但因為係郵差送, 到之前唔會比電話你... 不過如果屋企無人佢會留一張紫色既卡仔, 可以自己約佢去附近郵局收件, 或約時間叫佢派多一次
- 有時候快遞公司/EMS既網上status係唔太準既, 唔可以完全信晒... 只會顯示佢上落車同埋去唔同分發站既情況, 有時會有delay.. 同埋如果個包裹係2個站中間, 可以2-3日無update都唔奇... 我就試過網上寫住派過去我屋企但無人收, 打去問就發現其實未派, 包裹仲係中環總局未分發.. 所以有咩都唔駛心急, 等下先, 亦唔好怕打去問下
7. 集運
淘寶小教學 - 集運 (進階篇)
之前提過集運既好處同使用方法...
有時一間鋪只係買一兩件, 運費仲貴過件貨, 而且好多時都唔只睇中一間鋪既貨品, 所以用集運會比較化算.. 分分鐘慳一半以上運費甚至更多
- 多數集運公司都係廣州既, 直接向賣家提供集運既地址就可以, 多數送貨去廣州都係8-10蚊.. 有時候買夠一定數量, 鋪頭仲會包郵, 只係需要比廣州去香港既運費, 抵好多架
- 首先用旺旺問集運仲接唔接新單, 佢話接之後就向賣家提供集運既地址, 收件人寫明“(集運名): 轉(你淘寶acc名)”, 咁集運就會自動幫你收貨.. 之後見到集運果邊簽收晒自己既貨之後就可以叫集運磅重, 再落BID同收錢
# 不過集運係有風險架, 因為收貨果時佢唔會拆開黎幫你check貨, 如果有咩大問題, 唔係個個賣家都肯負責.. 所以貴既最好都係唔好用集運喇
以下係幾個集運既LINK, 我參考過好多人既分享後作出以下既summary...
佢地全部都無收存倉費, 亦無規限存放期...
·
何生 http://shop34913388.taobao.com/
依個係比較早期開始做既集運, 開頭好有交帶, 後來非常多人用, 所以會回覆得比較慢... 最繁忙既時間可能要等幾日先可以幫你磅重.. 每一單跟既時間會比較短, 試過寄漏野, 而有唔見野或有咩問題可能要比較耐先會開始同你follow, 不過佢係好有交帶既, 只係要比多d耐性, 佢一定會跟進
·
天生一對09 http://shop59180853.taobao.com
依個我用過, 因為客人比較多, 有時問佢野佢可能要第2日先回覆, 不過都好多好評, 係比較多人用既集運... 除左回覆慢之外無咩大問題... 貨到齊後通知佢磅重, 有時要等幾個鐘甚至一個下午.. 不過佢包裝得好整齊同埋細心, d貨係攤開一件件再逐件疊起..
·
趙鵬 http://shop62409546.taobao.com/
網上既comment都非常正面, 都覺得佢有交帶.. 岩岩試左一次, 佢真係回得好快, 即叫即應... 貨到齊後通知佢磅重, 15分鐘後就可以答到我, 好有效率, 不過包裝唔算仔細, 有d會捲埋左一堆, 好在係衫所以無所謂...
·
舒麗琴 http://shop62625002.taobao.com/
依個係何生既朋友, 係何生太多單接唔晒之後推介既.. 暫時評語都話佢又快又好, 我下次會試佢..
·
波仔 http://shop61664699.taobao.com
依個係丁玲既親戚, 佢地用同一個地址但分開做.. 好多人讚佢又快又NICE, 同埋快遞有問題佢都會主動幫手跟進, 不過我唔太敢試.. 因為佢同丁玲一齊住, 而我信唔過丁玲... 有時寄比佢既野係丁玲簽收, 已有人試過因為咁而唔見野
·
2011年1月update: 波仔轉左地址喇, 唔再同丁玲一齊, 可以一試
·
王俊杰 http://hkkuaidi8.taobao.com/
依個我幫人訂野果陣用過一次, 佢都好快, 不過網上有人話佢唔夠細心, 試過寄漏野, 又試過地址寫漏幾多樓... 但都算有交帶同回覆快... 同埋佢新請左人幫佢手, 可能有改善
·
進階TIPS
1.
通常廣東省入面既貨都係發貨之後第二日就到, 廣東省以外會比較耐, 到貨時間需要3-4日, 甚至5日, 視乎地區同埋邊間快遞公司..
2.
落單前可以問下賣家比左錢後大約幾時會發貨, 因為有d貨可能要比左錢之後等賣家追加預訂... 如果都係即日或第二日發貨既話可以先買遠少少既貨, 之後先買廣東省內的貨, 就返個時間... 有d賣家會話追加期7-20日, 具體唔知要幾耐先有貨可以發, 咁其他貨如果貨源充足既話可以放入購物車, 等追加既野發貨果日先買
3.
賣家發貨後10日支付寶會自動比錢賣家, 雖然話可以要求延長, 但其實有D賣家會唔肯, 因為分2次送去香港佢既貨受既風險多左, 有問題佢唔敢幫你負責...
4.
可以計到個時間差唔多, 通常4-5日內集運就可收齊晒所有貨, 跟住送黎香港大約1-3日,所有時間應該可以係8日內... 如果時間計得岩, 仲有1-3日時間先到支付寶自動過數比賣家既時間, 可以拆開貨物清點下有無遺漏先確認比錢, 會安全好多... 就算時間有偏差, 部份耐d既貨到香港已經過左10日, 都可以確保唔係全部貨都過左...
5.
當然就算係過左10日, 比左錢, 收貨後發現有問題都仲可以同賣家用旺旺傾返.. 佢地好怕客人比差評, 所以都會盡量處理.. 如果你同佢傾完佢唔肯負責, 確認收貨後15日內可以搵淘寶介入去幫你, send返旺旺history, 影返相做證據就ok
6.
同賣家傾左先, 傾唔掂先比中評/差評... 中評/差評可以有一次既修改機會.. 但如果你一開始就比左好評, 係唔可以改返左中評/差評既.. 所以一日未check好貨都唔好比評語住, 因為依個係你既bargaining power =v=
7.
唔好太貪心一次集太多間鋪或者太多貨, 因為海關有時會扣件check, 一check就可能幾個鐘甚至幾日... 而愈大件/愈重既貨扣關既機會愈大(例如8kg以上), 而節慶前後, 亞運等日子, 扣關機會亦會比較大... 中國海關會check, 香港海關又check多次... 一般情況唔太多都好少扣關, 就算check都好快過到
8.
聽講.. 相對上, 用其他快遞公司會比EMS扣關既機會少d.. 原因我都唔清楚... 不過都係唔好太貪心, 而且太多貨集運寄漏既風險都大左, 分2次都係比多十幾蚊首重, 唔緊要啦
9.
我試過扣關, 因為咁岩係聖誕之前... 不過只係扣左一日, 但EMS都幾慢, 太多貨, 等左好幾日先排到隊上車, 用左6日先到香港.. 但我既貨無比人拆過, 應該佢只係扣起SCAN下入面有乜..
10.
快遞公司送黎之前會打比你, 如果無人係屋企可以試下同佢約第二個時間, 如果唔係就要上佢公司拎, 都幾麻煩... 而且一般都要比住宅附加費RMB$20-40蚊不等.... EMS就唔駛附加費, 會送上屋企門口, 但因為係郵差送, 到之前唔會比電話你... 不過如果屋企無人佢會留一張紫色既卡仔, 可以自己約佢去附近郵局收件, 或約時間叫佢派多一次
11.
有時候快遞公司/EMS既網上status係唔太準既, 唔可以完全信晒... 只會顯示佢上落車同埋去唔同分發站既情況, 有時會有delay.. 同埋如果個包裹係2個站中間, 可以2-3日無update都唔奇... 我就試過網上寫住派過去我屋企但無人收, 打去問就發現其實未派, 包裹仲係中環總局未分發.. 所以有咩都唔駛心急, 等下先, 亦唔好怕打去問下
資料來源：http://hk.myblog.yahoo.com/Janet-K/article?mid=27
淘寶小教學 - 集運 (進階篇)
之前提過集運既好處同使用方法...
有時一間鋪只係買一兩件, 運費仲貴過件貨, 而且好多時都唔只睇中一間鋪既貨品, 所以用集運會比較化算.. 分分鐘慳一半以上運費甚至更多
- 多數集運公司都係廣州既, 直接向賣家提供集運既地址就可以, 多數送貨去廣州都係8-10蚊.. 有時候買夠一定數量, 鋪頭仲會包郵, 只係需要比廣州去香港既運費, 抵好多架
- 首先用旺旺問集運仲接唔接新單, 佢話接之後就向賣家提供集運既地址, 收件人寫明“(集運名): 轉(你淘寶acc名)”, 咁集運就會自動幫你收貨.. 之後見到集運果邊簽收晒自己既貨之後就可以叫集運磅重, 再落BID同收錢
# 不過集運係有風險架, 因為收貨果時佢唔會拆開黎幫你check貨, 如果有咩大問題, 唔係個個賣家都肯負責.. 所以貴既最好都係唔好用集運喇
其實淘點都有集運服務, 仲可以去OK便利店收貨, 不過佢一次最多只可以集運5間鋪.. 有時d貨唔同時間去到淘點果度, 但佢過左7日就要收存倉費, 所有單到齊而佢磅重後, 2日內未比錢又再有每件貨$5既附加費... 所以好煩... 而且佢地有時會好亂, 寄漏野既case都唔少...
發表於 
返回列表
