唔覺唔覺阿仔遲兩個月就十五歲，想起佢小時怎樣教導佢，希望可以同各位媽咪，分享一下我的 教仔經~
主角 :
大力仔，今年快十五歲，從小就沒有 PSP，遊戲機，電腦….玩，當然無 iphone，ipad！從十一歲就定”讀者文摘”給他睇 (佢鍾意)，喜歡電視係 Discovery 科學，動力，國家地理……釣魚，睇戲，平時非常慳家 (請參考下面 Link 子女理財 )，從未扭過計買野(唔敢)，讀 Brand 1 學校，數學全級頭十名，創作及設計第一，學校數學隊，但文科强差人意！近年有少少駁咀，絕少自己去街 (唔淮)，成個暑期跟住同我玩！
配角 :
目標 ：
大學畢業，無論邊科，專敬長輩父母，出社會工作勤奮，有正確人生目標，無皮氣，冷靜處理問題，樂觀，慳家..............結緍 / 買樓自己搞惦，真係阿彌陀佛，飲得杯落！
注意 :
查實教小朋友，最重要係"身教"，而子女就是父母的一面鏡，一分耕耘一分收獲，子女教導唔好依賴學校，因為學校朋輩影響太大，記住今日太溺愛，太種佢，要佢舒服，即是害左佢，出社會工作就會怕困難，EQ 唔夠，份份工會做唔長，唔通父母睇佢一世？
我以下方法亦不是人人適合用，好睇父母性格，其中一些可作為參考，在他們大學畢業前一定唔可以比佢地話事，要從小 (2 歲) 要知道家裡父母係做主，我從小每逢做節，新年，父母生日，外出，一定在家吃飯，因為老父從未問過我 (你去唔去) ，各位記住，唔好比小朋友自己决定想唔想，比佢地一次就有第二，三，四，以後就唔返家過節，我以前拍拖都一定同家人食飯先外出！
以我來講我仔分三個階段！
1. 2 - 7 歲 (完全無難度)
2. 7 - 12 歲 (勞氣讀書)
3. 12 - 15 歲 (反叛期 ，有點難度！)
2 - 7 歲 (完全無難度)
我仔初生時，我同老婆都外出工作，請工人就怕工人日間無人睇，所以佢從小 2 歲前都是比錢親戚凑，一星期五日在保母家，星期六,日返屋企，初時計劃係 B 仔三歲才請工人，但到近兩歲時發覺保母太遷就佢，開始有皮氣，又扭計，甘我就決定提早，在佢兩歲生日那天，接番佢回家自已教，請了個工人姐姐！
7 - 12 歲 (開始勞氣讀書)
小一至小四 同 2 - 7 歲大至相同，前文提過我係唔比 遊戲機，PSP 佢地玩，出去食飯，飲茶乘乘地坐係度食，唔會走來走去，而處罰就係以罰抄為主！
電腦初時係房，但佢成日偷偷玩遊戲，我索性成部搬左佢出去廳，佢面對牆，遠遠就睇到佢做緊什麼！仲有電腦我設定左密碼，佢唔知，每次用都要我們入！
升上小學三，四年級，我會覺得有時命令佢時，無甘順灘，如罰佢炒時條氣仲唔順，或仲 E E 哦哦，我會話仲係甘就由 50 次加到 60, 再無反應 70 。。。通常一兩次後就拿拿林去做！
無風無險就到左五年級，開始程分試。。。。一直佢成績都是中規中矩 (目標讀到大學就算)，佢數叻我們係小學都唔知，因那時我公司比較忙，老婆又有返工，佢放學回家後，家裡衹有工人及嫲嫲，但佢學校升中其中頭 33% 直升， 33% 抽簽升一半，33% 無得升，所以要谷佢成績，老婆早 d 放工返屋企夾住佢，而我一般都十時才回家食晚飯，一個月一家人一齊食唔到兩餐晚飯，教仔就落係老婆身上，而發覺佢越來越難教，因為佢知我老婆搞佢唔惦。
有次係屋企係門口，聽到佢同佢阿媽係度大聲曾論，開門我問佢 "咩事"，佢好似老鼠見貓甘，立刻話 "無事"，一支箭甘走返入房，工人老婆見到都大笑，這証明小朋友係睇人來蝦，佢從小都知我老婆無佢符，得個講子，正確 d 係縱！
我上 BK 都全因為阿仔升中一，才到 BK 開戶口 問其他媽咪，好彩佢順利升中一！
我仔在中一前都叫比較容易教，但係六年級己開始來料，而老婆在那年開始放棄工作，做全職媽媽，而阿仔升中一的反叛，亦我所料不及！！
.
13 - 15 歲 (反叛期 ，有點難度！)
發表於 
返回列表
