嬰兒醫護 今日: 18 | 主題: 79157

積分: 24568

1^#

發表於 11-9-7 11:17 |只看該作者 |倒序瀏覽 |打印

阿女4Y幾, 一直有濕疹但一直都唔算嚴重, 今年變了有嚴重濕疹
佢每晚一定鬧情緒, 冇人野佢都會大哭大叫, 無理取鬧,要求一些冇可能滿足到佢的要求, 例如明知爸爸唔係屋企就要爸爸, 見到爸爸又唔要爸爸, 又要叫公公 (公公日日都來探佢地, 晚上回自己家)
總之就成日哭, 一路哭一路r, 又唔肯俾人幫佢塗保濕膏

我知佢地好辛苦, 好痕, 所以心情好差, 成日發脾氣, 但佢成日哭鬧, 搞到我老公心情又勁差, 你們都知男人的忍耐力好一般啦, 我老公已經俾阿女搞到就黎痴線, 諗野又負面...

有嚴重濕疹小朋友的家長, 可否分享一下你們有沒有面對小朋友情緒問題?

0 0 0

私人傳訊

henry102

積分: 8399

2^#

發表於 11-9-7 11:52 |只看該作者

樓主我非常咁明白你既處境...

我阿b都係咁, 自從佢打完四個月果支針濕疹大爆發之後, 就唔肯自己訓, 就算咁好彩俾佢自己訓得著佢一醒就會勁捽面攪到頭破血流, 依家佢日頭訓覺我係要開cam來監視佢架, 夜晚就一定要婆婆抱住訓, 第個抱都唔得!!

平時佢想要啲咩我地唔俾佢佢就勁捽面, 咩野唔開心都係用捽面來發洩

!!

之前我睇個個濕疹網頁話唔可以咁縱容小朋友, 但做阿媽既點忍心睇到阿b捽到頭破血流喎, 只可以就範, 同埋望共振可以幫到佢好番, 就可以慢慢教番乖佢

除此之外可以試下同佢玩多啲等佢分散注意力唔好r咁多...

最重要, 係盡量樂觀咁面對呢個病, 唔好俾小朋友感受到負面既情緒, 我相信我地小朋友會有康復既一日架, 加油呀媽媽!

私人傳訊

Einet2009

大宅

積分: 3189

畀面勳章

3^#

發表於 11-9-7 12:19 |只看該作者

回覆：tung0409 的帖子

我個囡仲細未識大吵大吵發皮氣前濕疹已經好返咗，所以我冇作為父母嘅經驗。但可以講返我本身細個時有嚴重濕疹，係童年陰影。我記得我r到成身、頸、手腳都爛哂、出水、有腥臭味、有時流血。當時屋企冇冷氣，天熱起上嚟真係好攞命。阿媽只係識同我搽類固醇，有時又飲中藥。返學又怕俾人見到啲爛皮膚，成日著長袖衫遮住，好自卑。就係因為咁，我個人唔鍾意出街人多嘅地方。屋企人嘅忍耐係俾到我好大幫助。爸媽知道我自卑，佢地亦理解，佢地會多帶我去郊外行山之類。我兩歲嘅時候就可以行兩個鐘唔洗抱。爸媽對我有一種特別嘅訓練。佢地成日教我認識大自然，個人心情都好啲。我可以講，佢地嘅態度係直接影響我病程。你不如同老公放假去下旅行，行下山。你地放鬆心情，對濕疹小朋友都好架，係真架。我以前冇而家小朋友咁幸福，有allergy test又有生物共振。我都係十幾歲先好返，如果早啲有共振之類嘅另類治療我個童年會冇咁慘。不過爸媽都好努力俾我有足夠戶外活動令我童年加添唔少快樂同課外知識。有得有失。

私人傳訊

積分: 6905

陪月勳章

4^#

發表於 11-9-7 12:26 |只看該作者

回覆 Einet2009 的帖子

十分認同，父母的忍耐對小朋友的情況有好大的幫助

我家有毛豆，毛毛家姐長長的，豆豆妹妹圓圓的，我愛毛豆。

私人傳訊

積分: 6905

陪月勳章

5^#

發表於 11-9-7 12:27 |只看該作者

Tung0409,

你可唔可以講下，你而家遇到呢種情況，你會點處理?

我家有毛豆，毛毛家姐長長的，豆豆妹妹圓圓的，我愛毛豆。

私人傳訊

積分: 24568

6^#

發表於 11-9-7 12:44 |只看該作者

回覆 henry102 的帖子

多謝回覆!
其實面對濕疹小孩真的好矛盾, 個個都叫我地唔會令到佢情緒不穩, 因為佢情緒差, 自己又會痕多些...
但佢地就好似知道我地冇佢辦法, 要乜有乜咁, 因為怕左佢哭, 一哭又再痕些...
唔安撫佢又唔係, 安撫左下次又再變本加

私人傳訊

積分: 24568

7^#

發表於 11-9-7 12:55 |只看該作者

本帖最後由 tung0409 於 11-9-7 12:58 編輯

回覆 henry102 的帖子

你提到分散注意, 我很認同, 依家我成日租唔同既disney電影碟俾佢睇, 佢有vcd睇住就唔記得痕, 亦睇得好開心...
但點都會有完既一該, 睡前要沖涼, 總之晚晚, 尤其沖涼前, 或沖涼後就開始黎料, 一直哭哭叫叫, 又唔要訓覺, 仲想睇乜乜乜, 仲想食乜乜乜.....前幾晚, 我見佢可能開始了共振療程, 有可能岩岩開始會再痕多些少, 所以佢想點都滿足佢, 陪佢睇碟講故事食米通搞搞搞, 搞到2點幾先肯上床, 但上到床咪又係又哭又痕又R..

我老公已頂唔住成日困自己係書房, 唔想再聽到阿女的哭叫聲, 但有時都忍唔住出黎鬧阿女, 叫佢收聲
昨晚, 我發覺就算的陪阿女玩到2點幾, 搞到自己第2天返工好冇精神, 做唔到野, 同咁落去都好易自己都病埋, 但阿女都一樣會上床發癲, 所以昨晚佢12點幾又再癲時,我決定唔再滿足佢既無理取鬧, 我話你要乖, 唔哭, 先可以食野睇碟, 你今晚唔乖, 係咁哭, 所以乜都冇, 依家入房訓覺 (工人姐姐陪佢), 我自己入自己房訓, 佢哭左陣冇再話要食野同睇碟, 但都訓唔到, 到1點幾就入我房話要聽故事(當時已收聲冇哭) 我話你依家乖左就講俾你聽, 去到床, 其實佢都聽唔入, 都係咁r, 我幫佢塗蘆薈GEL及保濕膏, 慢慢就訓著了...

私人傳訊

henry102

積分: 8399

8^#

發表於 11-9-7 13:07 |只看該作者

回覆 tung0409 的帖子

阿我仲有少少唔記得講...

之前講到阿b佢會用捽面來扭人抱佢, 咁我早兩個禮拜就諗到個方法, 就係如果佢唔捽面既時候就好開心咁去抱佢同佢玩, 如果佢又係用捽面來要人抱的話, 我地都會抱佢, 但係就好唔開心咁行埋去, 同佢講你捽面我地唔開心, 你捽面好曳曳呀etc...so far我覺得係有改善的

我地小朋友年紀都差好遠下, 唔知我呢個方法你用唔用得著呢?

私人傳訊

積分: 24568

9^#

發表於 11-9-7 13:09 |只看該作者

回覆 Einet2009 的帖子

感謝你把自己童年既感受跟我分享...

我亦開始知道阿女的自我形象低左好多.
事緣佢6月開始由西轉中, 由轉中醫有反彈期, 所以7,8月成身損, 返覺我驚佢感染所以用紗布包住損既地方, 又因為佢夜晚訓得差, 成日痕甦,所以同學校商量決定俾佢由9點改為返11點, 想佢訓多少少...

點知有日俾我知道佢已經唔再想返學 (以前未變嚴重濕疹時, 佢係好開心既一個小朋友, 好鍾意返學)
因為佢話紗布包住好醜樣 (有可能係同學仔冇心之失佢聽到), 覺HENRY咁講, 佢地好敏感...
又話唔想遲到 (阿女係一個係學校好受規既人, 佢覺得遲到好似好唔岩咁)

我當時好唔開心, 冇諗到阿女咁快俾濕疹影響岩佢情緒同自我形象...

返學校同老師傾過, 決定俾佢過正常既生活, 唔再俾佢遲返, 亦成日鼓勵佢一定會好番...

你父母好好啊...我都成日想同阿女去遠一些的效外, 但老公唔配合我一人好難成事 (我仲有個細女就黎3y)

聽到你的分享, 我更明白有濕疹既人的內心感受, 謝謝你..

私人傳訊

Einet2009

大宅

積分: 3189

畀面勳章

10^#

發表於 11-9-7 13:10 |只看該作者

回覆：tung0409 的帖子

咁夜訓？

你知唔知濕疹到咗過訓覺時候係會痕到人都癲架？我好細個就好清楚呢個道理，所以我一諗起去婚宴我就好驚，果晚一定遲訓，坐係宴席上未食到一半已經周身痕。回程路上車就係十級痕。醫學書都有講架，眼訓唔去訓，身體係會release 大量 histamine架，呢個道理唔洗睇醫書我自己都領會到。

私人傳訊

積分: 24568

11^#

發表於 11-9-7 13:37 |只看該作者

本帖最後由 tung0409 於 11-9-7 13:37 編輯

回覆 Einet2009 的帖子

唉...我不知幾想阿女早點訓, 佢肯訓我先有得訓, 問題佢一叫佢訓佢就發癲....
明明叫佢訓前佢開開心心的睇緊碟或講故事, 但一停, 冇野分到佢心, (訓覺可以點分心呢)
佢就會哭/痕/r, 乜都出齊, 又要這樣又要那樣, 之前就是唔想再俾佢哭鬧, 就盡量滿足...

所以細路仔有這個病, 真係好難搞, 已經唔止係濕疹問題, 仲引申好多其他問題...

私人傳訊

積分: 24568

12^#

發表於 11-9-7 13:43 |只看該作者

回覆 queeniechung 的帖子

Queenie,

我大致上都係回覆henry既回應時講左我阿女癲時我點做了.

我都好怕濕疹送多個禮品俾我阿女, --> 公主病...

昨晚我堅持唔再理會佢既哭鬧, 好似有少少效, 佢今晚再癲 (相信100%會), 我再試下, 希望止到佢既癲狂哭叫...

唉..

你都要注意下你女女既情緒, 唔好俾佢收收埋埋...依家我地面對既已經唔係濕疹咁簡單, 因我地既小朋友已經開始大...好多野儲儲埋埋, 到再大些, 要想改善就愈來愈難了

大家加油!!!

私人傳訊

Einet2009

大宅

積分: 3189

畀面勳章

13^#

發表於 11-9-7 13:47 |只看該作者

引用：[i=s]+本帖最後由+tung0409+於+11-9-7+13:3

原帖由 tung0409 於 11-09-07 發表
本帖最後由 tung0409 於 11-9-7 13:37 編輯

回覆 Einet2009 的帖子

我未教到個囡咁大個，但從醫學上，佢係因為過了睡覺時間所以身體釋出大量histamine令佢極度痕癢。至於用咩方法令佢聽話，呢個要請教有經驗父母或專家。但無論如何，一定要佢早訓。

私人傳訊

積分: 6905

陪月勳章

14^#

發表於 11-9-7 14:15 |只看該作者

回覆 tung0409 的帖子

其實我地都有留意架~~~~~

我地都試過忽略佢的(即係在佢大發脾氣時)因為，佢發緊脾氣，我地講咩都無用，我地會比一個安全的地方佢去發洩佢的情緒，THEN等佢收左聲先至搞佢，因為係佢有情緒時我搞佢，會搞到我都有情緒呀~~小朋友，好醒目架，佢地知哭鬧唔WORK﹐佢地會諗辦法到WORK為止，加上佢之前扭完一大餐，平靜左之後，只需要做返我地應該做的事，例如：你好D啦~~咁我地繼續點點點咁，佢地就OK，應該就唔再扭，不過我囡而家的問題，妹妹出左世之後成日同阿妹比，所以咪更情緒化LOR~

我家有毛豆，毛毛家姐長長的，豆豆妹妹圓圓的，我愛毛豆。

私人傳訊

積分: 24568

15^#

發表於 11-9-7 14:53 |只看該作者

回覆 Einet2009 的帖子

嗯, 我會再睇下有咩辦法令佢早訓..
我都留意到佢一眼訓就更加痕...可惜早早叫佢訓佢又唔肯.
真麻煩

私人傳訊

積分: 24568

16^#

發表於 11-9-7 15:05 |只看該作者

回覆 queeniechung 的帖子

嗯嗯...
最慘係佢哭鬧既過程中, 是夾雜埋r痕, 仲要係狂r, 如果佢只係哭鬧, 我都可以好忍心咁唔理佢, 等佢clam down, 問題係, 見住佢瘋狂的r, 真係好怕佢r 損, 其實一定會損, 係睇下我可以阻止到幾多...所以有時又唔忍心, 入去同佢塗膏, 一塗又再哭得大聲d

真係唔知點搞...佢哭到咁上下, 又會話好辛苦, 透唔到氣喇...我咪同佢講, 咁你唔好哭囉, 咁辛苦為乜呢..

阿女之前都講左句令我心如刀割既說話:

媽咪, 我想好似2yr咁, 我唔鍾意4y有濕疹
媽咪, 你4y時有冇濕疹嫁? 係咪好痕呀...
媽咪, 我唔鍾意d皮皮吖...

當我聽到佢想返去2y時, 我真係流下淚來, 覺得佢真係大個左好多, 亦心痛佢要面對這個病

佢都有個妹妹, 比佢細1.5Y, 冇濕疹, 仲滑一滑

不過上天真係好公平, 妹妹冇濕疹, 但面上有胎記 (唉..女仔嫁喇嘛, 生係面度)

細妹出世時我既心情真係沉重到不得了, 幾天後仲同我講話有埋G6PD, 依家當然知冇咩野啦, 但岩岩出世知道時又係一個大打撃...老公又唔開心....(Sorry, 講講下好似離左題添)

just want to share my feeling with all of you!
有你們真好, 肯同我分享感受及聽我的心聲...老公思想負面幫唔到我(我仲要擔心埋佢添) 所以有時我都感到好lonely及無助...

私人傳訊

yan02

子爵府

積分: 11009

17^#

發表於 11-9-7 15:10 |只看該作者

回覆 queeniechung 的帖子

tung

我明白的難處 ,你要加把勁 ! 自己要樂觀的 ,濕疹一定會受控的 .
前2年 , 我仔的濕疹都好嚴重, 個時他才歲幾, 不識得表白, 只識"r" , 2只手臂都損晒 , 成日個面仔都是紅卜卜的 ,
我以前未曾見識濕疹 , 反而是我搞出個情緒病出來, 個時我一見到我仔我就哭 , 人地問起我仔我又哭 , 半夜幫仔"r"
我又哭 , 之後展開了我的尋醫之苦 , 但呢2年來, 我發現 ,小朋友的疹就越大越受控 , 我仔現在都是4歲幾, 不是完全好返,
但起碼不會再一達達紅,
我覺得除了擦保濕外, 沖涼的物品也重要, 我現在間中煲片糖水給我仔沖涼 , 永安有一只麥麩都0K , 呢2只沖完涼後, 我
都見他不 "R" , 我現在沖完涼沒特別幫他擦潤膚野, 好似正常的小朋友甘. 我怕擦太多又是會塞毛孔
你女都4歲啦,聽得明大人的說話, 雖然他真的好難受, 但不可以無理取鬧的
另外 , 睡又是一個問題, 小朋友不應該甘遲睡的 ,我成日都見我仔半夜點幾-3點會 "R " , 之後就又好睡返 , 如果你要他最辛苦時叫他睡, 他又點睡得到呢 ? 你比返正常的返學時間他, 日頭他累了, 晚上他就會好睡的 , 睡眠好, 抵抗力自己強
濕疹自己會受控 , 呢個是我的愚見 ,你調整好他的時間啦.

私人傳訊

積分: 6905

陪月勳章

18^#

發表於 11-9-7 15:13 |只看該作者

回覆 tung0409 的帖子

咁你真係好辛苦呀~~你自己都要加油，如果"R"得勁，你咪抱住佢，同佢講: 媽媽都知你好辛苦呀，媽媽點同你一齊，媽媽同你一齊加油，媽媽真係好愛你架，睇下安唔安慰到佢，或者同佢擦下GEL

唉~~有時真係唔知點做架~~~

我家有毛豆，毛毛家姐長長的，豆豆妹妹圓圓的，我愛毛豆。

私人傳訊

ALAL

積分: 6535

19^#

發表於 11-9-7 15:39 |只看該作者

回覆 tung0409 的帖子

嚴重要吃醫生開的止痕藥,吃左會好睡D. 最緊要不要影響整個家庭的情緒,現在是一個人病,不要變造兩個人病!!

共勉之.

私人傳訊