親子旅遊 今日: 0 | 主題: 161809

積分: 24044

1^#

發表於 12-5-12 03:06 |只看該作者 |倒序瀏覽 |打印

本帖最後由 pyjess 於 13-4-19 13:15 編輯

行程
Day 1: 香港—北京—斯德哥爾摩 (飛機)
Day 2: Ericsson Globel, 南島, 傳統市場, 乾草廣場舊貨市場
Day 3: 舊城區, 戶外博物館, 水族館, 瓦薩號戰艦博物館, 動物園島沿岸邊步行回北島, 皇家公園 (四月尾有櫻花)
Day 4: 地鐵站T11線岩盤段, 斯德哥爾摩—奧斯陸 (飛機)
Day 5: 艾克胡斯城堡, 維京船博物館, 挪威民俗博物館
Day 6: 維格蘭雕刻公園, 卡爾約翰斯大道, 奧斯陸大教堂
Day 7: Norway in a nutshell奧斯陸—米達爾 (火車), 米達爾—弗拉姆 (弗拉姆高山小火車)
Day 8: 弗拉姆—古德凡根 (船), 古德凡根—佛斯 (巴士)
Day 9: 佛斯—卑爾根 (火車), 布里根
Day 10: 佛羅依恩山, 廣場
Day 11/12: 卑爾根—斯德哥爾摩 (飛機), 斯德哥爾摩—北京—香港(飛機)

飛機: 香港來回斯德哥爾摩 Air China
瑞典來回挪威 Norwegian

住宿
斯德哥爾摩 - Tegnerlunden Hotel
奧斯陸 - Akers Have Apartment
弗拉姆- Flam Marina & Apartment
佛斯- Fleischers Hotel
卑爾根– Best Western Hotel

酒店+機票+Norway in a Nutshell 套票+ Day Pass + 機場交通 = HKD17,000 / 人

驚艷
1. 戶外博物館內, 有一個水族館, 有一個位置放了馬騮, 但是沒有欄的, 有好些不危險的動物, 館內”防止走失欄”都很低….”親民”的感覺令人反思與動物是否一定要保持絕對的距離
2. 瓦薩號戰艦博物館, 很有心讓人認識這沉船, 只怪時間總是不夠
3. 動物園島沿岸邊步行回北島, 瑞典人從心裡出來的
4. 皇家公園, 四月尾有櫻花
5. 地鐵站T11線岩盤段, 藝術與生活距離原來很近
6. Norway in a nutshell 的大山大水, 寒風和雨水, 弗拉姆高山小火車, 不試過是會後悔的
7. 奧斯陸的Akers Have Apartment 是我的Dream House, (床除外)
8. 弗拉姆- Flam Marina & Apartment, 露台對正峽灣, 比酒店還要讚!

最不爽
1. 傳統市場, 乾草廣場舊貨市場, 挪威民俗博物館, 奧斯陸, 差不多是不去也罷
2. 奧斯陸 - Akers Have Apartment的床太軟, 睡眠反倒更累
3. 兩程長途機均沒有”自選影院”, 只有”公共”營幕
4. 漫遊卡連不到網路, 聽不到孩子的聲音

~ 報告完畢 ~

1 0 0

如果天空總是黑暗的，那就摸黑生存；如果發出聲音是危險的，那就保持沉默；如果自覺無力發光的，那就蜷伏於牆角。但不要習慣了黑暗就為黑暗辯護；不要為自己的苟且而得意；不要嘲諷那些比自己更勇敢熱情的人們。我們可以卑微如塵土，不可扭曲如蛆蟲 - 曼德拉

私人傳訊

積分: 431805

大廚勳章畀面勳章 BK Milk勳章

2^#

發表於 12-5-12 09:23 |只看該作者

回覆：瑞典+挪威12日10夜, 資料分享

成個trip幾錢呀

淨機票又幾錢呀

有冇相睇呢

私人傳訊

積分: 25952

3^#

發表於 12-5-12 11:30 |只看該作者

樓主,

WELLCOME BACK !

你去完返來?

坐AIR CHINA 感覺如何? BK呢度好小人坐過CA的機! 多數人聽都未聽過..
如果覺得好, 可以推界下!

我未去過北歐的, 老公唔係好鐘意, 佢覺得小了一份繁華, 多唔多街頭賣藝?

博物館多唔多畫? (我自己極鐘意睇畫的)

建築物的特色如何呢? (我好喜歡科龍大教堂的宏偉, 聖母院的莊嚴)

唔好意思, 太多問題..

私人傳訊

hellokitty1013

男爵府

積分: 9857

畀面勳章

4^#

發表於 12-5-12 11:39 |只看該作者

回覆：pyjess 的帖子

風景係咪好靚

私人傳訊

積分: 25952

5^#

發表於 12-5-12 12:41 |只看該作者

樓主,

我見你酒店, 交通費, DAY PASS, 的使費好抵.. (北歐消費一向貴)

12日只須1,7000元一人, 你住酒店? 民宿?

我PLAN左, 6-7月去法國, 克羅地亞, 羅馬返HK,

我16日行程, 酒店+機票(另加3程內陸機)+火車證費 = 15000元一人(未計DAY PASS, DAY TOUR, 機場交通, 套票$)

又話歐洲經濟衰退, 一D都唔覺, 我覺得貴過早2年...

私人傳訊

積分: 24044

6^#

發表於 12-5-12 16:40 |只看該作者

回覆 TMC3012 的帖子

主要支出就是HKD17,000一個人; 其他都是吃和購物(我地買書, POST CARD同埋手信), 及, 因為O岩O岩返黎, CREDIT CARD STATEMENT未返, 未有實數, 估計最多HKD10,000一人, 當然, 買少D, 自己煮就再平D, 所以食同買都係豐儉由人

講起錢, 我先醒起一定要講
無論挪威同瑞典, 都無得以"

LUS"字樣的卡提款, 但正如焯媽媽之前講, 歐洲人用CREDIT卡幾誇張, 買少少野, 7仔都可以用CREDIT CARD
我帶CASH HKD2000 + EURO 420 + CREDIT CARD渡過咁多日

仲有瑞典機場可以用港紙換瑞典克郎; 而挪威...唉, 搞笑地, 兌換銀行無SHOW 牌價, 好似任人魚肉咁

淨機票約HKD5,200, 包稅和燃油附加費

未處理D相, 睇怕都要一段時間整理下先 ^^

私人傳訊

積分: 24044

7^#

發表於 12-5-12 16:43 |只看該作者

回覆 hellokitty1013 的帖子

峽灣大山大水, 大風細雨, 好易見到God's creation...
但城市就...捷克靚10倍, 所以除非再去峽灣/睇極光/唔洗錢, 否則唔會再去

私人傳訊

積分: 24044

8^#

發表於 12-5-12 17:15 |只看該作者

回覆焯媽媽的帖子

O係BK見過咁多次, 叫我PYJESS, 叫樓主, 好似好生外咁

Air China畢竟係內地公司, 有D野做得無咩HEART, 例如空姐可能好苦惱, 個樣會表現晒出黎 (咁, 佢又唔係發脾氣, 只係好似好大壓力咁); 10年前, 我坐飛機, 長途機已經有獨立ENTERTAINMENT, 今次2程STOCKHOLM來回北京, 8.5小時機, 1程北京回港, 3小時都無, 公共顯示屏突然無畫面, 無空姐理 (我都明佢唔會識修理), 但講句唔好意思都無; 未食完餐, 已經見開始收野, 好趕; 機上推車賣香煙....

但值得讚是, 飛機起降都好定, 我畏高O既, 都覺得心裡輕鬆

總體而言, 選擇Air China全因為佢平, 同埋去北歐, 航程最短, 除等候時間外, 8.5+3小時....如果要平機票, 留錢買野同食野, Air China OK, 最好自己預自己O既ENTERTAINMENT甚至少量自己鐘意食O既野

無可否認, 北歐是少了一份繁華, 尤其去過捷克, 真係除卻巫山不是雲, 但感受瑞典人由骨子裡發出的休閒, 是另一番感受
畢竟, 北歐城市以前多受火災, 城市景觀沒有太多非常古舊而華麗的感覺; 我估你多去德國, 去北歐也會有相同的失落感, 我總覺得暖一點的地方, 生命活力感會強一點的

街頭賣藝唔多, 尤其瑞典, D人好似唔洗做咁, 所有野差不多4時關門; 挪威好似有D, 但唔係好令人注意到

鐘意博物館, 就要去喇, 因為真係好多; 其中奧斯陸國立美術館放了很多邁克(名作有"吶喊", "病童") 的畫; 還有邁克博物館, 以及當代藝術博物館; STOCKHOLM也有國立美術館, 你應該會喜歡

UM...要睇建築物就不要去北歐, 都係O個個, 去過捷克, 北歐的建築有點令人失望的
我見過好美的教堂在英國的YORK MINSTER, (沒有去過科龍大教堂), 最大的城堡在捷克CK

私人傳訊

積分: 24044

9^#

發表於 12-5-12 17:35 |只看該作者

回覆焯媽媽的帖子

因為機票都是訂LOW FARE, 例如AIR CHINA去挪威要HKD10,XXX, 我便訂去STOCKHOLM, 只要HKD5,2XX

酒店都是用比價網, 以市中心1英里內行到的, 就是要節省交通費, 因為老公唔想住YH, 所以必須是酒店/APARTMENT, 如果住得YH, 仲平, 而北歐的YH是幾OK的, 注意清潔度評分就無問題, 有些YH, 有雙人房的話
北歐消費貴, 因為VAT高達25%, 於是一隻大少少O既熱狗, 都要60元, 一支飲品20元
自己煮最平, 反正當地食物一般, 或者食酒店早餐食飽飽, 晚上吃包包算了

HKD17,000/人未包食和購物的唷

DAY PASS 是計算了一天要去哪, 放在一天用較化算, 而且DAY PASS 時按小時計的, 所以因能體力和行程而ACTIVATE張卡

你6-7月去旅行時, 有無機會唔跟DAY TOUR? 機場交通, 我地唔搭EXPRESS, 因為價錢差幾倍, 但車程只差20分鐘; 可唔可以唔選套票, 而自己分開訂? 例如我NORWAY IN A NUTSHELL 可以訂埋酒店, 但價錢比自己同酒店訂貴幾百蚊

因為我同老公去, 行動力比較強, 可以唔洗以方便為考慮; 平, 先至係重點

私人傳訊

積分: 431805

大廚勳章畀面勳章 BK Milk勳章

10^#

發表於 12-5-12 18:00 |只看該作者

引用:回覆 TMC3012 的帖子主要支出就是HKD17,0

原帖由 pyjess 於 12-05-12 發表
回覆 TMC3012 的帖子

主要支出就是HKD17,000一個人; 其他都是吃和購物(我地買書, POST CARD同埋手信), 及, ...

機票又幾抵喎，我新年果陣去左芬蘭斯德歌爾摩同塔林，好好彩睇到北極光，埋單差唔多30000一個，我都想夏天再去其它北歐地方

點評

pyjess 直飛FINLAND都貴, 都係過萬, 我因飛STOCKHOLM平先去O個度發表於 12-5-13 00:22

私人傳訊

積分: 25952

11^#

發表於 12-5-12 22:52 |只看該作者

pyjess 發表於 12-5-12 17:15
回覆焯媽媽的帖子

1. O係BK見過咁多次, 叫我PYJESS, 叫樓主, 好似好生外咁

2. 10年前, 我坐飛機, 長途機已經有獨立ENTERTAINMENT,

3. 公共顯示屏突然無畫面, 無空姐理 (我都明佢唔會識修理),但講句唔好意思都無; 未食完餐, 已經見開始收野, 好趕; 機上推車賣香煙....

4. 但感受瑞典人由骨子裡發出的休閒, 是另一番感受

1. HA HA, PYJESS 你好呀, 好開心可以同你在此分享歐遊的體會, 我自己身邊要好的朋友, 同事等..好小會去歐洲, 多數去東南亞, 日本..

只係我老公好鐘意去歐洲, 一有時間, 就會想去歐洲, 而家機票越來越平, 記得我第一次去歐洲 (很多年前) 當時坐英航 (BA) 去法國, 差不多要一萬元.. 我當時剛畢業不久, 要死慳死抵先可以去到歐洲,

但今年再去法國, 機票5000元有找.. (都係AIR CHINA先可以甘平)

2. 第一次坐英航,(N甘多年前) 係有中文的電視, 音樂節目的.. 咩節目都好, 其實我自己無所謂, 上到飛機一係準備旅行的資料, 一係睡覺..

3. 我覺得係文化差異, 我以前多數坐英航, 法航, 泰航去歐洲, 去亞洲多數坐港龍, 國泰, 多數係外籍機師, 佢地好鐘意講好多野, 反而, 坐國航(AIR CHINA) 機師唔講野, 真係唔知目的地的情況等...

4. 之前去過瑞士, 覺得瑞士真係好優閒, 同巴黎真係完全唔同感受呢..

我老公真係好鐘意巴黎, 羅馬個種繁榮, 浪漫, 建築物的宏偉, 古雅, 今次好期待呢...

私人傳訊

積分: 25952

12^#

發表於 12-5-12 23:25 |只看該作者

pyjess 發表於 12-5-12 17:35
回覆焯媽媽的帖子

1. 因為機票都是訂LOW FARE, 例如AIR CHINA去挪威要HKD10,XXX, 我便訂去STOCKHOLM, 只要HKD5,2XX

2. 酒店都是用比價網, 以市中心1英里內行到的, 就是要節省交通費, 因為老公唔想住YH, 所以必須是酒店/APARTMENT

3. 你6-7月去旅行時, 有無機會唔跟DAY TOUR?

4. 可唔可以唔選套票, 而自己分開訂?

5. 因為我同老公去, 行動力比較強, 可以唔洗以方便為考慮; 平, 先至係重點..

1. 我BOOK機票都係同一情況, 我訂HK > 巴黎, 羅馬 > HK, 如果行程倒轉, 或者唔係羅馬返HK, 機票要過萬..

2. 我以前去歐洲, 都會住YHA的, 但每次的經驗都唔OK, 例如無拉拉住緊都可以叫我地搬走, 所以近十次去歐洲都無住YHA..

3. 我會7月去南法睇薰衣草, 一定要JOIN TOUR, 因為我地唔識揸車..

4. 套票要看看到時的入場費等等情況, 例如, 之前去過2次羅浮宮, 而家考慮緊去唔去羅浮宮等入場費貴的地方..

5. 我地以前都係考慮$, 我地係BACKPACKER, 但而家年紀大左, 有時真係想食好D, 想住好D, 無甘辛苦, 所以都係會使多左..

唔好意思, PYJESS, 你個題目係北歐分享, 我係到講緊D無關的野, 佔用了你的版面..

私人傳訊

積分: 24044

13^#

發表於 12-5-13 01:23 |只看該作者

回覆焯媽媽的帖子

1. 焯媽媽, 能夠同你分享旅行經驗, 我都好開心, 因為身邊好少朋友會鐘意仔細計劃自由行行程, 而我, 覺得自由行, 係簡單體驗當地人生活, 甚至是理解人地思考模式和價值觀的一種方法

好似今次咁, 我地見當地好多雕塑, 又見小朋友會爬上去, 家長唔會阻止, 就想想, 點解人地可以有咁多創作, 而香港唔得? 點解人地藝術品可以咁”平民化”, 咁”親民”, 我地唔得? 點解人地公園唔只得滑梯? 究竟”怪獸家長”對城市景觀有咩影響?

不過我半年去左2次歐洲, 有少少膩, 同埋長途機好辛苦, 仲有幾次旅行相薄未整好…今年內未必會再去, 期望下年或後年應該會去意大利, 期間可能會去尼泊爾/不丹, 不過要訂平野, 只要平, 邊度都去

其實我都鐘意歐洲, 因為以前在英國讀書, 好想感受返當年O既感覺, 西餐O既香味, 洗衣房清潔劑味, 我都好掛住

2. 我去英國讀書, 都係無錢, 所以搭海灣, 香港—泰國—巴林—倫敦, 來回機票4000; 最搞笑係, 返香港時, 我改日期, 當年又唔知手上係STAND BY TICKET, 結果泰國回港O個程無位, 航空公司幫我轉EMIRATES, 當年機上已經有多種娛樂; 因為我通常要PLAN好晒先上機, 我又鐘意睇戲, 機上娛樂對我好重要…不過五千幾飛北歐, 算喇~

讀AIR CHINA雜誌, 見佢地話內地民航剛普及, 唔知係唔係因為咁, 機票較平

3. 吓? 我反而未搭過機司鐘意講野O既飛機喎, 定係我掛住睇戲, 根本唔想理佢講咩?!

4. 瑞士, 我都有唸過, 物價貴唔貴呢?

我都想過去法國, 不過以前有法國人對我同埋同學 (香港人) 唔好, 令我好抗拒法國人, 但係我記得你講過普羅旺斯有好古舊建築物, 我又好想睇喎…唉!

5. 我都試過想搵STOCKHOLM入, BERGEN/OSLO出的, 但又係過萬, 你點搵到O架?

6. 其實唔識駕駛, 有時仲好, 最少, 全部人可以休息, 我朋友自駕, 4個人得1個識駕駛, 仲辛苦過返工

7. 講真, 如果錢唔係太大問題, 入場費貴, 我都會入, 因為我地試過唔買一D野, 過後搵唔返, 呢4年都記住…

8. 初初同老公去旅行, 我想住YH, 佢就話仲支持到住酒店, 辛苦搵來自在洗, 到而家, 返唔到轉頭, 所以搵打折又靚酒店, 然後去享受埋間酒店, 變成我地旅行目的的一部份, 所以近年住過首爾W Hotel, 日月潭涵碧樓, 清境The Old England, 布拉格Golden Well….每次, 都狂影相, 有次仲寫埋住評

哈哈, 呢道我主場, 焯媽媽你可以隨便佔用講非北歐旅行~

私人傳訊

積分: 25952

14^#

發表於 12-5-13 23:40 |只看該作者

竟然BK有姊妹坐過GULF AIR去歐洲.. 坐過GULF AIR, 應該都係差不多那些年.., HA HA..

我都坐過 GULF 去歐洲的, 我個次好搞笑, 我要坐四程飛機先去到歐洲..

原本的航線係 :(三程)

HK > 曼谷 > Muscut > athena

但結果有一程航班取消了, 結果 (要坐四程飛機)

HK > 曼谷 > MUSCUT > 阿曼> athena (個D地方名, 聽都未聽過, 點解我記得個地名, 因為我轉登在機場買了什麼東西, 換了阿曼錢, 以便留念....)

個次吃了7-8餐飛機餐, 我叫我老公唔好叫醒我吃飛機餐, 結果飛了接近24小時才飛到雅典..

一世難忘..

個次都係用左約5000元去歐洲的..

私人傳訊

積分: 25952

15^#

發表於 12-5-14 00:00 |只看該作者

pyjess 發表於 12-5-13 01:23
回覆焯媽媽的帖子

1. 焯媽媽, 能夠同你分享旅行經驗, 我都好開心, 因為身邊好少朋友會鐘意仔細計劃自由 ...
其實我自己去旅行, 唔係PLAN得好仔細的, 所以每晚都要同老公商量下一日的行程..

2. 不過我半年去左2次歐洲, 有少少膩, 同埋長途機好辛苦
我一上到飛機就訓左, 所以唔覺坐飛機好辛苦, HA HA..

3.所以搭海灣, 香港—泰國—巴林—倫敦, 來回機票4000; 最搞笑係, 返香港時, 我改日期, 當年又唔知手上係STAND BY TICKET, 結果泰國回港O個程無位,

我搭GULF 都有很特別的經驗, 所以真係太鐘意自由行, 每次都有很多驚喜, 每次都有很多體驗..

4. 瑞士, 我都有唸過, 物價貴唔貴呢?

我個次去瑞朗係對約6.5港元, 而家匯率貴左, (對8.3港元)所以應該都係貴的..

5. 我都試過想搵STOCKHOLM入, BERGEN/OSLO出的, 但又係過萬, 你點搵到O架?

我唔知有無講錯左, 我無去過北歐呢!!
6. 清境The Old England
我今年四月都有去清境, 只係去左OLD ENGLAND影幅相..

私人傳訊

積分: 431805

大廚勳章畀面勳章 BK Milk勳章

16^#

發表於 12-5-14 00:03 |只看該作者

回覆：焯媽媽的帖子

焯媽，你有冇去過東歐呀

私人傳訊

積分: 431805

大廚勳章畀面勳章 BK Milk勳章

17^#

發表於 12-5-14 00:05 |只看該作者

引用：Quote:pyjess+發表於+12-5-13+01:23+回覆+

原帖由 焯媽媽 於 12-05-14 發表

你有人可以商量行程就好啦，乜都係我plan, book, 搞晒啲野， c6就好似跟團咁

私人傳訊

積分: 24044

18^#

發表於 12-5-14 00:15 |只看該作者

回覆焯媽媽的帖子

呵呵呵, 坐GULF AIR都真係"那些年"的事了

4程機? 真係人都顛呀!

不過當年咁轉法, 我去英國時唔見左件行李, 去到學校, 學校比左5英鎊電話卡我地打返屋企, 我就用晒去打電話俾航空公司罵人, 因為佢地話搵得返, 不過要4日後先送到我O個度...

O個次, 係我呢世女, 第一次用英文罵人...亦係最後一次

私人傳訊