吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 醫護健康› 接中過風的爸爸回家照顧,可行嗎?

醫護健康今日: 1|主題: 7857

收藏本版

發帖

返回列表

跳至頁

查看: 11462 | 回覆: 44

[長者] 接中過風的爸爸回家照顧,可行嗎? [複製鏈接]

12 3

黃美美

別墅

積分: 690

1^#

發表於 12-6-14 03:36 |只看該作者 |倒序瀏覽 |打印

本人爸爸在今年母親節前夕左腦中風(爸爸年齡差不多80歲),
入住瑪嘉烈醫院,一星期後情況穩定,送左去瑪嘉烈醫院的荔景大樓進行康復治療,
情況雖穩定,但由於中過風,他右半身動不了,要長期臥牀,另外講唔到野,需要插胃喉吊奶,另外要使用尿片,
醫生說爸爸的進展好慢,出院大有可能都是咁上下情況.

我是家中二女,有一位哥哥和一位妹妹,另外有位60歲的母親,
我已嫁所以未有同住,哥哥要全職工作,妹妹是一名大學生,母親是家庭主婦,
由於只有哥哥有工作,經濟能力好有限,要排政府的療養院最少也要6年的時間,
而私營的護老院,一個月最少也要7千幾蚊,實在是支付不起啊.

由於爸爸的意願是想番屋企,不想住護老院,
幾經商量,決定爸爸出院後回家住,(現在未出院)
上星期開始由媽媽去學餵奶,哥哥和我都有學,
今個星期會有職業治療師上門家訪,看看家中要添置哪些用品.

由於之前未遇過咁的情形,我有點擔心媽媽是否真的可以照顧到爸爸,
接中過風的爸爸回家照顧,可行嗎?

請有心人比少少意見,謝謝!

0 0 0

私人傳訊

333s

象牙宮

積分: 233695

2^#

發表於 12-6-14 09:38 |只看該作者

長者中風
1/ 長期臥牀?
2/ 經濟能力? 私營的護老院, 7 千幾蚊/月,實在是支付不起啊.
3/ 我已嫁所以未有同住, 哥哥要全職工作, 妹妹是一名大學生, 母親是家庭主婦,

你爸爸左腦中風 (80歲), 長期臥牀 : 須思考以下/更多的"現實"問題.
1, 誰負責照顧中風?
一个人"長期照顧"是个壓力. 心身疲憊. 照顧者 (年輕者) 1星期須休息1天.
你媽也是長者, 至少休息2-3天. 你/哥哥/妹: 可分配時間代媽休息2日 ???
2, 家人每个成員都要學識'扶抱", 怎幫病者"運動" & 护理? (插胃喉, 吊奶,尿片)
3, 長期臥牀, 沒活動, 皮膚會爛, 會生倉 etc.
4, 你父親本身自己都須有意志力, "堅強重新學習" 还是臥牀下去...
5. 家人要不斷灌輸正能量, 鼓勵, 加油.... 心理支援
6. 7K/月, 支付不起ok.... 請2-3日家助減輕照顧者是否可行?
7. 社會上有其它經濟支援? 求助社福, 社工.

ps 中風長期臥牀 : unlimited time ....

想不開、就別想. 得不到、就不要. 失去了、繼續笑. 擁有了、要珍惜。
快乐不是拥有的多，而是计较的少。

生悶氣，發脾氣，煩躁，焦慮，失眠. 是指因生气（生闷气、怒气、着急上火生成的火气、思虑生成的郁气）。
理性討論交流者。

私人傳訊

chanms

子爵府

積分: 10434

3^#

發表於 12-6-14 11:10 |只看該作者

如經濟許可，請一位家庭傭工(唔得鐘點都好)，協助60歲的媽媽。
長期在家照顧中風爸爸，很大壓力，出入買送，透下氣都要啦。
除了爸爸，也需要提醒媽媽好好鈔休息，照顧自己。

試試呢個服務服幫唔幫到妳(唔知非葵青區得唔得)。已培訓的陪老員，時鐘計。
不過，唔係個個陪老員都很有愛心，大部份打份工。希望妳遇到一位好d~
仁濟樂在家
http://www.happyhome.org.hk/

私人傳訊

已刪除用戶

已刪除用户

積分: 112589

2025勳章蛇年勳章 2024年龍年勳章 2023年兔年勳章減齡達人勳章虎到金來勳章牛年勳章 15週年勳章親子王國15週年勳章 2018復活節勳章畀面勳章好媽媽勳章醒目開學勳章王國長老 BK猜猜猜慶中秋 KMALL特別版勳章

4^#

發表於 12-6-14 11:36 |只看該作者

提示: 作者被禁止或刪除內容自動屏蔽

任何人士未經本人同意不得轉載本人所發表之文章到任何媒體 (包括報章、雜誌及網站)

各位~~~我唔會介紹補習社或興趣班, 唔使 PM 問我呀, 我係唔會覆架~~~

私人傳訊

babyislove

版主

積分: 53073

大廚勳章玩具勳章趣教勳章叻叻勳章有「營」勳章 wyeth冷知識勳章環保接龍勳章親子達人勳章 BK猜猜猜慶中秋

5^#

發表於 12-6-14 14:40 |只看該作者

黃美美發表於 12-6-14 03:36
本人爸爸在今年母親節前夕左腦中風(爸爸年齡差不多80歲),
入住瑪嘉烈醫院,一星期後情況穩定,送左去瑪嘉烈醫 ...

一個老人家照顧另外一個老人家真係好吃力!

我62都中左風(宜家80+)，就快10年，我99(宜家75)認為自己做得住，所以無論係時薪定係外傭一樣no 、no

幸好我有個姑奶彈性上班，好多時都幫手帶62覆診etc，99先多番D時間休息。

我覺得聽聽你媽媽O既心聲先，與此同時兩手準備，搵定一D中點/請外傭/住院舍o既info

其實我覺得政府院舍可以排住先，因為快則都2-3年，到時派到再考慮要唔要。

回家，並不只因為能遮風避雨、吃飽喝暖；
回家，是因為那裡有愛。

「喜樂」從「感恩」開始

私人傳訊

黃美美

別墅

積分: 690

6^#

發表於 12-6-14 15:54 |只看該作者

首先好多謝各位的意見.

其實爸爸出事前是一個普通人,
現在要搞到臥牀要人照顧,又出講唔野, 真是好可憐,
他出事後我總會夢到他健健康康的.

接他回家一切都是想他好, 希望佢最後的日子能夠好好的走過,
而哥哥和媽媽又不忍心他住護老院, 明知照顧他好吃力,
也決定這樣做.

希望一切順順利利啦.

私人傳訊

rebreather

男爵府

積分: 7397

7^#

發表於 12-6-14 17:21 |只看該作者

我媽媽八個月前中風, 返左屋企兩個月, 只印傭同住, 一邊腦八成晤用得, 要比時間佢, 有人快, 有人慢, 住過留宿護照院, 最終都係返屋企好, 返左屋企先係真正復康既開始, 樓主要有信心, 有胃喉比較難, 但晤係晤可以自己照顧。

私人傳訊

CLIFFMA

大宅

積分: 1304

8^#

發表於 12-6-15 22:14 |只看該作者

佢哋返屋企先有求生意志嫁 ! 你放佢入老人院, 佢會覺得你放棄咗佢, 漸漸佢就好差嫁嘞 ! 記住同佢講清楚, 如果想快D好返, 要勤力啲做運動, 郁得嗰邊幫唔郁得嗰邊做 ! 我照顧咗阿媽十年, 一啲問題都無, 重好開心添 ! 努力呀 !

私人傳訊

being2011

子爵府

積分: 12290

畀面勳章環保接龍勳章

9^#

發表於 12-6-16 00:25 |只看該作者

回覆 CLIFFMA 的帖子

好贊同! 如果屋企人能夠照顧到，伯伯回家係最好。我覺得珍惜眼前人係好重要。老人家始終鍾意自己既屋企，如果佢唔開心咁入左老人院，佢生理同心理可能會越來越差。請個工人可以幫輕屋企人照顧伯伯，咁就唔駛咁辛苦。

私人傳訊

BigB大B

男爵府

積分: 6498

10^#

發表於 12-6-16 10:33 |只看該作者

我爸爸 2年前中風, 半邊身唔郁得~~
但係唔忍心亦唔捨得佢住老人院, 所以決定接返屋企....同時立即申請外傭, 加埋媽媽合力照顧, 其他哥哥家姐有時間就輪流幫手~
初時真係好辛苦, 因為要好用力, 不論上床落床, 上輪椅 ! 好怕有咩事 , 2個一齊跌就大件事 ! (家姐同媽媽都因為用力過度, 筋骨同肌肉都勞損)
但係好肯定一件事, 返屋企對於病人係最好, 亦係康復得比較快, 加上係家人既鼓勵同督促做運動, 真係好好多.....
把握半年黃金康復期, 加油 !

私人傳訊

333s

象牙宮

積分: 233695

11^#

發表於 12-6-16 14:18 |只看該作者

返屋企對於病人係最好, 亦係康復得比較快, 加上係家人既鼓勵同督促做運動,
單靠一个外傭是不可能的.
子女: 出錢+出力 & 要分工.

(我家在不同時期經歷過 : 照顧 cancer 爸爸, 失禁爺爺, 中風媽媽)

哥 : 負責陪診
我 & 哥 : 運動, 按摩, 心理輔導, 灌輸健康知識
姐 : 食療, 飲食, 同佢傾解
外傭 : 沖涼, 按摩, 運動, 陪散步
中西醫 & 食療

我母親由 ZERO 學起, 行路, 說話, 練声, 訓練左右手...
現在能行走了, 為了安全出門仍要輪椅. 腦子也變得愈來愈聰敏. 根本不像中過風...

私人傳訊

CLIFFMA

大宅

積分: 1304

12^#

發表於 12-6-16 21:48 |只看該作者

唔記得話你知 ! 如果經濟環境許可, 你可以試吓同佢去上環普仁街的東X醫院中醫學臨床部做針炙, 因為我同阿媽之前試過無數針炙, 推拿, 物理治療....等等, 發覺去東X醫院中醫部返嚟嘅成效係最好的 ! 無謂四圍去試, 同小心坊間有好多人, 見到你咁嘅情況會呃你嫁 ! 我阿媽初初中風就成日比人呃 ! 如果你去的話, 每次最少要$200, 重要預約嫁 ! 你試吓有冇用 ?

私人傳訊

黃美美

別墅

積分: 690

13^#

發表於 12-6-19 12:25 |只看該作者

接回家, 真是困難一重重,
上星期荔景大樓的護士, 教完我媽媽餵奶後, (5次以上)
發覺佢完全記唔到D步驟, 建議我們是否請工人幫忙照顧,
如要請工人最快都要用上一個月時間, 但為了配合出院,
可能要將爸爸轉介暫托服務, 等工人到為止.

私人傳訊

bbaunt

大宅

積分: 1587

14^#

發表於 12-6-19 14:52 |只看該作者

樓主，如果你爸爸要長期訓床，考慮添置氣墊床
無咁容易有褥蒼，如果有起上黎好嚴重同手尾長
我婆婆都係中風後係屋企住。

如果你要買，可以向醫院職業治療部，寫紙買，會平d 既

中風後，最緊要唔好放棄康復治療，多d 郁動，等d 肌肉多d 郁

加油！

私人傳訊

faye525

子爵府

積分: 10647

畀面勳章

15^#

發表於 12-6-19 18:32 |只看該作者

回覆 miriam 的帖子

我爸爸83歲, 唔係中風, 但係手術後, 因為臥床左兩個月, 佢對腳再企唔返起身 (郁到既, 只係冇力企, 所以都行唔到)
我媽媽7X, 中過風, 好輕微果隻, 係針灸後, 睇唔出佢係中過風既

平時佢兩老住, 我有九兄姐, 不過全部都結晒婚各有頭家. 我係最細既女

爸爸係早半個月前要出院, 我最後決定要送佢去護老院..

因為媽媽佢自己點可能照顧到老豆???? 一陣有咩事起上黎, 真係等屍臭先有人發現....

好似呢度大部份人所講, 要著尿片, 要扶抱上輪椅, 要食D好爛好稀既野, 要日日飲兩杯奶, PATPAT度仲有壓倉要洗傷口, 完全要人幫洗頭沖涼.....
呢D事根本要有人廿四小時輪流做.....我最多咪只可以幫到上午...下午我都要返屋企接小朋友放學....同埋我一個人都根本唔夠力扶得起老豆....(亞媽咁大年紀都唔會夠力, 所以我地一齊扶都扶唔起)
其他兄姐要返工, 邊有可能照顧到??? 最多佢地放假果日去探下

社工評估過都覺得送爸爸入護老院, 對兩位老人家, 同埋我係最好既方法

我爸爸初初都唔肯架, 我地唯有呃佢話醫生要佢去, 一行得返就馬上返得屋企....
一個星期後, 佢都接受到係護老院啦, 身體反而好左, 精神左好多......
不過我老豆幾廿年黎都懶, 所以佢根本唔肯學去企, 只係一味話, 冇力呀~~~
我地預左佢唔會企得同行得返架啦.....
唯有日日都叫佢要食返多D野架咋

我今日先陪完老豆覆診....唉.....唔夠力扶老豆上車, 跌左老豆落地.....攪到一獲泡...............最後要醫院D救護人員黎幫手扶返老豆上輪椅......... 跟住就攪到老豆嘈話以後唔去覆診...............

私人傳訊

faye525

子爵府

積分: 10647

畀面勳章

16^#

發表於 12-6-19 19:02 |只看該作者

做照顧者壓力真係好大................

今日我真係有種淒涼既感覺....

落雨, 又要顧亞媽, 又要顧老豆......又要俾的士司機黑口黑面........

我俾亞媽哦, 又要俾老豆鬧....

結果我頂唔順, 發惡鬧返佢地轉頭, 先冇人敢再出聲...

我真係唔想發脾氣, 但係真係好辛苦.................

點評

being2011 我都試過，老人家有時好囉嗦、好煩，我都會忍唔全丙下佢...

發表於 12-6-20 13:19

私人傳訊

babyieng

複式洋房

積分: 169

17^#

發表於 12-6-19 19:40 |只看該作者

我阿公前年中風, 半邊身唔郁得, 行到但好慢, 講野唔清楚, 舊年入住護老院,

但越住精神狀態越差, 入住初期經常偷走, 講野唔清楚, 能認到人,

但最近我媽去探佢時,

精神狀態好差, 差唔多認唔到我媽了,

我媽想接他出院返鄉下, 但社工要她寫申請信, 內容大致係承諾會照顧佢,

枱頭寫俾邊個? 有朋友知道嗎?

私人傳訊

CLIFFMA

大宅

積分: 1304

18^#

發表於 12-6-19 19:54 |只看該作者

係嫁 ! 落雨係最煩嫁 ! 因為啲的士哥哥唔多願做你生意, 又要落車搬輪椅, 重有大把客比佢揀, 見到你都當見唔到, 而家都已經好過十年前嘞 ! 十年前好天都無的士肯停呀 ! 我阿媽初初出院見到咁嘅情況, 重喊添呀 ! 所以訓練咗我哋盡量用對腳行, 當行街囉 ! 一路行, 一路傾, 一路當Shopping, 都不知幾開心 ! 順手可以減肥 !

而家可能多咗中風病人, 所以已經多咗的士停比你嘞 ! 而家如果你唔嫌貴, 可以安排易達轎車添 ! 十年前未有呢樣車嫁 !