我的女從4歲半開始就學鋼琴，依家都就來6歲啦。佢同一般小朋友一樣開始學因為簡單，所以都好肯練習的，但當開始有D深的時候，就唔太專心，又會成日話唔識，要我睇住佢練。我睇譜都係有限公司來的，我的樂理知識都係中小學的老師嗰陣學的，所以有好多都唔識。因為陪住小朋友，所以我由唔識都識咗。
小朋友幼稚園讀半日，我每日（差唔多係風雨不改）都會同佢去琴行練琴的，咁樣有唔識都可以問老師。佢彈到比上次好，我就讚佢，唔會因為彈唔好就話佢的，但如果佢唔專心，我就會話佢，因為我希望訓練佢做任何事都要專心，我相信只要專心，做任何事都會做得好的。我又唔會因為小朋友彈得唔好就話佢，因為任何事都有個過程，只要比心機練習，就會越來越好。只要有進步就得啦。所以我每次都唔會限時限刻要佢練幾耐，而係新教的要練習3次，（當然看情況，如果嗰日冇時間，就彈一次）但總之就係要練習，那怕那次練的時間只有10多分鐘。
今年的4月份，琴行比咗個進步奬，仲有6月份有琴行內部的表演，都係堅持練習的成果，希望小朋友能夠越來越鐘意彈琴。
要佢學琴的目的有幾個：
1. 做事要有恆心
2. 要專心學習
3. 陶冶性情、唔係只得讀書
總結同小朋友練習的心得：
1. 有進步就要讚佢，要讚得具體，比如邊度彈得好
2. 有客人嚟屋企就要比佢表演的機會，咁就有成就感，增加彈的機會
3. 可以以小貼紙作鼓勵，彈得好有2張，彈得唔好就有1張，唔好的意思又要定義清楚，就係要專心，唔係彈一首就走嚟走去，咁叫唔專心
4. 要小心唔好太高目標及期望，唔係就會比佢好大的壓力
5. 要有恆心練習
你要盡心，盡性，盡意，盡力愛主你的神，又要愛鄰舍如同自己。（路10：27）
發表於 
，我亞仔就唔得喇，走嚟走去嘅。
返回列表
