3歲或以上今日: 1|主題: 8855

收藏本版

發帖

返回列表

跳至頁

查看: 909 | 回覆: 10

[分享]大仔入院記 [複製鏈接]

rion_husky

大宅

積分: 4924

叻叻勳章畀面勳章 wyeth冷知識勳章爸B勳章

1^#

發表於 12-7-5 20:42 |只看該作者 |倒序瀏覽 |打印

我大仔（4歲）上星期持續發燒，之後不斷肚瀉及大便出血，於是剛剛响呢個星期日入咗醫院，醫院初步確診指我大仔感染沙門氏菌，當然，醫生要求他留院觀察（至今仍未出院）。

在這幾天，醫生不斷為他抽血檢驗，又要吊鹽水，見到佢每兩個鐘就肚瀉（帶血），成日話肚痛，整晚他都沒覺好睡。我身為他媽媽的，也當然需要留在醫院照顧他，整夜也沒睡。第二日，我同囝囝講﹕「媽媽好攰呀！」我仔答：「媽媽你唔舒服呀？等我照顧你啦！」

醫生為免病菌入骨，建議我囝囝每日打支針，一連十天，囝囝聽到後一
直喊著：「我唔想打針呀！媽媽我會乖架。」我聽到後個心真係好難受。我安慰囝囝，說他不是因百厭而打針，而是因為身體入面有百厭既細
菌，令到你唔舒服，醫生幫你打針只係想幫手打走呢啲百厭細菌。我大仔可能見我忍唔住喊，問我係咪唔開心，我同佢講，媽媽唔開心係
因為見到你扭計唔打針，見到你肚痛又幫唔到你。如果你聽話俾醫生
打針我就會開心番。之後，到囝囝要打針，佢竟然可以做到冇喊入特別房打針（醫生要我
同佢爸爸留番晌病房等），冇喊番出嚟
，仲識得同醫生、護士講：「多謝晒你地照顧我！」

從我大仔病倒入醫院這段時間，我覺得他好像長大了不少，一來，他自己已經辛苦的了，還懂得說要照顧我；二來，他為免我不開心，雖然打針很痛（成隻手又瘀又朣），竟然唔扭計、唔喊，願意俾醫生打針。我大仔以前撞親少少都喊晒咁，點都要我親自錫番先叫無事，今次响醫院成日要打針（醫生要他打足十天，另要不時抽血），竟然喊都冇喊，所以令我覺得他很生性！