AdaNg 寫道:
Hi, 大家好!
我都好明白大家, 因為我個囝由出世到依家都好扭文, 成日哭扭抱, 尤其喺夜晚, 哭得特別大聲 & 長氣, 哭到唔收聲,又唔瞓覺, 又好似成日都好肚餓, 好想食奶, 但開奶比BB食, 佢之前就食得好慢, 起碼食成粒鐘先食完, 而家就食快咗D, 但未夠鐘食奶佢又想食, BB已經3個鐘食4oz, 夜晚食奶食到亂晒龍, 平均1-2個鐘就食2oz, 一哭就比佢食奶就收聲, 食完奶掃風好耐都唔~ur~, 搞到晚晚都無得瞓, 要抱天光, 遲D返工都唔知點算.....唉!
:-( :-( :-(
queenly 寫道:
我個b又係咁, 成日唔肯自己瞓, 一放落床就唔使3個字就喊醒, 我要做既嘢都做足, 但都無用, 但試過有一次我太過被累抱住佢瞓佢就瞓得好好, 於是依家我晚晚都抱住佢瞓, 我聽講係因為bb自己一個瞓無安全感, 所以我依家幾辛苦都抱住佢瞓. 我都聽講話買個油柑子枕頭擺係佢心口等佢定的, 會瞓得好的, 但唔知得唔得, 因為我去買時佢的bb size無晒, 但為左bb咩方法都要試嫁拉, 如果唔係我地真係唔使指意有得瞓, 因為之前我個b每晚都同我玩通宵, 唉, 做媽咪真係辛苦.......