pollybell 寫道:
miffymiffy
我情願唔知啦,知道重慘,乜心機都無晒,等如死型,無晒希望,你起碼有個希望,我老公知道係自己既問題,攪到佢鬼死禁敏感,要佢食乜會有幫助佢都唔係樣樣食架,叫佢睇醫生睇下有咩原因,佢又話自己無病,睇咩醫生,我都唔想提禁多要佢睇醫生,費事佢自卑,開頭唔知男人會介意呢樣野,又唔係唔得,洗唔洗咁大返應呀,跟住問返自己既男性朋友,嘩!個個好大返應,話重慘過不舉,問十個十個都係咁講,我真係估d男人唔倒,咁誇張,所以而家都唔講呢個話題.
pollybell 寫道:
Sharon886
我係家計會check,一出個result(驗精)醫生已經講只可以做ivf,因為做iui要精子數量正常,醫生話都係我要辛苦些,無計,我如果做私家又覺得貴又唔一定得,又辛苦,做政府又要等好耐,我35啦,所以都唔知點選擇,如果一定得,幾多錢幾辛苦都係一次過,但又唔係呢.總之又好驚好煩好煩,何必篇篇選中我呢,人生仔我生仔,點解要咁辛苦,我亞嫂同姑拉大過我架,話生兩個月就有啦,好似好容易,原來好難架,難過登天.
castersugar 寫道:
alice78:
睇完妳ge經歷真係唔知講咩好! 唉! 等左6年先有, 要bb 6個月先至唔得, 又要再等多兩年, 咁即係8年......! 真係好大好大ge考驗, 當中情緒一定有好大起落, 我諗起都覺得辛苦! 妳好厲害呀!
Sharon886 寫道:
各位，
呢幾日都係呢個topic分享左唔少.......真係好安慰........可能大家都係「等b一族」......
今日係瑪麗醫院返來，係第二次見professor，有good news有bad news，good news係好快搵到個原因，bad news都係搵到個原因。係原因係先生精子數量不足，只有3百萬（正常應該有1千萬），所以個professor一寫就寫左我地出年一月做IVF。
好無奈......冇諗過要一做就做IVF........原先我predict可能做IUI..........同埋，呢個原因（精子數量不足）係醫學上冇咩解決方法，女人方面就話仲可以食下藥打下針，男人方面就............唉........我都唔知可以做ｄ咩...........
發表於 
返回列表
