kikihoo 寫道:
好攪笑...."擒"日我幫個女扮得靚靚去飲茶, 飲完茶後我埋單, 而婆婆就抱住恩恩同印傭出門口等我, 我埋完單後出去meet佢地, 佢地已經笑到"ka ka"聲咁...
話說...正當佢地等緊我既時候, 剛剛有兩個打扮摩登既女士係隔離果間酒樓出黎, 佢地見到我媽咪抱住恩恩, 就係度好有興趣咁望下望下, 又對住我媽咪笑話好得意, 之後就行去坐電梯, 邊行重邊回頭望, "吱吱枕枕"咁... 未行到去電梯口, 佢地已經番轉頭行去我媽咪面前, 問:「呢個公仔咁大個係邊度買, 好得意呀!」跟住我媽咪不知好嬲定好笑, 就話:「呢個係人黎架!」原來呢兩個女士見恩恩又無郁又無笑, 又全身粉紅色咁...花邊帽, 花邊衫... 我媽咪又好似好輕鬆咁單手抱住佢... 所似誤會恩恩係公仔....