母乳餵哺 今日: 0 | 主題: 85708

積分: 3096

2016畫展勳章

1^#

發表於 12-11-19 08:24 |只看該作者 |倒序瀏覽 |打印

我bb而家1個月多啲，仲有夠1個月我就要返工，而家暫時都叫全埋身人奶，係有時12點零嗰餐太累就比奶粉！不過我而家掙扎緊，返工會轉奶粉，但諗緊係全奶粉定係只係返工時間奶粉，屋企就繼續人奶埋身？如果我揀半人奶，有無辦法調較到我返工時間唔會太谷，而放工又夠奶餵bb?如果唔得，咁我就要全奶粉，咁我又要預幾多時間黎收奶？食咩最快？

0 0 0

私人傳訊回覆引用

積分: 4257

2^#

發表於 12-11-19 09:05 |只看該作者

如果你想餵人奶, 點解唔試下係返工時間泵奶? 有好多jm都話返工時間好難就到泵奶, 但佢地最後都用唔同方法/時間泵奶, 其實係可行的, 就算真係泵唔到20-30分鐘, 可以去洗手間擠出黎, 最多唔要, 到收工返屋企再埋身餵, 如果係返工時間乜都唔做, 頭幾日真係會谷死, 仲會好快收奶, 到時bb連夜晚個餐都食唔到。
不如你講俾大家知, 你份工係咩工作時間, 大約咩類型, 等大家一齊幫你諗下/提議下可以係咩時間/情況泵奶丫, 有得餵, 餵得好而唔餵真係好waste咖, 你返工搵錢都係想俾個好d環境bb, 但偏偏唔俾最好既食物佢.... 不如再諗下先啦, 回奶野唔好立亂食, 食左真係好難返轉頭咖!! jm, 三思呀!!

私人傳訊回覆引用

yyyokehk

積分: 1677

3^#

發表於 12-11-19 09:52 |只看該作者

回覆：alolo 的帖子

同意！

私人傳訊回覆引用

Meir079

侯爵府

積分: 24385

4^#

發表於 12-11-19 10:09 |只看該作者

引用：如果你想餵人奶,+點解唔試下係返工時間泵奶

原帖由 alolo 於 12-11-19 發表
如果你想餵人奶, 點解唔試下係返工時間泵奶? 有好多jm都話返工時間好難就到泵奶, 但佢地最後都用唔同方法/ ...

唔唔

，三思而後行，回左奶你想有番都唔得架，學樓上的jm講，真唔方便泵奶，太谷去次所用手擠出來唔要囉，咁起碼你放工番屋企阿b可以埋身，有一兩餐人奶食都好過無呀!諗清楚呀。

私人傳訊回覆引用

積分: 3096

2016畫展勳章

5^#

發表於 12-11-19 10:21 |只看該作者

回覆：放棄

我都想比幾餐人奶佢，所以都想睇下可唔可以返工時間都唔使太谷，泵我應該唔會諗了，只可以廁所泵，咁我係咪如果返工時間擠小小走，就可以慢慢返工時間唔會太谷？

私人傳訊回覆引用

poonlydia

積分: 2160

6^#

發表於 12-11-19 10:24 |只看該作者

引用：如果你想餵人奶,+點解唔試下係返工時間泵奶

原帖由 alolo 於 12-11-19 發表
如果你想餵人奶, 點解唔試下係返工時間泵奶? 有好多jm都話返工時間好難就到泵奶, 但佢地最後都用唔同方法/ ...

因為太谷而要手擠出嚟唔要啲奶，洗唔洗要擠清個胸? 定擠到唔谷就得?

私人傳訊回覆引用

積分: 4257

7^#

發表於 12-11-19 10:47 |只看該作者

回覆子翹的帖子

其實好多jm都係响洗手間泵奶, 香港既工作環境真係唔favour返工奶媽, 個人意見, 如果只係衛生問題, 我估除左工廠大廈或者街上既公共洗手間, 我覺得一般商場, 寫字樓既洗手間都ok, 因為泵既過程全真空, 只係泵完折泵, 合番奶蓋時會暴露係空氣中, 但最多都係一分鍾, 咁多jm都係咁泵, 咁多bb都係咁食, 大家都無事。所以既然你都想餵多幾餐俾bb, 不如重新考慮泵丫!!

不過如果真係唔得, 擠出黎唔要都好, 但我諗點都會有少少谷, 除非你擠得好清, 但谷谷下都會冇咁谷, 因為身體以為你唔需要咁多奶, 會慢慢造少d奶, 所以好多jm都提議大家盡泵盡擠, 但求保住奶量!

私人傳訊回覆引用

yanyanyan888

積分: 1762

8^#

發表於 12-11-19 10:50 |只看該作者

回覆：放棄

如果只靠返工擠小小出黎理論上慢慢就會收奶，手泵其實係代替手擠，可泵出黎自己洗面，同bb冲涼，放工勍可以全理身了（係最好的親子活動，又方便）。

私人傳訊回覆引用

yanyanyan888

積分: 1762

9^#

發表於 12-11-19 10:51 |只看該作者

回覆：放棄

加油呀！唔洗咁快放棄

私人傳訊回覆引用

積分: 4257

10^#

發表於 12-11-19 10:51 |只看該作者

回覆 poonlydia 的帖子

其實我未試過用手擠, 因為唔多識, 但我見好多jm都係咁教, 不過我估係睇你想點, 如果你想keep住餵, 當然要泵/擠清, 因為如果唔係, 身體以為你唔要咁多奶, 會慢慢造少左; 相反, 如果你想停, 咁係停既過程中, 擠少少出黎係過渡期, 等佢唔好谷, 唔好痛, 再慢慢自己收奶
ps, 我都係新手媽媽, 餵左8個月, 如果有講錯, 請其他jm指正!!

私人傳訊回覆引用

ionfish

積分: 2225

11^#

發表於 12-11-19 11:10 |只看該作者

回覆子翹的帖子

返公司時, 同上司講你需要兩至 FOR泵奶(OFFICE HR)(需時半個鐘), 睇下佢比否比你甘做, 吾得, 咪LUNCH TIME去泵奶

私人傳訊回覆引用

積分: 4257

12^#

發表於 12-11-19 11:17 |只看該作者

樓主, 唔好怪我長氣, 但岩岩又見有post話後悔自己收左奶, 依家因為bb濕疹想餵番.... 所以真係三思呀! 不如你講下有咩難處, 等jm們幫你諗下計

私人傳訊回覆引用

Erica小白兔

積分: 1359

13^#

發表於 12-11-19 11:27 |只看該作者

回覆：放棄

我想餵都唔餵得，阿b呢個禮拜成曰扭、喊，好可憐

私人傳訊回覆引用

heyleyheyley

別墅

積分: 621

14^#

發表於 12-11-19 12:37 |只看該作者

回覆 alolo 的帖子

讚成AR! 不如講下俾大家聽你個難處, 我地幫你諗諗計!

私人傳訊回覆引用

minervamama

積分: 1058

15^#

發表於 12-11-19 12:50 |只看該作者

回覆：子翹的帖子

唔好咁易放棄啦，我都係返工泵奶，放工返到屋企就埋身食，而家四個半月仲可以全人奶。講你嘅難處等大家幫手諗下可以點做

私人傳訊回覆引用

lsclam20

積分: 2498

16^#

發表於 12-11-19 13:20 |只看該作者

引用：唔好咁易放棄啦，我都係返工泵奶，放工返到

原帖由 minervamama 於 12-11-19 發表
唔好咁易放棄啦，我都係返工泵奶，放工返到屋企就埋身食，而家四個半月仲可以全人奶。講你嘅難處等大家幫手 ...

Me too. Back to work, pump milk in office hrs and direct feed at night. Baby takes full breast milk too, hope can last till 6 mths at least, 3.5 mths to go!

私人傳訊回覆引用

積分: 3096

2016畫展勳章

17^#

發表於 12-11-19 14:44 |只看該作者

回覆：放棄

其實我都知人奶係好好，但係我覺得好辛呀，因為人奶我覺得同老公關係無咁close,因為滴奶既關係，佢唔可以再放隻手落我個胸度瞓覺，而且我都唔敢除左個bra同佢dodo添！而公司，我可以抽lunch時間泵，但我bb仲未戒到夜奶，而且佢可以由11點玩到2點，中間餵奶、扭抱喪喊、嘔奶、換片再重複！之後4點、7點又醒，餵奶好快，但掃風先耐，下下搞粒幾鐘！我只可利用lunch時間補眠，如果無埋，我會癲！我係做排版，如果做錯野可大可少,我怕長期唔夠瞓影響精神，而且，醫院覺得我情緒有問題，未至於抑鬱，但我本身有啲驚恐症，怕引起抑鬱，自己坐月都勁喊，唔想更多壓力比自己

私人傳訊回覆引用

積分: 4257

18^#

發表於 12-11-19 15:41 |只看該作者

o...其實你餵左個幾月, 己經好叻叻, 你講得好岩, 唔好俾咁大壓力自己, 放輕鬆, 對你, 對bb, 對老公都係好事, 講真, 最辛苦個個月己經過左, 你同bb都咁叻, 老公呢個月都體諒, 已經好好, 開頭係辛苦d, 因為所有野都要適應, 生完個人又倦! 如果擔心夜奶問題, 可以再睇下bb發展, 有d bb好快自己介夜奶, 以我個個為例, 佢係我返工第一個星期就自己介左, 之前完全冇介夜奶既表示, 我乜都冇做過, 好突然咁有一日發現佢半夜完全唔駛食奶, 所以呢方面可以唔駛太早決定, 如果佢真係介到, 咁你咪唔駛lunch 補眠, 可以用黎泵奶, 咁又唔駛谷, 又唔駛轉粉

至於同老公關係, 可能個個人唔同, 坦白講, 我頭六個月都未ready同佢咩, 但知道佢都好慘, 所以都有少少例行公事feel, 係慢慢阿b大, 個人冇咁倦先好返, 至於帶bra, 我由有左四個月都己經帶住訓, 不過咩時都會除, 有滴就叫佢攪掂或者由佢滴囉

加油呀!!! 睇住bb一日一日大, 你會好開心咖, 同埋佢會愈學愈多黎, 愈來愈可愛, 所有辛苦都值得! 但如果真係唔得, 就返工用手擠, 返屋企同放假埋身, 餵到幾多得幾多, 唔好太大壓力, 媽媽健康同bb健康一樣重要!!

私人傳訊回覆引用

積分: 3096

2016畫展勳章

19^#

發表於 12-11-19 15:55 |只看該作者

回覆：放棄

你明白真係好，好怕人知我想放棄，就話自私呀、唔錫bb,仲要好多時係啲未做媽媽既人講，佢地唔會明，唔係餵同唔餵咁簡單，當中既過程，辛酸佢地唔會明，我已經唔介意身型問題，但仲有好多野都改變曬

私人傳訊回覆引用