aromama 發表於 12-12-9 23:20
九日前個女搵到份工,係响酒店做前台,但好想叫佢唔好做,
原本份工係工作一日九小時,有一小時lunch,
每 ...
我以前都係做HOTEL, 都係FO做起, 佢呢度已經叫唔辛苦架喇..返早要OT, 係一定架喇, 小則一個鐘, 多則....我試過, 返7:30AM, 做到9:00PM先走.......佢只返兩個更, 已經好好喇, 我以前, 要輪5更呀, 由夜轉早, 冇OFF, 只係由夜轉中更, 再轉返早更, 只係返通宵先有一日放假比你轉更, 講真, HOTEL, 係辛苦架, 不過學到好多野, 有心係呢行發展, 就要1-2年轉一轉工, 跟到好大佬既, 就平步青雲。
佢去讀書, 係讀返酒店? 如果係, 就更加要珍惜呢個機會, HOTEL係好睇經驗架, 就算將來畢業, 佢都係要由散仔做起, 只不過升職機會比人高小小。
如果佢將來唔係讀呢一科, 都比佢做吓, 3個月啫, 比佢捱吓都好, 等佢知道, 搵錢唔易架。
如晴報或任何記者刊登此留言, 必追究。因為我唔認為係度講就預左比人抄!!!