我八月就會當第二任媽媽，回想第一胎的時候，乜都唔識，又緊張，人地話有乜嘢好用就去買，結果買了一大堆不合用的東西回來。所以很想在此跟大家分享自己的經驗，讓新手媽媽入貨時多一個參考。事先聲明，我本身不是醫護人員，所分享的都是自己的經驗和搜集的資料，不一定完全準確。
現在大家懷孕三個月，大概是時候買胸圍了。我當年就是乜都唔識，行入媽媽世界，結果Sales話邊隻Bar特價，又可以帶到餵人奶就幾百幾百咁買咗一批媽媽胸圍。
其實要買媽媽圍又唔想枉花錢先要考慮自己是否餵人奶。如果唔餵人奶的話，只要跟自己的身形變化，買D平價的大碼及大Cup size bar 已經可以。仲有可以買定幾個EXTEND扣，咁同一個SIZE的圍可以用耐D，生產前後，CUPSIZE可以大到大幾個CUP，胸圍可以大幾吋，所以可能胸圍都要買幾批。如果餵人奶的話就要再諗諗想餵幾耐、會唔會泵奶同用乜泵。
首先講講如果你只打算餵產假嗰兩個月，返工後就轉奶粉，其實係唔駛買貴價餵奶圍，因為媽媽世界sell嗰D有PAD餵奶圍，係唔適合餵奶時長期帶。因為餵奶時，又或者生完後都有漏奶情況，而有PAD圍會吸晒D母乳入個PAD度，係室溫下會滋生細菌(母乳入面的抗體係唔可以係室溫下長期殺菌)。而且有PAD圍洗完有排唔乾透，要買好多替換。所以如果只打算坐月餵兩個月，因坐月期間又唔多出街見人，就應該買幾十蚊(我買過最平$25一個)一個的簿身餵奶圍。有PAD餵奶圍就買一兩個坐月期間出街用就夠。而簿身胸圍中，又有D係向下及向橫打開兩種，我個人喜歡向橫打開的胸圍，因為唔會頂住BB個嘴仔。懷孕期間則只需買平價大碼胸圍便可。而呢D簿身餵奶胸圍可以臨生前先買，因為現在估唔所需SIZE。
咁如果你打算返工後都要喺公司泵人奶，又或者你坐月期間都會成日出街/見人。咁就可能要買一批靚有PAD餵奶圍。始終簿身胸圍會突點，而且好易濕透，唔方便見人。呢D圍媽媽世界賣百幾至幾百。舖仔的話，平起上來幾十至百幾。呢D圍可以早買，因為孕婦上圍會一路大，呢D圍有部份CUP SIZE都有得調，加上EXTEND扣可以一路帶到生。如果真係肥幾個碼的話另計啦。但係呢D圍唔好長帶，尤其生咗之後，因為佢比較緊，有D仲有鐵線，我試過帶去健康院俾姑娘罵，話咁緊整到D乳線塞晒，谷奶谷死你呀。(可以調教CUP SIZE的圍，CUP位有條橡筋)。
最後，如果你泵奶的話，選邊隻奶泵都對你選邊款胸圍有少少關係。如果你會選擇MEDELA FREESTYLE Hand-free 奶泵 (我自己覺得呢款最好用，可以BUMP奶時FREE翻對手出來做自己嘢)，咁就要買定一兩個上下開的餵奶圍，因為FREESTYLE要扣在餵奶圍上面的扣。如果你得左右開的餵奶圍的話，可能就要自己釘個扣在左右開餵奶圍的上帶。
發表於 
謝謝
返回列表
