吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 在職全職› 我知在職媽媽好辛苦, 好偉大, 但我真係頂唔順啦! ...

在職全職今日: 189|主題: 47567

收藏本版

發帖

返回列表

跳至頁

查看: 1479 | 回覆: 19

[在職媽媽] 我知在職媽媽好辛苦, 好偉大, 但我真係頂唔順啦!

eling1234

洋房

積分: 59

發表於 06-8-2 22:09 |顯示全部帖子

我知在職媽媽好辛苦, 好偉大, 但我真係頂唔順啦!

首先要表明立場, 我完全明白在職媽媽好辛苦, 好大壓力, 亦好偉大. 但我真係好頂唔順, 我都要發表一下作為 "在職媽媽隔離個同事" 的苦處 ...

我是一家小公司的職員, 成個 office 只係靠我和我拍擋兩個撐著 (Admin). 公司一切雜務雖然好似有分工, 但基本上我都無同佢分得咁清, 好多時若我見佢做唔掂, 我都會幫佢手. 好抵得諗. 一直以來都相安無事, 叫做相處愉快.

我拍擋2年前和只行咗幾個月既男友意外懷孕, 但個男既就一走了之. 佢選擇左將BB生下來, 作為女人及拍擋, 我只好對佢寄己無限同情及支持.

佢大肚後既刻休假 2 個月話要養胎, 好, 我一個人頂住間公司 ... 佢日日話自己產抑鬱, 好, 我成日去探佢, 有時間就打電話比佢, 聽佢呻 ...

大肚婆之苦, 我了解, 亦體諒, 一切要走要郁, 要抬要托, 摛高摛底, 好, 我做 ...

你話佗仔個人會攰, 好, 你可以休息下, 我頂 ... (再續 ...)

私人傳訊

Mrs.Chan

侯爵府

積分: 20752

2021勳章

發表於 06-8-2 22:30 |顯示全部帖子

Re: 我知在職媽媽好辛苦, 好偉大, 但我真係頂唔順啦!

佢大住個肚, 都要靠你幫下手, 大家拍檔嘛~
其實你想講乜?

恭賀新禧，迎春接福！

私人傳訊

eling1234

洋房

積分: 59

發表於 06-8-2 22:30 |顯示全部帖子

Re: 我知在職媽媽好辛苦, 好偉大, 但我真係頂唔順啦!

倍佢捱足10個月, 佢終於生勒, 好, 我又再一個人頂著兩個人既工作, 又兩個月 ...

基本上, 佢一大肚開始就冇心工作, 又遲到, 又早退, 返工就上網睇關於生仔既野, 一唔係就捉著我呻, 打電話比人呻, 一日講住生仔點點點, 佗仔點點點, 一日唔係呢樣唔妥, 個樣唔妥, 做媽媽又幾慘幾慘幾慘幾慘幾慘幾慘 ... 我如果唔聽佢講, 冇回認, 佢就打電話比其他朋友呻, 一講電話, 可以唔停 ...

我念在一場同事咁耐, 唔想攪到面左左, 對於佢失職, 敢怒不敢言, 亦唔想告到上司到, 一場同事, 好似篤佢背脊咁, 話晒佢而家單親, 份工對佢係好重要 ... 但我覺得佢持著我對佢好, 而佢單親, 我係應份要同情佢幫佢. 對於我一個人做晒所有野, 佢竟然無動於衷!!!

佢日日返工仲係掛著講佢揍仔D野, 一唔係就重提佢佗仔D野, 再唔係就講佢個仔將來D野 ... 一日我個仔 ... 我個仔 ... 我個仔 ... 做亞媽點慘... 做亞媽點慘 .... 我就做到死!!! 我快要顚啦!!!

私人傳訊

eling1234

洋房

積分: 59

發表於 06-8-2 22:35 |顯示全部帖子

Re: 我知在職媽媽好辛苦, 好偉大, 但我真係頂唔順啦!

Mrs.Chan 寫道:
佢大住個肚, 都要靠你幫下手, 大家拍檔嘛~
其實你想講乜?[/quote]

問題係佢完全唔做野, 日日返野當我佢心理輔導員, 我要做晒佢所有野 ...

兩年啦, 我忍足兩年啦, 仲要頂幾耐?

做亞媽都要做工架?

私人傳訊

tmlklstkjtrl

洋房

積分: 259

發表於 06-8-2 22:44 |顯示全部帖子

Re: 我知在職媽媽好辛苦, 好偉大, 但我真係頂唔順啦!

"借D綺" 叫佢做自己要做的工作得嗎?

私人傳訊

eling1234

洋房

積分: 59

發表於 06-8-2 22:45 |顯示全部帖子

Re: 我知在職媽媽好辛苦, 好偉大, 但我真係頂唔順啦!

佢日日返到公司, 日日做自己野, 上網download 兒歌. 日日話自己心情唔好, 個工人又點點點, 佢亞媽又同個工人點點點. 佢唔做咋, 我要做架!! 我座佢隔離, 無得避. 佢遲到, 我要幫佢講大話, 佢顧著講私人電話, 我要接晒其他電話, 佢老頂d野, 我幫佢做埋, 我試過同佢講, 佢話我唔體諒佢, 我唔想同佢嗌交, 反面 ...

我要加班完全工作, 佢仲夜晚打電話比我, 話比我聽佢亞仔把聲 .... 救命呀!!!!!!

私人傳訊

eling1234

洋房

積分: 59

發表於 06-8-2 22:49 |顯示全部帖子

Re: 我知在職媽媽好辛苦, 好偉大, 但我真係頂唔順啦!

tmlklstkjtrl 寫道:
"借D綺" 叫佢做自己要做的工作得嗎?[/quote]

我試過啦, 佢當聽唔到. 唔通真係要同佢反面!!!

老實講, 嗌交唔係我强項, 我亦唔想比其他人知到佢係咁樣, 好似好衰. 我好難做呀!!!! :-( :-( :-(

私人傳訊

eling1234

洋房

積分: 59

發表於 06-8-2 22:55 |顯示全部帖子

Re: 我知在職媽媽好辛苦, 好偉大, 但我真係頂唔順啦!

佢仲叫我星期六, 日倍佢帶佢個仔出去玩 ...

我去親街, 又叫我幫佢買野比佢個仔 (書, 玩具之類 ...) 之後就一句多謝就算 ...

一日話佢個仔點得人鐘意 ....

小姐, 要揾奶粉錢就合埋口做野啦!!!

私人傳訊

lionly

複式洋房

積分: 452

發表於 06-8-2 23:56 |顯示全部帖子

Re: 我知在職媽媽好辛苦, 好偉大, 但我真係頂唔順啦!

我覺得你應該正式少少同佢講下點分工. 唔係死忍. 否則佢可能覺得同你好friend (佢叫你陪佢帶個囝玩. 咁佢應該當你係 friend). 或者覺得有你頂住okay. 而feel唔到你咁大壓力. 咁不滿

因為就算我返工. 我都很少處理我個囝d野的. 偶然先會lunch time打返去屋企

私人傳訊

晟媽

大宅

積分: 4653

畀面勳章

發表於 06-8-3 09:57 |顯示全部帖子

Re: 我知在職媽媽好辛苦, 好偉大, 但我真係頂唔順啦!

嘩! 我係人地亞媽聽完你呻都頂你同事吾順!!!~~~~~~

你既然忍左兩年又同佢講過, 佢除左話你吾識得體諒佢之外, 乜野都無改善到.

咁仲同呢d人客氣?!

單親又好, 雙親都好. 做人媽咪更加要努力工作, 做好本份去搵錢買奶粉!!!

好似我間公司咁, 每個人都有自己要做既野, 做妥哂咪可以休息下, 上網都得.

但乜都吾做不特止, 仲要將所有野推卸比人, 只係自己顧自己咁自私! 如果你係我同事我會感得內疚. 如果我係你, 我會同我老頂反映, 等你亞頭知道發生咩事都好. 或者你亞頭已經懷疑兩個人既工作能力為乜只係咁少(因為來來去去都係你做之嘛).

私人傳訊

manisaac

別墅

積分: 548

發表於 06-8-3 11:13 |顯示全部帖子

Re: 我知在職媽媽好辛苦, 好偉大, 但我真係頂唔順啦!

嘩...
你拍檔直情黑人憎到極
根本唔關乎佢係唔係單親
係唔係陀仔辛苦事, 係人格
問題... 係個人責任問題....
如果你仲當佢係你朋友, 你真的
的開心見誠同佢講返件事
你再係咁對佢放任, 反而害佢
如果佢都係唔改, 你同上司講
都唔算係金手指, 事實佢係唔o岩
返工時間懶散都算, 佢做私人野o番
咁你話o岩唔o岩..
我自問都會做私人野,但唔好咁過份囉
我會做完公事先,然后先上網, 到有公事
做時, 便會即刻做返公事.. 過得人都要
過得自己先得o架

我的網誌

私人傳訊

sowhat?

洋房

積分: 254

發表於 06-8-3 12:53 |顯示全部帖子

Re: 我知在職媽媽好辛苦, 好偉大, 但我真係頂唔順啦!

佢再同你講仔，你咪笑住話佢知你好忙好唔得閑，因為要做埋佢Ｄ嘢，叫佢最好自己做返囉！咁希望佢知道你幫緊佢，又唔洗反哂面咁！

私人傳訊

Mrs.Chan

侯爵府

積分: 20752

2021勳章

發表於 06-8-3 20:21 |顯示全部帖子

Re: 我知在職媽媽好辛苦, 好偉大, 但我真係頂唔順啦!

點可以咁ga ?!
你認真同佢講, 養仔就要俾心機搵錢, 你一個做唔到兩個人的工作, 同佢劃清工作圍範, 佢的工作俾番佢做, 如果佢依然故我, 你要同老頂反映, 唔好怪人~
你唔好太心軟太好人,
人善被人欺呀~
反擊啦~

恭賀新禧，迎春接福！

私人傳訊

Yeungyeung

別墅

積分: 950

發表於 06-8-3 20:51 |顯示全部帖子

Re: 我知在職媽媽好辛苦, 好偉大, 但我真係頂唔順啦!

Hi,eling:
睇完你的文章，我有啲反省，因為我從冇想過(在職媽媽隔離個同事)原來有這麽多不滿。我也有你同事啲陋習，一日到黑祇喜歡講女兒，事事要拍檔遷就，以為是老馮、必然的，今天以後我真的要公私分明，多謝你的分享。

私人傳訊

eling1234

洋房

積分: 59

發表於 06-8-3 22:22 |顯示全部帖子

Re: 我知在職媽媽好辛苦, 好偉大, 但我真係頂唔順啦!

多謝大家的回應. 老實講, 大家都係女人, 當然明白所有媽媽生了小孩之後, 那小天使便成為了自己的中心世界. 口裡常掛著自己小孩的事也無可厚非, 我明白, 我了解.

但我更敬佩一些在識媽媽, 生了小孩後, 為了希望小孩能在安定的經濟環境下成長, 而更加用心工作.

我明白當中有許多難處, 亦很辛苦. 故此合理地在工作時間做一點私事 (例如間中打電話回家探問小孩的安厄, 需要), 或因小孩健康問題偶爾請假, 這是絕對合理. 做拍擋的一定會體諒支持.

但若是像我拍擋一般, 以為有了小孩兼單親, 便全世界要同情佢, 呵護佢, 幫忙佢, 工作時間奉旨偷懶, 長時間下來真的很令人討厭.

要知到公司到底是一個工作地方, 公司出錢你出力, 是合理交易. 公司立埸來說, 唔會因為你有小孩而容許媽媽們將私人情緒帶返公司唔做野, 兼且阻著他人辦公.

自己的小孩在自己的眼中當然是最好, 最可愛, 最想向人炫耀. 但對其他人來說, 最多讚一兩句. 便會回返埋位, 繼續做自己的事.

若媽媽過份熱衷與人分享自己仔女的事, 其實某程度上會防礙別人, 這點要留意啊.

私人傳訊

eling1234

洋房

積分: 59

發表於 06-8-3 22:36 |顯示全部帖子

Re: 我知在職媽媽好辛苦, 好偉大, 但我真係頂唔順啦!

Mrs.Chan 寫道:
點可以咁ga ?!
你認真同佢講, 養仔就要俾心機搵錢, 你一個做唔到兩個人的工作, 同佢劃清工作圍範, 佢的工作俾番佢做, 如果佢依然故我, 你要同老頂反映, 唔好怪人~
你唔好太心軟太好人,
人善被人欺呀~
反擊啦~

我真係幾人善架 ... 所以要承受比人欺囉

冇計 ...

私人傳訊

Mrs.Chan

侯爵府

積分: 20752

2021勳章

發表於 06-8-3 22:44 |顯示全部帖子

Re: 我知在職媽媽好辛苦, 好偉大, 但我真係頂唔順啦!

唔係無計, 係要出聲.
你約佢食飯, 同佢講清楚喇.

恭賀新禧，迎春接福！

私人傳訊

Lydia_Yan

大宅

積分: 1777

發表於 06-8-4 18:01 |顯示全部帖子

Re: 我知在職媽媽好辛苦, 好偉大, 但我真係頂唔順啦!

我完全明白你既心情。
我都有類似case，我同事之前生bb，我既處境都同你類似，當時做到成個人都傻左，lunch time只用10分鐘食完就開始做，成日都OT.....當我有bb時，我都有話俾自己，唔好似之前同事咁。有左小朋友，在公司就要更加做好自己既份內工作，因為會有好多突發既事情發生要去處理時，我都唔想留太多手尾要同事去follow。唉.... 換轉我係你同事，要成日讓你1個做2個人野，會好唔好意思。但講是講，我同事有bb或生bb後，都「老馮」講得係應份。所以要同你同事講清楚，唔會再忍啦﹗似我就唔好啦﹗一味靠忍，又唔好意思出聲，最後忍到佢走.....先叫輕鬆左。

私人傳訊

eling1234

洋房

積分: 59

發表於 06-8-5 10:59 |顯示全部帖子

Re: 我知在職媽媽好辛苦, 好偉大, 但我真係頂唔順啦!

其實我己經同佢講過下, 但唔嚴厲. 亦有指桑罵槐. 避免正面沖突. 咁佢己經好大反應, 又話我冇做人亞媽, 唔會明佢苦處, 唔體諒佢. 然後又搬出一大堆單親媽媽偉讑, 一講又大半日. 好煩呀!!!!!!

佢為人主觀, 敏感, 小氣兼是非多. 講野長氣又唔斷尾. 我最近只好對佢黑晒面, 佢講野我繼續唔回應, 佢講亞仔D野我只會笑下就算. 唔比反應.

我真係好忙, 實在冇時間同佢紏緾. 佢係個種為了和你爭論放低晒所有事唔理那種人.

現在我明白佢為何冇一段關係可以長久.

佢一日覺得自己係最慘既人, 所以身邊D同事朋友都應該聽佢講野, 鍚佢, 幫佢. 而佢個仔係世上最得意, 最令人無法抗拒的BB, 所以我個枱頭同銀包都應該放滿佢個仔D相. 呢樣先係最難頂!!!!