婆媳關係 今日: 0 | 主題: 27694

積分: 4591

1^#

發表於 13-4-14 03:00 |只看該作者 |倒序瀏覽 |打印

我同老公一齊住，唔係同奶奶住，上月尾我剛剛生左女女，咁我奶奶之前就一早拎左大假話過黎幫我手，話煮野俾我食幫我湊女，不過都係佢同我老公一廂情願，無問過我，只係同我老公提過，咁老實講我奶奶其實幾錫我對我幾好，但我唔想佢係我坐月個時上黎，因為佢真係煩，把囗無停，成隻“烏應“咁，係到不停講野，佢講既野應佢又唔係，唔應佢又唔係，真係好無謂，但我都体諒佢老人家係咁！但坐緊月，我開完刀，傷口又痛子宮收縮又痛，又掛心個女，個女一有喊有少少聲發出我就緊張，始於初為人母緊張好正常。我生完之後個幾日出左院佢話要上黎煮野俾我同幫我湊女，我同老公講叫佢唔使幫我手，因為我阿媽會過黎，而且奶奶煮d野味道又唔岩我胃口，當然自己阿媽煮個d覺得最好食，因為由細食到大嘛，奶奶話幫我湊女黎信唔過佢，因為佢始於好耐無湊過小朋友有二十幾年，我會擔心佢搞唔掂整親個女！依排都係我媽咪上黎，奶奶只上過黎兩次，只係個兩次我已經頂唔順佢真係好煩，我好累我無力應酬佢，唔應佢又好似好無禮貌咁，

仲要其中一次，老公個大佬同大嫂上完黎，到老公個妹上黎，老公個妹上完黎到奶奶上黎，全家人車輪轉咁上黎，大佬啊可唔可以唔好咁樣虐待我？，唉，，，，奶奶佢又拎左大假日日係屋企無野做，佢又無咩朋友同興趣，但我又唔想佢上黎，我好似好衰咁，我唔想佢上黎老公又好似有少少唔開心咁，我老公好錫奶奶，因為奶奶無得見個孫，我同老公講左等我坐完月幾時見幾時抱都得啦，唉，，，，好似我做左衰人咁，我都係想淨淨坐月姐！

呻完，阻大家時間

0 1 0

私人傳訊

moon_elf

複式洋房

積分: 488

2^#

發表於 13-4-14 03:17 |只看該作者

引用：我同老公一齊住，唔係同奶奶住，上月尾我剛

原帖由 kwan_tomato 於 13-04-14 發表
我同老公一齊住，唔係同奶奶住，上月尾我剛剛生左女女，咁我奶奶之前就一早拎左大假話過黎幫我手，話煮野俾 ...

你其實可以同你老公表達一下你想靜養，然後等你老公同你99講，咁當然要講到唔想辛苦99之類討好的表達方式啦！
你唔講人地就當你無問題，就繼續成日上你屋企！
有時要學下表達意願，唔講唔講積積埋埋就變成又憎又討厭了。
人與人之間嘅洪溝就係咁積累產生的了

私人傳訊

積分: 4591

3^#

發表於 13-4-14 03:27 |只看該作者

回覆：moon_elf 的帖子

我有同老公講啊，所以奶奶都唔敢再上黎住，但我老公好似唔開心咁

私人傳訊

楊慧芳

積分: 9251

4^#

發表於 13-4-14 03:41 |只看該作者

我好明白，因為生完真係想靜靜地休息。
但你都要再試下。咪時自已好辛苦

私人傳訊

Nok_Nok

積分: 9350

畀面勳章 BK Milk勳章

5^#

發表於 13-4-14 03:56 |只看該作者

我仲慘，我老公果邊D家姐、阿嫂日日輪住上黎，一早就到，嘈住我休息，係咁bi Li ba la,然後笑笑口叫我訓不用理會他們，咁你地就咪喺人地房bi Li ba la 啦吾該

私人傳訊

ccw1830

積分: 7650

6^#

發表於 13-4-14 07:50 |只看該作者

我奶奶同你奶奶有少少似，對我真係唔錯

不過又係勁煩，把口冇時停個隻，我坐月，佢過黎幫我，係街市買左d咩比我，要遂樣拎比我睇，又話點新鮮，點靚，又叫我聞:badfee(不過佢一向都係咁)但係我坐緊月，又累，真係冇心情應酬佢，我直頭同佢講:奶奶…我真係好累，我入房訓教，d野等呀xxx(姐佢個仔)返黎整就得嫁啦！你坐下休息下啦！佢就好識趣咁冇出到聲，我真係走左訓教，佢幫我整好晒d餸就走左啦

私人傳訊

積分: 4591

7^#

發表於 13-4-14 08:01 |只看該作者

回覆：Nok_Nok 的帖子

唉，真係一山還有一山高

私人傳訊

積分: 4591

8^#

發表於 13-4-14 08:04 |只看該作者

回覆：ccw1830 的帖子

係wo，真係勁似，佢都係咩都講一餐，又話我屋企唔算細不過租貴，又話我隻狗點點點，又話我女點點點，又話我食得小唔得，真係命都無

私人傳訊

micwong720

積分: 6365

9^#

發表於 13-4-14 08:22 |只看該作者

回覆：我好過份嗎？容許我呻下

我同你情況超似，但我99已退休，由出院到個囡滿月，6299日日都黎，由830坐到成300！我一早講左話媽咪陪我，但佢地都因為錫我唔想媽咪辛苦（我媽咪大我99五年，所以我99成日話：「x姐，你年紀大，我早啲黎，我買埋餸」），但99又唔識買野，買埋啲爛菜，爛木瓜，可切左爛嗰啲咪得，話咁平好多

洗野又求其，又唔衛生，抺枱、洗碗、抺碗都用同塊布

mouth:但我又係唔想浪費佢好意，c6又話等佢見到出聲，結果咪等媽咪趁佢地走左，乜都再做一次。我日日都好堅張，坐月真係麻麻，所以而家成日感冒咳。到最後，當我女滿月嗰日我真係覺得佢地好煩，由830黎到，坐到1800落樓下酒樓食飯到2000都仲跟住上黎坐多陣，嗰間我真係黑面，抱埋個入房死都唔出黎，第二日開始就冇日日上黎。所以，樓主，你做得好好。有乜一早出聲。人係要自私為自己先。唔好搞到好似我咁好似好失禮。

好彩我不嬲錘意笑嘅，如果俾著其他人，日日咁對住6299，又要忍，又要扮食，又要同佢地鬥智鬥力，真係會產後抑鬱。樓主，你要好好坐月呀！

私人傳訊

積分: 4591

10^#

發表於 13-4-14 08:39 |只看該作者

回覆：micwong720 的帖子

我阿媽知道我叫奶奶唔好上黎話我唔岩，唔應該唔俾佢老人家見個孫，人地難得放大假，我心諗我彩你都傻！我真係無力應酬佢！我話坐完月未上黎睇飽佢囉，我媽話我痴線

私人傳訊

方方媽媽

水晶宮

積分: 74328

11^#

發表於 13-4-14 09:38 |只看該作者

如果早少少同99講唔洗佢幫手，請佢唔好請假，件事可能會簡單點。
其實你c 6同99都好錫你，又尊重你意見，依家99連孫都無得見，都幾傷心㗎。
坐完月之後，主動氹下99啦。

私人傳訊

louisachau

禁止訪問

積分: 6742

12^#

發表於 13-4-14 09:45 |只看該作者

引用：我阿媽知道我叫奶奶唔好上黎話我唔岩，唔應

提示: 作者被禁止或刪除內容自動屏蔽

私人傳訊

木土土

琥珀宮

積分: 158614

13^#

發表於 13-4-14 11:41 |只看該作者

回覆：kwan_tomato 的帖子

根本一早未生時就應該同99講清楚，話你阿媽攪得掂，99唔洗特登請假！而家佢請咗假又無得黎緊係唔開心，你咪由得佢黎，但就無需應酬佢，可以唔應佢，唔洗怕無禮貌，d親友上黎都係，你攰就只打聲招呼就返房瞓，坐月係唔洗招呼客人，佢地睇完bb就會走啦！

私人傳訊

積分: 4591

14^#

發表於 13-4-14 12:06 |只看該作者

回覆：方方媽媽的帖子

我一早同老公講左啦，奶奶要堅持

我又唔想佢唔開心，唯有坐完月多d帶阿女返去俾佢睇啦，等佢開心返

私人傳訊

micwong720