夫婦情感 今日: 1 | 主題: 42426

積分: 33

1^#

發表於 06-11-1 14:29 |只看該作者

救命呀~~~我頂唔順喇>.<"

雖然我唔係黎左bk好耐,冇咩人識我,但我都唔想用返我自己用開個id講,唯有開個新啦~唔該大家比個位我發洩下,我就黎谷到爆喇
我隻佬冇做野幾個月喇,呢幾個月叫過佢無數去搵工,我開親口佢都話:"我有搵呀,寄左信出去喇,咁人地冇回音我都冇計架"我話我未見過你去搵喎,佢就話係我睇佢唔到時間入面做左...搵工姐,駛唔駛咁鬼鼠呀,點解一定要係我睇唔到既時候先黎做呢?!咁我睇唔到,你又一個月拖一個月,足足幾個月喇,叫我點信你呀...呢d情況已經唔係第一次喇,咁多年黎試過冇數次喇,次次佢冇野做,我就撐哂成頭家,撐到一個仙都冇,仲要搵朋友家人借....同佢嘈,佢仲要聲大大鬧返我轉頭,成日話而家唔係佢唔搵工,係人地唔請,(大佬我真係冇咩見過你有搵喎,你又嫌呢樣嫌果樣,唔係話唔岩做就話做唔黎,成日想搵d唔駛點做野又高人工既工,邊有咁好架,你自己學歷又唔係好過人,唔好咁大想頭啦)呢幾個月已經好辛苦咁撐住,而家撐到冇得撐喇,再同佢講要搵野做,佢又係咁,唔理唔理咁,咁你想我點呀?我地大既唔食唔用,d仔女都要食架,話親你,你就淨講埋哂d唔係理由既理由出黎,仲要講到自己好有道理,好委屈你咁,你就日日坐係度打機,無所事事,見到都眼火爆
咁多年黎比無數次機會你,你都係咁,係人地面前做到好似好好先生咁,我真係忍唔到囉,分開冷靜都咁多次,次次都係自己衰心軟唔捨得.唔想仔女冇左個老豆.但有時諗...可能我自己一個帶住d仔女都冇咁激氣,人地以為我做少奶奶,坐係屋企唔駛做,好似好好咁,其實已經空哂殼,明知連屋企基本開支都唔夠比,你都仲可以咁安心係度打機,擔心都唔擔心下,理都唔理下,咁你點做人老豆點做人老公呀
成日又鬼鬼鼠鼠咁袋埋部電話,去邊都袋到實,我知架,我check過你電話啦,成日上網識女仔丫嘛,有同d女sms添,咪當我傻架啦,問你d女點識,你可以話唔知,話係人地sms你先,冇同人傾過,你真係當我白痴架?msn又一堆女係度,你要識唔緊要,我又唔係咁小氣既人,朋友係人都會有,唔係男人就係女人架啦,正經咁來往有咩問題先,做咩要呃我先,哦,你自己識一堆唔知邊識返黎既女就得,我堂堂正正咁識到網友就懷疑我,見到我msn有d你唔識既人不論男女就即刻黑起塊面審我,仲要我delete人地,大佬呀,我都係人黎架,我都需要朋友架,我都需要有自己空間架,我又唔係走去同人地去街,msn打字傾下計姐,咁都唔得?!咁多年黎我就好似坐監咁,去邊都一定要同你一齊去,我自己出去或者同外家出去,就一個鐘頭一個電話check住我,慌死我去勾佬咁,你識我咁耐咁多年你好清楚我為人架喇,我做野最唔鐘意鬼鬼鼠鼠,做咩我都要光明正大見得人,未同你一齊之前我亦唔係身邊比幾十個男人圍住團團轉玩玩下既女人,你駛唔駛做到咁呀?你自己list入面果堆女,我又有冇問過你一次呀?有冇黑面過一次呀?我而家決定唔會理囉,我問心無愧,男又好女又好,岩傾既我都照傾,我唔會再解釋咁多,亦唔會因為你而去唔識朋友囉,我都係人黎架,我都有感覺架

私人傳訊

積分: 1420

2^#

發表於 06-11-1 14:51 |只看該作者

Re: 救命呀~~~我頂唔順喇>.<"

咁你仲咩次次都心軟呀.......同埋好多男人都係咁架啦,無錢走去沖大頭鬼,要面嘛,不過你要諗清楚,係咪發完皮氣就會無事? 你自己都講喇,咁多年黎同比左好多機會佢喇,佢都係咁,你有需要忍佢嗎,我知道有句說話叫寧叫人打仔莫叫人分妻,但係如果佢係咁,你又唔開心,d小朋友睇到都會唔開心,我會為小朋友利益作為大前題囉, 一x爛泥咁, 要唔要都罷啦, 而且最衰一樣野就係失業無錢都仲要去攪攪震, 唔死都無用啦, 希望你唔好嬲我咁直接.

私人傳訊

積分: 33

3^#

發表於 06-11-1 14:59 |只看該作者

Re: 救命呀~~~我頂唔順喇>.<"

咁多年黎我都諗過好多次要離開佢,但次次都係唔捨得咁多年感情,唔想仔女冇左個老豆先同返佢一齊....其實我都知自己好傻,呢d人比幾多次機會佢都冇用,根本就死性不改....所以我有個打算...我打算同仔女離開香港,去第二度生活,但問題係,我仔女都仲好細,自己英文又唔係好talk得,果邊又冇人依靠,咩都靠自己....我怕我攪唔掂囉

私人傳訊

小香香

禁止訪問

積分: 12931

4^#

發表於 06-11-1 15:01 |只看該作者

Re: 救命呀~~~我頂唔順喇>.<"

提示: 作者被禁止或刪除內容自動屏蔽

私人傳訊

小香香

禁止訪問

積分: 12931

5^#

發表於 06-11-1 15:02 |只看該作者

Re: 救命呀~~~我頂唔順喇>.<"

提示: 作者被禁止或刪除內容自動屏蔽

私人傳訊

積分: 33

6^#

發表於 06-11-1 15:06 |只看該作者

Re: 救命呀~~~我頂唔順喇>.<"

只係咁岩有個機會可以移民
況且...留係香港佢會有機會搵到我,既然要斷不如斷得徹底d
但只係怕自己又再唔忍心

私人傳訊

寶貝兒

別墅

積分: 731

7^#

發表於 06-11-1 15:07 |只看該作者

Re: 救命呀~~~我頂唔順喇>.<"

我同意呀! 你都忍左佢咁多年, 如果佢係要改, 一早已經改好左, 你覺得佢仲有得救咩?

佢根本就其身不正, 人地有錢身痕, 佢無錢都身痕就仲抵打

, 佢根本就睇死你無左佢唔得, 所以先咁得戚. 而且佢覺得你係佢 BACKUP , 後備, 樣樣事都有你做後盾, 所以咪可以玩得無後顧之憂囉!

雖然離婚之後你會變成失婚婦, 小朋友無左爸爸. 但如果離婚之後可以得到解脫, 咁又未嘗唔係一個好方法.

私人傳訊

積分: 33

8^#

發表於 06-11-1 15:17 |只看該作者

Re: 救命呀~~~我頂唔順喇>.<"

我都係咁諗...好多人都話佢係睇死我,以為我冇左佢唔得,但我對佢已經冇哂感覺喇,我唔捨得只係唔捨得咁多年時間就咁就冇左,捱生捱死捱左咁耐唔好話咩都無,我只係想要佢改,佢都做唔到,仲越黎越過份
而家明知d錢唔捱得幾耐,佢都仲可以當冇一回事,仍然打機,嬉皮笑臉...
佢呢d衰野我都只係趁佢唔係屋企先可以講,如果比佢知....第三次世甲大戰都得喇

私人傳訊

積分: 1420

9^#

發表於 06-11-1 15:23 |只看該作者

Re: 救命呀~~~我頂唔順喇>.<"

我都覺得寶貝兒講得好岩,佢成日以為你係佢既依靠同後盾,諗住你無左佢唔得,佢無左你就真係唔得喇,同埋小朋友無左爸爸唔係好似別人所講既咁慘既,bk都有好多單親媽媽都過得好開心,我就係其中既一個喇

,離開反而仲開心,因為得到解脫, 你因為唔捨得咁多年感情所以咁多次都無離開, 但係佢係咪好似你咁唔捨得呢? 照顧小朋友已經勞心勞力喇, 仲要你去養埋佢? 係唔係男人黎架, 一腳伸佢出去大西洋啦.

你要離開佢又唔駛走到咁遠既, 你自己都話英文唔係好掂喇, 咁仲走咁遠, 等d小朋友大d先再打算啦, 要自己死心o者,駛咩避咁遠?要避都係佢避你啦, 香港有咩唔好, 話晒係自己地方, 去到外國如果真係萬一有咩問題既, 咁點算呀,係咪, 努力呀,我地會支持你架.

私人傳訊

積分: 1420

10^#

發表於 06-11-1 15:29 |只看該作者

Re: 救命呀~~~我頂唔順喇>.<"

鬧佢鬧佢囉,無錯既怕咩人鬧o者,做人唔好咁軟弱,尤其係女人,你仲有小朋友架,小朋友就係你既精神枝柱喇,第三次世界大戰?駛咩比面佢?不過如果要開戰,記得安置好小朋友先!

私人傳訊

積分: 33

11^#

發表於 06-11-1 15:34 |只看該作者

Re: 救命呀~~~我頂唔順喇>.<"

講真我同單親冇咩分別...我同佢根本就無結婚...去到咁遠係唔想有機會見返佢,唔想有機會再比自己心軟.分開都分左咁多次,次次都係佢自己返屋企(因為佢冇地方可以去),次次都係佢話會改,次次都係我心軟開門比佢,但自己都識諗,咁多次,有邊次佢真係洗心革面咁去改,既然又冇結婚,要分開其實好易,起碼唔駛攪手續...
但係又好怕仔女問起我爸爸去左邊?爸爸幾時返?我諗我真係唔識點答佢地

私人傳訊

積分: 1420

12^#

發表於 06-11-1 15:42 |只看該作者

Re: 救命呀~~~我頂唔順喇>.<"

同仔女講爸爸唔聽話,又或者老實講比佢地知爸爸媽媽唔開心所以分開囉,唔需要講大話,又或者諗咩野呃佢地架.

佢無地方住呀,咁仲好呀,你當日因為心軟(我當你你可憐佢),你次次都比佢返黎,咁你今次唔好再比,收埋佢既keys,換鎖囉,咁都可以比到決心自己去做架,有咩問題,同埋佢係男人既,佢就應該諗辦法去解決自己既問題,佢咁多sms朋友,又或者出面好多豬朋狗友,佢咁大個人,唔會餓得死既,你千萬唔好比佢用自殺去大你呀,男人都識一哭二鬧三上吊架,佢無地方住,咪叫佢去d咩中途宿舍囉,好過你帶堆d仔女走到咁遠避佢呀.

私人傳訊

積分: 33

13^#

發表於 06-11-1 15:56 |只看該作者

Re: 救命呀~~~我頂唔順喇>.<"

今次未嘈,我唔想同佢嘈,係自己死忍,忍唔到,佢出左街,又朋友傾我先開topic,呢幾年比佢攪到我真係一個朋友都冇,佢份人把聲好大,一嘈就成條街都知,佢唔要面我都想留返個面比自己同細路,換鎖效果一樣,佢痴起上黎真係可以大吵大鬧,佢試過嘈到去我外家,真係比佢攪到一鑊粥...佢份人就係咁衰格,癲起上黎咩唔要面既事佢都做得出,可能係佢出身唔好,佢唔當係咩一回事,但我外家唔同,雖然唔係咩大富大貴人家,但起碼全家人都清清白白,斯斯文文,比佢攪一攪就真係成世唔駛出街,佢攪我唔緊要,但攪我唔到就會上我外家攪我屋企人,我自己既事,我唔想累到外家,呢幾年佢地已經幫左我好多,同忍讓左個死佬好多喇,daddy mummy都知佢份係咁,雖然話預左,但我都唔想攪到佢地

私人傳訊

fatchai

積分: 1488

14^#

發表於 06-11-1 16:16 |只看該作者

Re: 救命呀~~~我頂唔順喇>.<"

本帖最後由 fatchai 於 16-1-25 07:58 編輯

咁你自己有冇做野呀?? 如果你都冇既話, 咁呢幾個月係點生活呢?? 好多男人係咁, 佢覺得有人backup佢，佢就好少理，少既好似做家務, 佢見你做晒, 咁佢咪唔插手囉, 大既就好似你依家咁, 見到唔駛返工搵錢, 而個家都可以維持到, 咁佢咪唔急去搵工囉, 橫掂坐係屋企都有床訓, 有飯食, 加上佢對生活要求唔高, 只求兩餐, 佢更加會愈黎愈過份啦,

買(送)唔好買咁多, 最好食唔飽佢,
你唔好同佢鬥惡,唔好串佢, 要解釋比佢知依家屋企就係咁既情況, 電費水費唔好交, 等張最後通知單寄黎show比佢睇, 叫佢去交, 唔交就cut水cut電, 網都上唔到~ 要比佢知道佢唔緊張, 你都唔緊張, 如果個男人仲有少少自(專)心既話, 佢唔多唔少都會去改下既

同一道理, 你有冇見過d阿媽追住個仔食飯, 但係個仔就食d唔食d, 因為佢諗住家陣掛住玩唔食飯, 一陣肚餓阿媽一定會比野佢食, 你試下佢今餐唔食要等到聽日先有得食, 睇佢仲會唔會唔食??

私人傳訊

積分: 33

15^#

發表於 06-11-1 16:45 |只看該作者

Re: 救命呀~~~我頂唔順喇>.<"

我都冇做野架,係靠我自己積蓄,同有時外家幫下手咋,同佢傾唔係未試過,佢自己都知頭家有咩開支,條數係幾多,次次都有好聲好氣咁同佢講:"死啦,呢個月又要交電費喇$xxxx,水費又寄左單黎呀又$xxxx,仲有d細路學費呢,手機呢....嘩~~呢個月又冇錢剩喇,唔好話剩呀,食都驚唔夠食呀,點攪呀?"........無回應.......當我唱歌,人地寄cut電單cut水單黎,比佢睇,佢睇完......無回應......問佢:"咁點呀?cut喇"......佢話:"無計喎,可以點呀?我都冇辦法架".....我死得啦...我話冇錢開飯問佢點算,佢就話賣呢樣賣果樣,之前我同佢有對對裝介子,比佢賣埋,差d連我果幾條鏈都要賣埋,我都已經冇首飾,係得果幾條鏈仔,都想唔放過

私人傳訊

fatchai

積分: 1488

16^#

發表於 06-11-1 17:07 |只看該作者

Re: 救命呀~~~我頂唔順喇>.<"

你係咪同佢講完 <死啦,呢個月又要交電費喇$xxxx,水費又寄左單黎呀又$xxxx,仲有d細路學費呢,手機呢....嘩~~呢個月又冇錢剩喇>> 之後你又自己去交呀??????
你應咩都唔交, 由得佢cut 水cut 電都好呀, 真係唔信一個人咩錢都冇, 返到屋企連食都冇, 都可以唔去搵野做??

真係幾惡攪喎, 有冇問過佢想點?? 佢又點答你??

私人傳訊

咕b

伯爵府

積分: 16036

好媽媽勳章畀面勳章

17^#

發表於 06-11-1 17:15 |只看該作者

Re: 救命呀~~~我頂唔順喇>.<"

又真係好難頂喎咁樣

私人傳訊

積分: 33

18^#

發表於 06-11-1 17:25 |只看該作者

Re: 救命呀~~~我頂唔順喇>.<"

佢真係一個仙都冇,有工返就比佢駛哂,水電真係試過比人cut左架喇,佢就叫我同細路返外家先,到有錢開返先返屋企喎,但冇理由白交租唔住架嘛,跟住我mummy幫我交左,開返水電我mummy走左佢就出現喇...佢真係好賴皮...我無哂辦法喇

唔得喇,我要聽日先再傾得呀,佢就返黎喇,比佢知我係度講佢,我死梗呀,sorry呀,聽日再傾

私人傳訊

yiuyiu213