夫婦情感

跳至

首頁
12

尾頁
   1


民房

積分: 2


發表於 03-10-2 17:56 |顯示全部帖子

我對丈夫的要求係咪過高!!

各位媽咪你地好! 其實我睇呢個網已經有一段時間, 但真正發表文章還是第一次, 希望你地可以俾d客觀既意見我..

我同老公拍拖時大家都只係F.5程度, 果時我老公講我知佢自己用工余時間讀左個course仲拿了基本課程既cert, 幫助左佢入行, 令我覺得佢係一個有上進心既人. 但相處耐左發覺佢並不上進, 做事亦不積極, 係一個無才華兼無上進心既人. 我咁耐以來都就呢個問題同佢傾左好多次, 佢每次都承諾會改進, 但每次都三數天已經打回原形!!!

可能我一直以來都係工余時間不斷upgrade自己, 因此覺得同佢既距離好似越來越遠, 真係唔知我仲可以容忍一個咁無上進心既人到幾時? 呢個問題真係越來越困擾我

但係佢除左呢樣野外, 佢絕對係一個好老公, 好爸爸. 拍拖到依家, 佢對我同仔仔既疼錫真係有增無減, 亦好愛錫我屋企人, 除左返工外其餘時間均俾晒我同仔仔, 又顧家, 家務全部由佢包辦, 佢既人工亦由我分配從來唔會過問我使錢.

我d朋友都同我講人無十全十美, 我都知, 但係一諗起佢個問題我就對我地既將來好無信心(雖然我都唔想仔仔係單親家庭長大!!)

究竟係咪真係我對老公既要求過高? 我係咪太執著 ?? 呢個問題係咪好嚴重???

你地可唔可以俾d客觀既意見我. 謝謝 !


別墅

積分: 508


發表於 03-10-2 18:11 |顯示全部帖子

Re: 我對丈夫的要求係咪過高!!

俾你找到位好像melody_woman的老公又如何? 他是Master Degree,銀行家,住幾千呎屋又如何? 常常打老婆,又愛滾紅滾綠,又不准老婆出街及上網,每個月只給六,七千家用。我覺得你對老公既要求過高,太執著呢!


珍珠宮

積分: 30695

醒目開學勳章


發表於 03-10-2 21:08 |顯示全部帖子

Re: 我對丈夫的要求係咪過高!!

ube,

冇人係十全十美嫁
比佢好有上進心咁又點 ?
到時你咪又會話佢掛住進修 唔理個仔!!

做人要知足先會開心 !!!


伯爵府

積分: 18452


發表於 03-10-2 21:14 |顯示全部帖子

Re: 我對丈夫的要求係咪過高!!

ube,

講真,人真係無十全十美,除非佢係聖人!

可能你老公會有其他優點你會欣賞佢呢!

世間最美妙的事情,就是擁有一個溫馨的家庭。我們可自然從容地回到家中,無拘無束地被家庭接納為其中的成員。 ;-) (維斯各特)


大宅

積分: 2409


發表於 03-10-2 21:15 |顯示全部帖子

Re: 我對丈夫的要求係咪過高!!

If you married him, means you do love him right?
So, why need to complaint too much?
Or you are going to leave him...Or, you have another one to compare?

Hope everything is fine!


大宅

積分: 4008


發表於 03-10-2 21:29 |顯示全部帖子

Re: 我對丈夫的要求係咪過高!!

ube,
世上只有一個人你可以改變, 那就是你自己, 每個人對生命都有不同的追求, 作為太太, 你可以鼓勵他力爭上游, 但不要免強, 始終夫婦同心才是最重要.


子爵府

積分: 11510


發表於 03-10-2 21:52 |顯示全部帖子

Re: 我對丈夫的要求係咪過高!!

其實愛一個人,唔需要計較佢學歷又幾高,叻唔叻囉!好似我咁,我識老公果陣已經知佢唔係一個搵到錢又上進或者學歷高既人,佢得中三程度,果陣佢都係做皮草工人,成下晝四五點先至起身番幾個鐘頭工,之後都係玩音樂玩到天光果隻...响其他人心目中佢好唔上進,爛逹逹咁,但係我唔係好睇重呢D野,反而愛佢除左係一份感覺之餘,我覺得佢對我好好,係個好好先生,對人好真,學似你咁講,我老公都係一個好老公同好爸爸...我覺得依家呢個世界好公平,唔一定要男人叻過女人,唔一定要男人養起成頭家...男人唔叻唔緊要,最緊要心地好,同埋我愛我老公,我都希望佢生活得開開心心,做番佢自己鐘意做既野,好似原本佢自己去看舖(我地係自己開舖做生意),我就全職媽媽,但係我知道我老公仲好想玩佢既音樂,至從個仔出左世,佢為左生活就辭左以前份皮草工作,自己去開舖,搞到無時間同精神去作曲玩音樂,雖然佢無出聲話想玩音樂,但我係知道,所以我先至出黎'接手'幫佢看舖,俾佢可以一心一意咁好好做佢既音樂,我覺得我老公依家係開心左好多,我見到佢開心我就開心!其實兩公婆起埋一齊係互相體諒同扶持,女人想男人'乙水'自己開心,為自己着想,男人亦都係!其實女人去'照顧'自己既男人並唔委屈,反而係一種幸福!而且,我覺得愛一個人係自己先付出,並唔係對對方有要求...坦白講,我覺得你對你老公要求太高喇`!每個人有唔同既個性同思想,你自己本身係一個鐘意不斷提升自己既人,但係唔係個個人都係咁,有D人反而鐘意簡單去生活,安於現狀,但求簡簡單單開開心心咁生活就得,你明嘛?


大宅

積分: 2928

畀面勳章


發表於 03-10-2 23:33 |顯示全部帖子

Re: 我對丈夫的要求係咪過高!!

人點都有長處同短處之分既!如果佢上長,到時你又會埋願佢唔夠時間陪你!尼到不知幾多媽咪想好似你有個咁既老公
佢絕對係一個好老公, 好爸爸. 拍拖到依家, 佢對我同仔仔既疼錫真係有增無減, 亦好愛錫我屋企人, 除左返工外其餘時間均俾晒我同仔仔, 又顧家, 家務全部由佢包辦, 佢既人工亦由我分配從來唔會過問我使錢.
但都好難恨到 la祇少我已經恨唔到啦!我老公有時間一定唔會用係我到,首選佢媽,家姐,次選豬朋狗友,再選睇碟、訓覺、同事,我同個女龍尾都無得排呀!家務就更加唔好提,我病左D碗都係等我好返先洗,我每次病一日,就要執兩日屋呀!你話死未 :-x 我覺得係你要求高ja :-P (樹我真言唔好鬧我呀!)


大宅

積分: 4341


發表於 03-10-3 00:14 |顯示全部帖子

Re: 我對丈夫的要求係咪過高!!

要求高系好
學歷高,職位高又點呀
人格唔得就乜都死啦
迫得太緊小心有反較果

佢對妳好又有固定收入
就算好了

去進修有空閒時間有心就自動會去
千萬唔好迫佢
只系可以鼓勵佢去
明白嗎


複式洋房

積分: 183


發表於 03-10-3 09:42 |顯示全部帖子

Re: 我對丈夫的要求係咪過高!!

Yeah, I think your husband is very good indeed, "拍拖到依家, 佢對我同仔仔既疼錫真係有增無減, 亦好愛錫我屋企人" <= that's what ALL I want from my husband but he's far from that.
該用戶已被刪除

發表於 03-10-3 10:18 |顯示全部帖子

Re: 我對丈夫的要求係咪過高!!

提示: 作者被禁止或刪除 內容自動屏蔽


男爵府

積分: 5872


發表於 03-10-3 11:05 |顯示全部帖子

Re: 我對丈夫的要求係咪過高!!

你已經好幸福架啦, 雖然佢學歷唔高, 至於上唔上進, 有d男人覺得 "安穩" 重於一切, 總之有份工餓唔死又夠洗又有瓦遮頭的話就算了, 但從你既message中, 你並冇嫌唔夠錢使, 每個月只有你比幾多佢使, 從來冇囉番轉頭, 仲有, 你老公仲乜野家務都一手包辦, 仲想點?? 我地呢度十個有九個老公返到屋企都係大爺一個, 咁樣已經係好好架啦!

美甲達人俱樂部私家BlogHERE

Judy's Nail 美甲相集HERE

Judy's Nail Web PageHERE


男爵府

積分: 5872


發表於 03-10-3 11:05 |顯示全部帖子

Re: 我對丈夫的要求係咪過高!!

你已經好幸福架啦, 雖然佢學歷唔高, 至於上唔上進, 有d男人覺得 "安穩" 重於一切, 總之有份工餓唔死又夠洗又有瓦遮頭的話就算了, 但從你既message中, 你並冇嫌唔夠錢使, 每個月只有你比幾多佢使, 從來冇囉番轉頭, 仲有, 你老公仲乜野家務都一手包辦, 仲想點?? 我地呢度十個有九個老公返到屋企都係大爺一個, 咁樣已經係好好架啦!

美甲達人俱樂部私家BlogHERE

Judy's Nail 美甲相集HERE

Judy's Nail Web PageHERE


大宅

積分: 1644


發表於 03-10-3 11:30 |顯示全部帖子

Re: 我對丈夫的要求係咪過高!!

我好明白你嘅心情,你想佢上進一d係咪!
就好似我老公好被動,你要"叫"佢幫手佢先會做,就好似一架死火車,你ta匙佢"郩一下",一陣又停低,要你不停咁ta ta ta.自己忙到死,而佢只會坐係度睇tv睇報紙,呢種心情的確令人好難受,好無助........但係佢都算係一個好男人好爸爸. :-(
兩個人相處,就好似砌砌圖,一粒凸一粒凹才可以互補不足.
我都係咁唸咋......大家努力吧!
該用戶已被刪除

發表於 03-10-3 12:15 |顯示全部帖子

Re: 我對丈夫的要求係咪過高!!

提示: 作者被禁止或刪除 內容自動屏蔽


別墅

積分: 508


發表於 03-10-3 13:10 |顯示全部帖子

Re: 我對丈夫的要求係咪過高!!

bandband 寫道:
其實愛一個人,唔需要計較佢學歷又幾高,叻唔叻囉!好似我咁,我識老公果陣已經知佢唔係一個搵到錢又上進或者學歷高既人,佢得中三程度,果陣佢都係做皮草工人,成下晝四五點先至起身番幾個鐘頭工,之後都係玩音樂玩到天光果隻...响其他人心目中佢好唔上進,爛逹逹咁,但係我唔係好睇重呢D野,反而愛佢除左係一份感覺之餘,我覺得佢對我好好,係個好好先生,對人好真,學似你咁講,我老公都係一個好老公同好爸爸...我覺得依家呢個世界好公平,唔一定要男人叻過女人,唔一定要男人養起成頭家...男人唔叻唔緊要,最緊要心地好,同埋我愛我老公,我都希望佢生活得開開心心,做番佢自己鐘意做既野,好似原本佢自己去看舖(我地係自己開舖做生意),我就全職媽媽,但係我知道我老公仲好想玩佢既音樂,至從個仔出左世,佢為左生活就辭左以前份皮草工作,自己去開舖,搞到無時間同精神去作曲玩音樂,雖然佢無出聲話想玩音樂,但我係知道,所以我先至出黎'接手'幫佢看舖,俾佢可以一心一意咁好好做佢既音樂,我覺得我老公依家係開心左好多,我見到佢開心我就開心!其實兩公婆起埋一齊係互相體諒同扶持,女人想男人'乙水'自己開心,為自己着想,男人亦都係!其實女人去'照顧'自己既男人並唔委屈,反而係一種幸福!而且,我覺得愛一個人係自己先付出,並唔係對對方有要求...坦白講,我覺得你對你老公要求太高喇`!每個人有唔同既個性同思想,你自己本身係一個鐘意不斷提升自己既人,但係唔係個個人都係咁,有D人反而鐘意簡單去生活,安於現狀,但求簡簡單單開開心心咁生活就得,你明嘛?


Bandband:
據你message所講你hubby以前做皮草工人,希望你hubby可以去做一次bodycheck,尤其lung,因為二年前我hubby在醫院留醫,佢對面床住了一位50幾歲但樣子70歲的男人,肺功能壞了,只能躺在床o候o龍開洞呼吸,已在醫院住了幾年,佢老婆話佢後生做皮草工人,成日吸入很多皮毛在肺,工廠空氣不好又不通順,日積月累肺功能壞了,因此請恕我多事,帶你hubby去做一次bodycheck吧!
該用戶已被刪除

發表於 03-10-3 14:27 |顯示全部帖子

Re: 我對丈夫的要求係咪過高!!

提示: 作者被禁止或刪除 內容自動屏蔽


別墅

積分: 508


發表於 03-10-3 17:00 |顯示全部帖子

Re: 我對丈夫的要求係咪過高!!

strongman 寫道:
mrs.correia 你係吾係有心去咒人0地老公呀? 職業歧視? 過主啦你! 嫁鬼佬既漢奸.

我有心去咒人0地老公? 我覺得你唔止英文唔掂,連中文字都唔識睇,過主啦你! 文盲


男爵府

積分: 6860


發表於 03-10-4 23:16 |顯示全部帖子

Re: 我對丈夫的要求係咪過高!!

我自己有時都覺得個老公唔夠perfect,結婚越久就對佢有更多挑剔同唔順眼,但諗返轉頭,自己又好好咩,又唔係天香角色,又唔係出水扶容,但佢都對我同個仔唔錯啦,有時諗,千祺唔好比我老公發大達,有好多錢,我一定唔信冇其他人一齊洗吖(other women......)所以你想你老公出色啲,噤佢咪樣樣都好?噤好既嘢會唔會冇人同你爭先??試想想你又係唔係一個完美既人呢!(希望你要求人之前,都衡量自己)(可能太直,但我對自己及朋友都是這樣想法),難道他心裹對你冇要求,不想你做得更好嗎?


民房

積分: 2


發表於 03-10-5 11:11 |顯示全部帖子

Re: 我對丈夫的要求係咪過高!!

好多謝你地既回應, 其實我都知自己可能要求過高, 我都好想說服自己, 但正如melvinma所講"就好似一架死火車,你ta匙佢"郩一下",一陣又停低,要你不停咁ta ta ta", 而且係講緊男人既上進心而唔係家務鎖事(家務反而佢會好上心, 即刻做!!), 所以我會覺得佢好無用, 人都會好"猛曾".

你地都講得好岩, 人無十全十美, 我都會嘗試改變自己既諗法, 雖然唔知最終可否說服我自己.

anyway, 真係好多謝你地既意見同開解, 其實我依家都覺得放鬆左d.

首頁
12

尾頁

跳至
熱門主題