樓市動向今日: 0|主題: 74655

收藏本版

發帖

返回列表

跳至頁

查看: 860 | 回覆: 1

西鐵沿線樓買唔過？ [複製鏈接]

mission

子爵府

積分: 13831

1^#

發表於 06-11-29 05:09 |只看該作者

西鐵沿線樓買唔過？

九鐵連接東鐵同西鐵支線「九龍南線」上兩個月已經開工，預料 09 年搞掂，到時天水圍出尖沙嘴都只係半個鐘，真係方便好多。

交通改善，但樓價平均仲係千零二千蚊一呎，自然吸引想平平地入市買家。網友亢龍就《香港地產城討論區》問大家：「西鐵沿線樓入唔入得過？」引 60 個回應，睇好多人都對西北區好有興趣。

網友 bitter 話，可以參考番馬鞍山情況：「其實唔使等 2009 年，就睇馬鐵，從 Ma On Shan 到尖沙嘴仲唔使 30 分鐘，咁 Ma On Shan 樓有冇大幅上升？如果連 Ma On Shan 咁方便都唔升，屯門咁遠又點會升呢？」

loklokzai 亦都覺得咁遠，出市區快極有限：「冇得改變的係， NORTHWEST NT 同市區的距離，真係好長，你點都要相當的時間去 TRAVEL ，不但 COST 好高，而且你響 TRAVEL 當中，個人係好疲累。」

有人睇淡，亦有人為呢區抱不平。 ex-RT 認為，太多人唔肯打破固有觀念，嘗試接受呢度：「不管 3 號幹線通車後，元朗出中環只係半粒鐘，還是坐西鐵不用 3 個字就由美孚到元朗，只要一講元朗，或整個屯（門）元（朗）天（水圍），大部份人都會用『山長水遠』形容，因為這個地方是一張畫花了的紙。」

買樓要兼顧感覺

car 一副唔鍾意就咪入態度：「係呀，屯元天區距離港九都真係幾遠，所以大家千祈唔好湧晒入炒呀 … … 對於唔識貨的人，冇必要提醒佢。」

其實區區都有好有唔好啦，買樓除睇價錢同交通，感覺都好重要。

蘋果日報

私人傳訊