我係今年4月同阿仔（17個月大時）係荃灣路德圍李醫生到打左支水痘針的。當時姑娘係阿仔張針咭到用鉛筆寫左今年7月要打第二支。
尋日，我突然醒先記起阿仔好似有支針未打。我睇番針咭上的記錄就係當時李醫生診所的姑娘所寫底的資料，要打第二支水痘針。
我今日一早打電話去問姑娘，姑娘睇番我個仔的資料就同我講番阿仔係4月打完水痘針3個月後（即係現在）就要打加強劑。但係姑娘就同我講話現在水痘針無貨。咁我就當然係會問知晤知幾時有呀，可晤可以預留之類的說話。姑娘好直接咁講話晤知幾時有貨，建議我打四痘針代替。
首先，我覺得你間診所無晤等於其他診所無，所以我同姑娘講我想試吓其他診所有無貨先再考慮佢提議的四痘針。但係呢個時候，姑娘自爆左一句，其實係年頭經已無貨架喇，你地打緊果D係之前訂落的水尾。我聽到姑娘咁講我真係好嬲，年頭經已無貨，你地係一早知到的，點解我同個仔打針的時候你晤講，你講出黎作為消費者的我有得選擇當時打晤打淨水痘針定係一早打四痘。
當我講完呢番說話的時候，姑娘晤出聲，我繼而再問佢咁我個仔打嗰支水痘針係邊間藥廠出架，姑娘晤答我，仲同我講邊間藥廠都無關係，間間藥廠你都可以打得。
我之後再打去其他診所到問，其他診所都同我講話水痘加強劑無貨，繼而就係有貨都係留俾係佢地診所打第一針的客人。另外，姑娘再多口問我，我個小朋友係幾時打第一針，我話俾佢知係今年4月打的時間，間間診所的姑娘都同我講水痘加強劑係三歲打，間間診所都同我講晤會打完第一針之後三個月又打加強劑架！
我係普通市民對醫學完全沒有認識，真係醫生講乜我信乜。我晤係懷疑李醫生的醫術，但李醫生明知之後係無加強劑打，事先從不通知，另外，我打左去五間診所到問，間間都話晤駛咁快打加強劑，但係晤知點解你醫生會安排佢D客人3個月後就打。講真，真係一個信字，真係晤知咁早打左對小朋友會晤會有影響又或是效果無咁明顯。
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
Anyway,我係樓主我都會嬲。
返回列表
