樓主, 你其實都知自己立場係點架啦, 仲生? 將來就算你自己後悔都係, 係你自己o既事, 因為條路係你自己行出黎o既, 但個 b b 係無辜架....係你生佢出黎架, 你會呢世都對 b b 唔住, 因為你比唔到個健全o既家庭比佢, 而且你都有講, 佢果兩個 ex 老婆都生左啦, 咁又留得住佢個人咩, 極其量都係可以留住個男人咋, 仲係一個月得果幾日! 就算在 ex 老婆度過夜, 都唔代表佢地仲有感情, 至多咪上床囉 (唔好意思, 露骨左少少 ) 男人無愛都可以有性架, 唔同我地 d 女人咁, 要先有愛才會有性! 而家佢對你好, 係因為呢刻佢仲愛你, 他朝有日佢對你無 feel, 你點呀? 佢都同你講明唔會同你結婚, 咁唔負責任的男人仲跟黎做乜! 離唔離開佢係你自己的決定, 但講到生 bb 就真係十萬個唔好, 生左個 b b 係絕對留唔到男人架! 你咪話佢成日同 d 老婆鬧交o既.....當女人生左 b b, 好多野都唔同晒架喇, b b 扭計時, 你又忙住照顧 b b, 咁會冷落左佢, 咁大家感情有機會咁而淡左架喇, 再加上佢都無同你結婚, 到時一句分手就 ok 攪掂啦, 唔洗理你同 b b 都得! 佢係好男人, 但絕對唔係個好男朋友, 唔係個好老公, 亦唔係個好爸爸!