anniekwok 寫道:
生完BB真係好傷元氣，BB出世要適應，兩個鐘至四個鐘食一次奶，又喊又醒，媽媽體力未必能夠應付。
坐月期間最好用薑煲水沖涼洗頭洗手，至於洗頭D個問題，只係怕你冷親啫，洗完頭立即吹乾就無問題，而家好多人生完第二日姑娘都會叫去沖涼，因為生時又大汗，生完又有惡露，又要試餵人奶，唔沖涼洗頭好臭架。
自己照顧BB尚可以，但自己煮飯及其他就唔係咁好，生完BB咁辛苦，之後仲有排辛苦，所以生完BB後坐月要對自己好D。
我果陣時請左個8小時陪月，佢朝早買埋餸上黎，跟住整餸煮飯，惡露未清佢又唔使幫我燉補品，我餵人奶佢唔使幫我餵奶，佢會幫BB沖涼，洗BB衫，跟住開飯比我食，佢湊住BB，但佢成日都話有事要早走，一唔係就遲到，又唔幫我掃地拖地抹塵，我好多時都見佢坐響梳化訓著左，所以用左兩個星期就炒左喇。
之後我請左個60歲既家務助理，佢幫我買餸煮飯仲燉埋補品，跟住做晒D家務，做晒仲會自己搵野做，我無叫既抹窗,洗抽油煙機佢都自動自覺，但BB沖涼就我自己幫佢沖，佢黎4小時，不過好企理，有日我肚痛痛到唔郁得，佢烘熱D薑幫我敷，我即時就唔痛喇，佢話我有風喎，我覺得佢仲PRO過D陪月呀。
所以其實睇你需要同埋比唔比得起，我就覺得請個本地上年紀既家務助理好D，同埋平D。
rachang 寫道:
真係極之多謝及感激各位媽咪解答. 這個問題我一直覺得好苦腦, 又唔想同老公硬碰硬. 我一向身體都好弱, 聞說如果坐月時補得好, 身子可以強壯十陪, 所以我真係好希望可以趁機會調理下身體.
雖然我媽咪都仍然好壯健, 但我無理由要佢經常搭巴士再轉地鐵來為我送補品. 之前我作小產, 家人已好想我返屋企住, 身邊的親友, 包括我奶奶都問: "點解唔返你阿媽度住?" 但我知老公覺得唔方便, 我都唔免強. 我知媽咪都好想我去佢那邊坐月,照顧我, 但偏偏我老公又…(點解嫁咗就唔可以返外家住?). 如果我無人幫手, 咁當然可以請陪月, 但有人幫手好似真係無必要花這筆錢, 不如留比BB好過. 越諗就越想喊…好唔開心.
我真係想像唔到, 所以唯有在這裡向各位媽咪掌門人取經. 或許我唔自己煮食,叫外賣或食麵包, 只係湊BB幫佢換片, 餵奶/開奶, 掃風及沖涼. 我同老公講生完坐月唔可以洗花灑水, 要煲薑水洗身, 佢問我"咁啲鬼婆(外國人)點嘛?" 咁又係喎! 我係澳洲生活咗五年都答唔到佢. 其實我只係想自己將來身子好啲, 少啲病痛, 每次病除咗自己辛苦, 又有誰可憐?
發表於 
返回列表
