柔柔mami 寫道:
我尋日帶粥出街俾佢食, 我裝滿左個300ml既真空杯, 佢全部食晒! 有時都驚佢食得多得劑! 不過健康院姑娘話bb飽係會停既! 柔柔又唔係重便便又正常, 所以咪由佢食law!
不過柔柔唔係咩粥都食晒兩碗, 今日煲瘦肉(只食味)粥+healthy times 雜菜蓉只係食左大半碗, 仲係咁鬧我又坐到側晒身, 咁我就用方包試下佢係咪飽啦! 佢仲食得落成1/3塊方包, 原來佢只係揀飲擇食! 唯有今晚個餐加多d料俾佢啦!
[quote]
lovememe 寫道:
嘩, 柔柔人仔細細一餐食兩碗粥粥, 好勁呀
今日曉樂食蕃薯粥, 香蕉蓉, 牙仔餅, 少少蒸饅頭
[quote]
柔柔mami 寫道:
尋日柔柔食左西蘭花蕃薯瘦肉(只食味)粥2碗, 1/3隻banana媽媽奶蓉, 夜晚再食西蘭花蕃薯瘦肉(只食味)粥2碗, 3oz稀釋嘉寶白提子汁, 幾粒森永粒粒餅, 牙仔餅1塊, 方包少少
今日柔柔食左紅蘿蔔蕃薯碗豆瘦肉(只食味)粥2碗, 1/3隻banana媽媽奶蓉, 夜晚再食紅蘿蔔蕃薯碗豆瘦肉(只食味)粥2碗, 3oz稀釋嘉寶白提子汁, 幾粒森永粒粒餅, 2塊雪印野菜米餅, 方包少少
柔柔mami 寫道:
我個真空杯係象印牌既, 不過其實可以保溫十幾個鐘既都應該可以焗粥仔, 我就試過一次, 但係我用既係珍珠米, 所以焗完出黎都係一粒粒米花, 柔柔唔係好肯食, 所以我如果焗就要攪碎d米先law!
我其實都唔係好有心機, 因為我係俾柔柔食雪藏野, 例如我會一次過蒸成個紅蘿蔔, 然後攪成蓉, 扣起今日食既份量就會將餘下既放入有蓋既製冰格, 再放入冰箱, 今日想煮咩就係冰箱每樣攞幾粒放入煮好既粥仔, 煮溶同煮滾後就食得! 因為我係買有機菜要去好遠先買到, 所以要一次過買多d, 唯有咁樣保持新鮮!
[quote]
mebebe 寫道:
柔柔mami好有心機呀, 每日餐單都唔一樣!!
thermos 真空杯係未都可以焗粥仔呀?
柔柔mami 寫道:
柔柔平時食人奶好似冇咩野咁, 但係點知食蛋黃同都敏感, 上星期第一次食魚, 食到塊面一噠噠濕疹, 想俾d好野佢食都唔得, 早兩日知道佢有份參加8月份博覽bb比賽, 希望佢塊面快d好返啦!
[quote]
豬仔肥媽咪 寫道:
見到你地個TOPIC成日講BB食野, 好開心
但係 "浚然" 就唔爭氣
佢雖然好鐘意食野, 但係食完之後
就後遺症出晒來
又係 "濕疹" 真係好困擾我
連機本 "蘋果" 食完後, 個 "咀" 都紅晒
個身就生粒粒
近排好驚, 因為差不多1歲, 人地話
如果1歲後唔斷尾, 大過就好難斷尾
:-( :-( :-(