母乳餵哺今日: 0|主題: 85694

收藏本版

回覆發帖

返回列表

跳至頁

查看: 675 | 回覆: 2

埋身次數太多嗎？

bohenia

大宅

積分: 2284

發表於 13-10-24 07:33 |顯示全部帖子

想問埋身媽媽，小朋友十個月時會俾佢食幾多次奶奶？我個仔4奶2粥1生果，阿媽係咁哦我叫我改早晚埋身。但係我已經被逼半個月內由5奶落到4奶，1細碗粥變兩大碗加半碗湯。朝早10點令11點左右佢唔啜兩啖係唔肯瞓一陣，下晝又係唔叉電會勁扭計。有時我落街買嘢約人食晏，兩三個鐘先返屋企，佢又係一見我就扭抱啜返陣先。

講真，我自己平時一腳踢洗衫煮飯打掃買送湊仔，只係呢個月回娘家小住阿媽見到咁就覺得阿仔太黐我。佢話我出咗街阿仔上晝唔扭計、玩到攰哂就自己肯瞓。

我就覺得我夠俾阿仔食、佢又肯食、我又搞得掂就由佢囉。只不過自己冇得去咁多街啫。

大家又點睇？聽吓其他人意見總好過次次同阿媽圍住嗰幾幅被嘈。謝謝！