吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 生第三個

懷孕前後今日: 1|主題: 329728

收藏本版

發帖

返回列表

跳至頁

樓主: anita_lam

生第三個 [複製鏈接]

4 5 6 78

小巫女女

大宅

積分: 4079

好媽媽勳章

141^#

發表於 07-5-3 01:31 |只看該作者

Re: 生第三個

冇錯冇錯，唔好俾呢個ｔｏｐｉｃ沈呀∼

我又講下我情況先，我都係全職媽咪，大小姐今年７月就５歲喇，二小姐到１０月先兩歲，至於細ｂｂ就會９月中出世，未知囝定囡，今個星期五去照結構就會知喇

其實我都驚緊，細ｂｂ出世之後，我會唔會攪唔掂，因為大小姐都仲ｏｋ，佢係返全日班，基本上每朝８點返學（爸爸送返學），差唔多要到５點幾先放學返屋企，加上佢已經乜都自己會做，食飯換衫沖涼都可以自己黎，（係沖完涼要我幫佢抹身），大至上已經唔使我點照顧，但係二小姐就慘囉，佢係一隻入左金霸王電芯既雞仔，你一放佢落地，就唔識得停，真係可以由朝走到晚，完全係精力過剩，仲會每日都挑戰我既底線，（邊個話囡會乖ｄ架，呃人既 :-( 佢仲恐怖過ｄ囝呀

）由朝攪到晚

，學野又快，好以電制咁，見佢玩風扇我咪熄制囉，佢轉頭開返，我熄總制佢又開返，最後我”忟”埋插頭，佢居然等我唔為意，同我插返落去開返總制再玩過

，真係氣都氣死

，最慘佢而家先得過歲半人仔，已經識咁攪，再大ｄ我真係唔敢想像佢會玩到乜野程度

歡迎大家參觀"李家的牧場物語"李家牧場，有隻好勤力賺錢既大老鼠，一隻兇惡既大白兔，一隻成日俾大白兔鬧既馬女，一隻入左金霸王電芯既雞女，而家多左隻豬仔添呀∼

私人傳訊

joeylee

大宅

積分: 3484

畀面勳章

142^#

發表於 07-5-3 03:09 |只看該作者

Re: 生第三個

我係一個全職媽咪，有一個工人姐姐幫手，小朋友而家分別7y~仔仔，3y~囡囡，4m~囡囡。
舊年Li個時侯岩岩發現有左BB，本身巳有一仔一女既我絕對係一個好大既意外，問心從來都無想過自己會有3個小朋友，當時真係想過唔要，後來我老公話:唔黎都黎左，整定既(因為我地真係一次意外足以致命

)生麻佢啦。就係咁，改變左我個小Baby既命運 :mrgreen: ，回想轉頭，我都好慶幸我老公當日既堅持，而家有時都覺得幾辛苦幾吃力架，但都係開心，有時望住BB我都會想，如果當日真係唔要佢，我一定會好後悔。

私人傳訊

monmon

男爵府

積分: 7157

143^#

發表於 07-5-3 03:41 |只看該作者

Re: 生第三個

joeylee,
咁早嘅? 我而家馱緊3b,夜晚成日醒, 瞓得唔係幾好.

見你同其他媽媽3個b一齊嘅相, 我覺得好溫馨, 其實我有3b都諗過唔要, 但一諗到就好唔開心,所以後來決定要, 而老公又支持嘅時候, 我即刻開心晒, 我覺得老公嘅支持對我好重要,因為佢好錫小朋友, 肯同佢地玩, 我先可以透下氣.

私人傳訊

mermaidmom

大宅

積分: 1058

144^#

發表於 07-5-3 10:33 |只看該作者

Re: 生第三個

生第四個?

真係好稀有呀! 你真係好鍾意小朋友噃! 更重要係經濟好似你甘有番甘上吓先有得唸!

fannyman07 寫道:
我可能會生第四個,但當然要過多兩年先啦~!

私人傳訊

mermaidmom

大宅

積分: 1058

145^#

發表於 07-5-3 10:42 |只看該作者

Re: 生第三個

我都係有個'好'字再意外有咗, 都係老公話既來之則安之, 真係一次意外足以致命!! 仲要比阿媽駡我成世未辛苦過咩! 惟一唔同就係我係working mom, 真係好辛苦呀!!!:-( :-(

joeylee 寫道:
我係一個全職媽咪，有一個工人姐姐幫手，小朋友而家分別7y~仔仔，3y~囡囡，4m~囡囡。
舊年Li個時侯岩岩發現有左BB，本身巳有一仔一女既我絕對係一個好大既意外，問心從來都無想過自己會有3個小朋友，當時真係想過唔要，後來我老公話:唔黎都黎左，整定既(因為我地真係一次意外足以致命 )生麻佢啦。就係咁，改變左我個小Baby既命運 :mrgreen: ，回想轉頭，我都好慶幸我老公當日既堅持，而家有時都覺得幾辛苦幾吃力架，但都係開心，有時望住BB我都會想，如果當日真係唔要佢，我一定會好後悔。