意見反饋
義工

母乳餵哺 今日: 5|主題: 84837

12
跳至
查看: 2013 | 回覆: 25
我想轉餵奶粉~~但好有罪惡感....


別墅

國民生產總值:766


發表於 07-4-19 16:47 |顯示全部帖子

我想轉餵奶粉~~但好有罪惡感....

我開始想幫bb轉餵奶粉了,因媽咪佢地成日話我食d野無營養,每日我都係叫外賣或食麵..得自己一個照顧bb,根本無時間煮飯..再加上我無咩奶水咁..搞到bb成日都好似好肚餓咁..再加上佢地個個既軍炸..成日話我餵人奶搞到bb退唔到黃.無營養..由話餵過就得..都兩個月了..令我個心好動搖.. :-(
http://hk.myblog.yahoo.com/jennywai522



男爵府

國民生產總值:5327


發表於 07-4-19 17:49 |顯示全部帖子

Re: 我想轉餵奶粉~~但好有罪惡感....

我個仔半個月o個時已經開始聽呢d說話喇,點會唔夠營養丫,人奶係最好架,我只不過係搵唔到一個好方法搞醒亞仔所以先泵出來,雖然依家6餐得一兩餐係人奶,但至少我都有俾人奶佢食,我99仲叫我好停喇,因為我要補wor,如果我可以再餵落去,我令願唔補身,清清地就算~


別墅

國民生產總值:569


發表於 07-4-19 18:21 |顯示全部帖子

Re: 我想轉餵奶粉~~但好有罪惡感....

其實飲奶粉都ok,飲人奶perfect d 咁啫.
至於其他人講野千其唔好理,餵到兩個月己好好,我都仲未成功全人奶.如果問題解決到,堅持係好事
你可以一次過買幾日餸,等老公返至煮,煮多d留第二日lunch翻熱食,餸菜全部蒸or烚,得嗎?我第一胎時就係咁一個人照顧自己.
該用戶已被刪除

發表於 07-4-19 19:47 |顯示全部帖子

Re: 我想轉餵奶粉~~但好有罪惡感....

提示: 作者被禁止或刪除 內容自動屏蔽


大宅

國民生產總值:2082


發表於 07-4-19 22:11 |顯示全部帖子

Re: 我想轉餵奶粉~~但好有罪惡感....

係呀, 佢地真係個個中晒奶粉毒. 如果佢地再講人奶冇營養. 你話俾佢地聽,奶粉極其量得100年歷史(查實都冇), 咁100年前既人唔飲人奶食乜野大?係咪全部營養不良而死?

我最初幾個月都係一個人自己湊b. 我嗰陣一次過買幾日菜, 一次過洗晒d菜再分保鮮袋入住, 放入雪櫃. 肉又係分開幾份放入冰格. 其實煮飯可以好簡單, 蒸肉餅/魚/水旦, 烚/少菜, 冇時間煲湯都可以開罐粟米湯都得. 時間多d咪蕃茄/x瓜少肉片. 我都係第二日下午食隔夜餸. 煮飯唔係一定一次過煮, 我通常朝頭早阿女一瞓覺我就洗吓菜, 醃吓肉, 分開幾次幾次預備d野, 之後傍晚先煮, 咁就時間彈性d. 如果再冇時間, 你咪煮碟頭飯囉. 你可以醃左d肉, 等飯煲出蒸氣嗰陣倒落飯面一齊煲, 之後烚碟菜咪又一餐.
反而做家務我就冇乜時間做, 都係等老公返黎做.
難得餵到人奶, 千祈唔好輕易放棄, 放棄左就好難想餵番. 加油!可以俾bb到最好既, 就俾最好既!
兒女是耶和華所賜的產業;所懷的胎是他所給的賞賜。詩 127:3教養孩童,使他走當行的道,就是到老他也不偏離。箴 22:6


男爵府

國民生產總值:5327


發表於 07-4-19 22:24 |顯示全部帖子

Re: 我想轉餵奶粉~~但好有罪惡感....

你係埋身餵定泵出來呀,如果埋身餵有困難可以泵出來丫,我都泵來,少係少d,都好過冇丫~唔好放棄呀


侯爵府

國民生產總值:21276


發表於 07-4-19 23:05 |顯示全部帖子

Re: 我想轉餵奶粉~~但好有罪惡感....

點會冇營養呢~?人奶係bb最好既食物黎架喎!
放棄餵人奶與否,其實都係心態上既問題,
似乎您都係俾您d 家人講到投晒降啦~~
心態上你都相信左佢地講既野...所以下意識都會認為自己真係唔得,做唔到,唔可以...etc...

以前...我聴產前講座@母乳餵哺,d 姑娘話餵人奶要有"三個心"---決心,信心,恆心!
果時我都只係聴,冇乜共鳴,但當bb出世,我既體會就真係深刻左好多~
亞b出世第二日開始黃,第三日就轉左去兒科,
我為左想等埋佢一齊出院,
同埋可以每個餵奶時間都可以埋身餵佢,
於是求姑娘俾我住多日,諗住第二日可以同亞b 一齊出院啦,點知佢反彈喎,又要住多兩日,我迫不得己自己出院,
之後果兩日每一個餵奶時間都返e 院餵佢同pump奶,
終於亞b 出院,
之後就係我上奶好慢好慢,加上之前勞碌冇乜點抖過,
個人又緊張,又有少少產後情緒,又食唔到野,成日喊....
d 奶真係越黎越少,個胸一d 都唔谷,諗住餵一邊,
pump一邊,但pump都pump唔到2 安,亞b 係咁喊,
我果時真係差d 產後抑鬱,老公同亞媽見我情況咁差,
自己又補唔到,都驚我唔知會點...勸我唔好餵...
我望住亞b 啜我乳房啜得好忟憎,又係咁喊,
我都有一刻想過放棄,
我一路餵一路喊,同我老公講我唔甘心,我唔信我餵唔到,
跟住用盡所有增奶量既方法,慢慢試,慢慢試....
而家我亞b就黎九個月啦...

所以我覺得,信心,決心,恆心..都係好取決於自己既心態,
我得您都一定得架,
自己捱一年半載.bb一世都受用,
您己經成功左一部份架啦,
加油呀
愛是恆久忍耐......


別墅

國民生產總值:569


發表於 07-4-19 23:43 |顯示全部帖子

Re: 我想轉餵奶粉~~但好有罪惡感....

新紮媽媽:
你幾耐上到足夠奶呢?我已一個月了, 泵出來只有一安士多.


大宅

國民生產總值:1072


發表於 07-4-20 01:09 |顯示全部帖子

Re: 我想轉餵奶粉~~但好有罪惡感....

又一班無知既人話我地o的母乳有問題, 你叫佢地睜大對"c"眼睇下所有奶粉罐上的"警告"字句. 如果佢地唔識字, 你同佢地講, 牛奶比牛bb飲, 羊奶比羊bb飲, 人奶比人bb飲, 如果牛奶o甘好, 你叫隻牛生個仔比你傳宗接代.

我大仔(6 years, 佢bb時都係食人奶, 早差一個月, 出世5lbs未到)而家係全班最高o個個(好好肉地嫁, 又實淨), 細囡8month, touch wood 講句, 囡囡未病過. 好鬼q, 好活潑. 邊個話人奶無營養嫁.

bb大小真係天生嫁, 佢唔會因為食o左奶粉由中碼變大碼b. 所以d人講野你真係唔好信.

人奶bb係世界上最幸福既bb


侯爵府

國民生產總值:21276


發表於 07-4-20 02:33 |顯示全部帖子

Re: 我想轉餵奶粉~~但好有罪惡感....

carlyli 寫道:
新紮媽媽:
你幾耐上到足夠奶呢?我已一個月了, 泵出來只有一安士多.

我成三個禮拜左右先上晒奶呀~~~
您有冇埋身餵呀~~?
埋身餵真係會剌激到佢上奶快d 架...
我果時見pump都係得咁少...就索性唔理自己有幾多奶,
總之亞b一哭我就埋身俾佢啜,啜到佢唔啜我就抖下,
佢一喊咩,又啜....果時我真係全天候餵奶...
大概一日餵12-13次..
但其實我係唔知佢實際係食左幾多安既..
但唔緊要...睇bb片片,
如果一日有5-6張墬手既片,咁就ok 架拉(健康院姑娘教)!

我諗我係乳腺唔係好發達果隻,
因我就算上晒奶,到一路餵全人奶,我都好少會谷奶既,
有d人一餐餵遲一陣就谷到成張乳墊都濕晒,
我從來都唔使旨意會係咁....
頂盡4-5個鐘唔先會谷~~
哈哈...其實有時我都會諗真係好神奇....
唔知點解我咁少奶都會餵到亞b 全人奶,
當然...其實我明白只要bb夠就得啦,

您不如試下通草煲魚湯丫~~都ok 架
仲有一定要飲多d 水呀~~

記得淡豆豉,肝臟,麥精,乳鴿,韮菜等係收奶架,千其唔好食~~
愛是恆久忍耐......


侯爵府

國民生產總值:21276


發表於 07-4-20 02:39 |顯示全部帖子

Re: 我想轉餵奶粉~~但好有罪惡感....

Kristy555 寫道:
又一班無知既人話我地o的母乳有問題, 你叫佢地睜大對"c"眼睇下所有奶粉罐上的"警告"字句. 如果佢地唔識字, 你同佢地講, 牛奶比牛bb飲, 羊奶比羊bb飲, 人奶比人bb飲, 如果牛奶o甘好, 你叫隻牛生個仔比你傳宗接代.

講得好~~
拍案叫絕~~
愛是恆久忍耐......


伯爵府

國民生產總值:18291

好媽媽勳章 醒目開學勳章 畀面勳章


發表於 07-4-20 04:28 |顯示全部帖子

Re: 我想轉餵奶粉~~但好有罪惡感....

老公成日出trip,好多時得自己湊,我都係自己煮飯煲魚湯,bb一


大宅

國民生產總值:3728


發表於 07-4-20 08:33 |顯示全部帖子

Re: 我想轉餵奶粉~~但好有罪惡感....

鼓勵你餵的說話不說了,很多奶媽都講左。
真的,隨你的心而行,如果不甘心,就餵下去,補下奶粉先,休息,是為了走更長的路。累了,辛苦了,應該要休息一下。身心都健康,你比得開心,小b才吃得開心,呢條路才能繼續。

不要盲目相信人奶的好,你要睇多些資料,參考多些,明白多些,知自己要的是什麼,你要從自己著手,知道人奶的好,甘你就會堅持得更好了。

如果只係別人的閒言,你不聽,沒有人能強迫你,呢度好多奶媽失聰左好耐(不過,係局部性)

如果係不夠奶的問題,隨時問,大把人答。

想走這條無間度,就走啦,愈走愈想三年又三年......


大宅

國民生產總值:1072


發表於 07-4-20 09:05 |顯示全部帖子

Re: 我想轉餵奶粉~~但好有罪惡感....

真係好唔低得d人成日講到我地d人奶ma ma想害死個bb
o甘, 講真, 唔通真係有自唔在攞苦黎申咩, 日日o甘多野做, 又要抽時間去pump奶(我是全pump形ma ma), 有時bb好夜訓, 我都要pump完至可以訓. 我62初初唔建議我喂, 我一句得埋去話, 唔比人奶bb食, 唔通比d c佢食呀

其實, 餵人奶呢家野已經係"文明人"會做既事.

外國人已經有好大部份既人係飲人奶嫁喇.

唔餵人奶有千萬個理由
餵人奶都有千萬個籍口
睇人選邊樣.

**********************************
由 新紮媽媽 於 2007-04-20 02:39:59

講得好~~
拍案叫絕~~


別墅

國民生產總值:569


發表於 07-4-20 09:10 |顯示全部帖子

Re: 我想轉餵奶粉~~但好有罪惡感....

新紮媽媽:

多謝你,我乜都試過,只淨未試過24小時人奶,點都會補兩至三次奶粉,因為夜晚無得瞓,我頂唔住,加上有時bb飲左一陣人奶就大喊,堅持唔飲人奶,要樽(因我是開刀生,一早就食左樽).我而家就夜晚補一至兩次,日間埋到身就餵,唔肯就補奶粉,自己再pump出來,希望捱多一個月會上到奶,我識一個媽咪三個月至上晒奶,所以我會再努力


版主

國民生產總值:15824

2018勳章 版主 好媽媽勳章 醒目開學勳章


發表於 07-4-20 10:16 |顯示全部帖子

Re: 我想轉餵奶粉~~但好有罪惡感....

carlyli,

我又來鼓勵你! 願你盡力做你想做的母親角色.

由我開始跟人分享和交流母乳餵哺的6年裡, 見了不少遭長輩或家人反對下, 仍是堅持給寶寶母乳餵哺的母親, 她們都因著寶寶的身心健康發展而贏回支持和讚賞!

最近, 又接觸幾位一直遭長輩和丈夫不支持的母乳媽媽, 他們家人因為看過4月9日的鏗鏘集節目, 態度轉變. 那守得雲開的心情, 再加上不再在阻力下哺育寶寶, 心境愉悅, 奶量改善, 餵得輕鬆, 寶寶和母親更開心, 家庭也和諧多了.

有了這個節目, 人吃母乳的權利, 可以大大被維護. 父母是最關鍵地讓子女得到最天然的育養糧食. 母乳媽媽的路易走多了.

你和家人有看過嗎? 一起參考吧, 也許有好的轉變.

http://www.rthk.org.hk/asx/rthk/tv/hkcc/20070409.asx

https://www.baby-kingdom.com/modules/newbb/viewtopic.php?viewmode=flat&order=0&topic_id=955059&forum=35&post_id=&refresh=%ABe%A9%B9

https://www.baby-kingdom.com/modules/newbb/viewtopic.php?viewmode=flat&order=0&topic_id=951984&forum=35&post_id=16166554&refresh=%ABe%A9%B9

在飲食方面, 大家都有給你建議, 你加油啊.

我有另一建議, 吃足夠的飯量, 是最簡單的吸收足夠的製造體力的營養. 在白米中添加紅米, 營養更豐富. 衛生署建議的營養飲食是321, 3份米飯, 2份蔬菜, 1份肉類. 可以想像到飯是多重要. 而母乳媽媽需要更多加路里, 所以每餐吃到2碗多飯、1.33碗蔬菜、0.66碗肉類是最基本的.

猶記得自己在寶寶初生期, 雪櫃總有一包包的急凍青豆、急凍粟米、自製急凍紅蘿蔔和刀豆, 寶寶睡了就洗菜, 準備一碟待煮的什菜肉或魚柳, 在飯煲內放好待煮的米. 開煮時, 就只是把碟"送"放進煲裡. 然後滾菜, 有時再蒸個水蛋, 或開鑊炒任何配搭的蛋. 凡是煲湯的湯渣也來當"送". 如是者, 就在煮得簡單, 吃得營養的大前題下, 度過全職母乳媽媽的年半生活. 其後上班的日子, 我們兩夫婦都好享受簡單的入廚方式.

加油啊!
【母乳餵哺資料庫】 保 守 著 大 家 的 母 乳 路 ! 無 論 順 逆 , 願 大 家 都 以 喜 樂 和 盼 望 的 心 迎 接 喜 與 憂 ! 加 油 啊 ! 因 為 我 們 在 這 裡 耕 耘 的 路 上 , 有 的 是 扶 持 和 關 顧 啊 ! 願 【母乳餵哺區】 是 母 乳 家 庭 的 加 油 站 !


男爵府

國民生產總值:7768


發表於 07-4-20 10:34 |顯示全部帖子

Re: 我想轉餵奶粉~~但好有罪惡感....

Hi carlyli:

我也來為您打打氣啊!

母親的愛能排除困難, 為BB勇往直前. 加油啊!



Hi Glad:

您的分享 & 建議真細心, 我無須補充了!

Hayes mama
Hayes had been breastfeeding for almost 3 years, then naturally weaned by himself!

Wish Hayes with Love, Peace & Joy!!


別墅

國民生產總值:766


發表於 07-4-20 15:29 |顯示全部帖子

Re: 我想轉餵奶粉~~但好有罪惡感....

thx~~
我老公每日都加班到12點先收工..好難再叫佢幫我做家務..
我是全天侯埋身餵的...個半鐘阿b就要食奶..都唔明食咁密都無咩奶水..前兩日問醫生..醫生叫我補奶.話佢唔夠飽..咁係夜晚我就補奶比bb飲..飲成5安奶咁多...跟住佢就好好訓..而我成晚無餵人奶..早上都係無咩谷奶現象..最可笑係..bb食過幾次奶粉之後..佢每次飲番人奶都會全數獲利回吐..我以為一次半次係咁..點知昨晚開始次次飲人奶都嘔番晒出黎..仲一路食..一路好發脾氣咁..又食食下喊..佢會唔會愛上咗飲奶粉呢? :-(
http://hk.myblog.yahoo.com/jennywai522



大宅

國民生產總值:3728


發表於 07-4-20 15:42 |顯示全部帖子

Re: 我想轉餵奶粉~~但好有罪惡感....

你的心情好正常,生完,亞b又係咪都喊,有少少抑鬱,我都懷疑自己夠唔夠奶,因為亞仔都係2小時一次,每次45分鐘,真係人都顛。
不過,慶幸的,是個時我咩都無稔,只係信,信我的奶,信亞仔愛我的奶。另外,我家沒奶粉,所以我狠狠地比。

有時你的奶太快,巨食唔切會喊。
巨無安全感,會喊。
巨尿尿,都會喊。
巨想你抱下,又喊。

我稔,你可以試下我以前的方法,
不要事事向自己的奶懷疑先,巨唔喊,你係咪應該仲驚。
所以,個時,我面目唔見得人,都唔理,盡情餵就算。甘就過左啦。

仲有,小朋友會哭百羅的,即是某些時間成日不知為咩而哭,可能肚風,你幫巨掃多些,可能又好些。總之,比耐性,不要懷疑,ok的了。


侯爵府

國民生產總值:21276


發表於 07-4-20 17:08 |顯示全部帖子

Re: 我想轉餵奶粉~~但好有罪惡感....

carlyli 寫道:
新紮媽媽:

多謝你,我乜都試過,只淨未試過24小時人奶,點都會補兩至三次奶粉,因為夜晚無得瞓,我頂唔住,加上有時bb飲左一陣人奶就大喊,堅持唔飲人奶,要樽(因我是開刀生,一早就食左樽).我而家就夜晚補一至兩次,日間埋到身就餵,唔肯就補奶粉,自己再pump出來,希望捱多一個月會上到奶,我識一個媽咪三個月至上晒奶,所以我會再努力

好開心聴到您既堅持~~~加油呀~~~全pump型既奶媽大有人在,放心啦...咁多人得您都得架~~~有咩唔明就即管問啦~~~
愛是恆久忍耐......

12
跳至
你需要登錄後才可以回帖 登錄 | 註冊

© Baby-Kingdom.com Limited. All rights reserved.