子峰mama 寫道:
yiubb:
其實你老公都未嘗冇道理,我地做家長o既梗係希望佢從小打好個英文基礎,無謂白白浪費左個大好黃金時期,呢點我都好認同,剛剛再打去英藝問,佢地半日國際係全英教學,而全日國際下午會有中文學,咁你會唔會考慮讀全日?依家唔只你1516,我都比你攪到1617呀...... 呢刻為止我對全日國際真係好有興趣,因為佢既滿足左我地o既慾望又有中文學添,真係好吸引,唔記得講,原來佢地由07學年起會將全日主流cut左,即係讀得全日o既就一定係國際班,可惜我個仔依家比工人湊緊,冇理由擺個工人o係屋企成日流流長推個仔讀全日,所以暫時唔排除今年照比亞仔讀住半日主流先,到出年同佢轉讀全日(工人完約),咁你囡囡依家邊個湊緊呀?可行o既比佢讀全日啦......
子峰mama 寫道:
yiubb:
點呀......諗掂未呀........?英藝話最遲6月要決定喇.....!!!或者你會唔會考慮第時幫佢簡直資小學?會o既話相信咁比佢讀半日國際應該冇咩問題卦?至於我又有新動向喇,打算今年比佢讀半日國際班,出年再同佢轉全日,但諗住再諗多幾日先決定,真係天氣都冇我變得咁快......
CherryIce 寫道:
今日上午我已經去咗天水圍英藝、德怡同激活參觀,但係就覺得英藝比我嘅感覺最好,價錢以國際班嚟講,德怡貴D,要成3,050一個月,而激活嘅N1就無國際班,個校長話小朋友其實係要响兩至三歲前打好母語基礎,先至學其他語言會較為好,激活嘅學費方面同英藝差唔多。至於英藝方面就地方好企理,所有牆壁都安晒厚壓,同埋每條門隙都有做安全措施,以防小朋友撞到同夾到手仔,而小朋友洗手間係我去咁多間幼稚園中最清潔嘅。由於我咁啱去到參觀時係放學時間,見到每位老師同助教都拖住兩位小朋友,幫佢上車及照顧佢哋坐好座位,老師仲同班校車學生拜拜兼睇埋校車關門同開車先至離開上車地方,令我覺得佢哋好細心同好安全咁照顧班小朋友。費用方面就同我之前所講,學費就國際班同主流班都一樣係$2,300(半日班,只有上午班而不設下午班)/$3,800(全日班),書薄費加茶點每半年$600,夏季校服$420/冬季校服約$700(因為有校褸),而書包就$120。不過我就無問到留位費要比幾多。但係有一樣野我就唔係太鍾意嘅係佢哋唔理妳係唔係一定填表報名,只要一攞佢張入學申請表就要收$30。 :cry:
另外英藝國際班(半日班)係無中文學,只係會用普通話教聽同講。不過個主任話其實N1都唔會有寫字呢一part,因為小朋友太細,所以會著重訓練聽同講。
子峰mama 寫道:
yiubb:
真係好似同你o玩緊捉e因咁........
早2日我問佢地最遲幾時要決定,佢話最好6月啦架bor,細想一下咁都要比少少時間人同我地安排書簿同編班卦.....
咁你同你先生溝通好未呢?如果真係唔打算讀直資,我諗都係讀返主流班好d,睇你過唔過到你先生果part先啦......
我係在職媽咪黎架,因為亞仔有工人湊,其實從來都冇諗過比佢讀國際班同埋全日,但依家知道原來有中文學先勾起我興趣,工人出年10月完約,所以今年比亞仔讀住半日先,至於你問我驚唔驚佢到k2先學中文會追得辛苦?相反如果我比佢讀住半日主流先o既話,我會驚佢英文追得辛苦多d囉,再者,我同英藝傾過,我問佢究竟對我個仔黎講,應該簡半日主流定國際會對佢有利d,佢都話若果我出年同佢轉全日o既話,咁簡國際班會適合d,同埋佢話讀全日班對將來升上一間普通小學都唔會有問題........