心情低落

熱度 7已有 364 次閱讀 14-3-24 12:11 |個人分類:心情

今日個人真係好低落 , 咩都唔想郁, 咩都唔想做 .... 個心情好似 ... 其實都唔知用咩去形容先可以

每次我唔開心, 我會整野食, 整下其他野就會好快噤唔記得, 無事

但今次真係好提唔起勁 ...

我係度諗, 我同老公o既關係 ... 究竟係點 ? 愛定唔愛 ? 有時我自己都答唔到 ..

我只知道我見到佢對 d 仔女唔公平 , 話佢地, 我就好唔開心 , 好嬲, 完全唔想睬佢 !! 當佢鬧個大女時, 我就會更加

以前我會話佢, 同佢嘈 ... 但今次我唔想再同佢嘈, 唔想出聲, 咩都唔想做 !!

係唔係代表我已經唔再著緊佢同愛佢 ? 我真係弄唔清 ...

我而家只想個大女唔好唔開心 ..

係我自己有問題定係佢有問題呢 ...

我真係搞唔清楚 ..

希望寫左出黎個人會好 d , 我唔想因為自己而影響到 3 個小朋友開心同唔開心 ..

希望自己快 d give up ....

呻完 !! 我要加油呀 ....

全部作者的其他最新日誌

回覆 h_p_040735 14-3-24 15:47: 你係要快D Cheer up, 唔係快D Give up呀 !
Anyway, 為了你的小朋友,要提起精神啊, 奸爸爹~

回覆 kiecheukhei 14-3-25 11:30: h_p_040735: 你係要快D Cheer up, 唔係快D Give up呀 !
Anyway, 為了你的小朋友,要提起精神啊, 奸爸爹~
好多謝你, 我今日好過琴日, 但都係麻麻地.
我會盡快提起精神,
多謝你o既支持

回覆 kiecheukhei 14-3-25 11:37: meecolam: 有小朋友的家庭, 間中倆夫妻也會有分岐或不一致, 忍一時之氣,海闊天空!千萬不要影響小朋友情緒!
我都係噤諗, 我唔想影響到佢地所以我唔想同佢嘈.

我唔出聲係因為唔想同佢有咩爭執, 因為我知我本身脾氣唔好, 一嘈就會忍唔住, 但佢覺得我唔同佢嘈已經係唔再愛佢, 因為佢知我性格我一唔同個個人嘈就代表係放棄狀態, 所以佢琴日問我好唔好去澳門做野, 因為個邊有公司搵佢去個邊, 佢問我點, 我只係答佢你自己決定, 因為係你自己o既工作, 我唔會叫你去定唔去 .. 佢就無出聲, 佢再 whatsapp 我話佢去係因為唔想成日為小朋友嘈交, 所以先諗去澳門做野, 我都唔想去 ..

但比我直覺我同佢都唔再好像以前噤 , 佢都係可能係為仔女而一齊.