今日藍姐姐唔駛返學~大家瞓到8點幾先起床~其實係表哥仔打電話嚟嘈醒咗媽媽~之後爸b入房攞野時嘈醒藍莓嘅~媽媽梳完便去煮麥皮~媽媽加咗兩安奶落啲麥皮度比藍莓食~結果藍莓食咗半碗~之後就唔肯食~可能知道係用奶粉開的~到媽媽食時~藍莓就要自己用匙羹食~結果食多半碗~到1點出門去買野食(腸粉加燒賣)~藍莓都食咗一半腸粉呀~之後上車(259D)去屯門~大約兩點半到達屯門市中心~join埋姑姐便去麥當奴食野~行咗一陣吉之島便去2伯伯屋企~媽媽同佢地打麻雀~藍姐姐同表姐佢地玩~而藍莓呢~就同細18日嘅堂妹同表姐玩囉~好開心呀!8點半食飯~到9點9才走~返到屋企已經11點半喇~藍莓响行車途中已經瞓咗~返到屋企都繼續瞓~
今日出街前~媽媽幫藍莓沖涼仲順便剪埋啲"陰"~而家啲"陰"齊輯輯仲有小小斜cut~唔襯藍莓呀!!好"娘"呀!!!
