http://teddybearhk8.blogspot.hk/
兩個月之前屋企部洗衣機壞了，急著到處搵新機。以前都是去各大百貨公司格價，搵了幾間發覺價格相比網上店舖都依然差別非常大。初初心水都係金章牌，因為香港多人用，個個講話質量唔錯，但係經過網上搜尋幾日之後，發覺原來近年金章品質差了不少，有可能一年之內已經需要上門服務。仲有係發現聲稱歐洲製造的牌子部分形號其實喺東歐即波蘭製造，心裡面即時打了折扣。而且個個人人叫好嘅金章牌居然只有一年保用，這麼貴嘅機居然只有一年保用，實在難以置信。於是又去留意下啲韓國機，發現佢地的強項係直驅摩打帶動，冇皮帶機碳刷聲咁嘈。但由於韓國機的售後服務實在太出名了，萬一機壞了都唔知點算好。穩陳啲都係買日本牌子例如樂聲或者日立。又搵了兩日，發現樂聲同Samsung/LG一樣都係冇油壓避震的，唔怪得咁平啦。最後得翻日立呢個牌子考慮，原來日立呢間企業都成立咗一百年，喺香港都已經五十年，香港唔少電梯都係佢地的出品。心中一路都係想買大眼仔的洗衣機。喺youtube又搵到日立的big drum 510的廣告，感覺非常良好。原本想買最頂級直驅的形號，但係喺youtube搵到用皮帶驅動的日立大眼仔，噪音都唔係好勁，價錢又比直驅機平了1700元，最後都係敵唔過價錢的吸引，喺price.com某間網店落order買了，呢間網店可以到貨才比錢，比較安心。我購買個部係日立皮帶驅動機(平機) BD-W75SAE，但其他功能應該和直驅(比較靜)的一樣。優點:1. 機身唔容易起震，因為內含幾個高科技技術如3D sensor，四重流體平衡技術，房車級油壓避震，其他老牌歐洲機唔係呢個層次。2. 至於洗衣功能其實間間廠差唔多，主要有15分鐘快洗，限2KG以下，標準模式洗1.5小時。3. 雙層玻璃避免熱水熨傷。4. 有滾桶清洗模式，全自動熱水洗，一次洗3小時左右。5. 可以中途pause機加杉。6. 滾桶直徑510mm，因為直徑愈大，拍打效果愈勁，其他廠唔會標明幾大，因為直徑愈大震動愈勁，一般廠嘅避震技術唔過關。7. 價格適中缺點：1. 比韓國機費，但有兩年保用，金X都係得一年保用2. 泰國製造總結: 而家啲機全部都用電子板，歐洲機裡面的電子版設計未必啱香港的潮濕天氣狀況。聽過日本有出產電子零件電容，未聽過意大利出電子零件出名，所以平平地買亞洲生產的機
