【灣仔海濱長廊】期間限定復活節彩蛋
已有 62 次閱讀
21-4-4 02:40
|個人分類:食買玩日常|關鍵詞:打卡熱點,海濱長廊,周末好去處,假日好去處,運動好去處,復活節,復活節彩蛋,漫遊香港,灣仔好去處,親子好去處,灣仔海濱長廊,添馬公園,維多利亞港
要數香港最靚嘅地方,一定係維多利亞港,想欣賞維港靚景,以前細個剩係去山頂同尖咀,而家灣仔嘅海濱長廊已經可以一直行到去石塘咀!
添馬至會展海濱呢一段而家仲有期間限定復活節打卡位添!
如果同我一樣係帶小朋友去嘅話,佢哋好鍾意吹氣兔仔同吹氣復活蛋,可能摸落去唔係硬硼硼卦,尤其係復活蛋咁colorful,好彩佢夠大,可以幾個人同時咁影,但係想影全景真係有啲難度,周末去到永遠都有小朋友走過嚟㗎!
另一個一定係哈哈鏡,無論大人細路經過都鍾意玩
仲有啲裝置係大玩藝術,好似有個係用膠樽做兔仔同烏龜身體,而另一個係用兔仔同烏龜圖像交錯而成㗎!
仲有好多打卡位
小貼士:灣仔海濱長廊係條可以運動散步同小朋友放電嘅好地方,雖然未完全開放但係範圍夠大,沿路見到好多跑友,仲有人跳舞!
仲可以去埋附近大熱灣仔碼頭海濱打卡添,不過記得保持社交距離呀!
麵語錄食玩遊記 by Aminn
C家重地 Be a Asterholic