自從阿媽跌親之後，我啲時間真係亂曬龍呀！本身呢個月條 team 又勁多人放假，搞到我要頂埋同事啲 job，晚晚都OT到好夜。仲要夾時間 book 幾個醫生做備孕檢查，本身每個 weekday 有三堂 yoga，而家迫住要將兩堂改到 weekend 上，有時仲要請埋半日假去 body check。好彩老公呢排都算生性，乖乖聽話去 body check 同睇中醫。
仲有，上個星期搵人上門驗屋啲 VOC，個報告出咗，啲指數勁高呀！ 而且唔單止一兩個櫃有，係所有入牆櫃都有事，得個 Panasonic 廚櫃冇事。唉，算啦，嬲都無謂。但係而家又唔知點算好...間屋裝修好都唔夠一年，暫時同老公商量過，不如呢間屋租出去算數，我哋要辛苦少少，喺樓上樓下搵個單位重新裝修搬過去住。
都冇時間可以繼續咁耗落去啦！
