王國教室─國王帶你遊樂園 - 王國通告的日誌 - Baby Kingdom - 親子王國 香港 討論區

王國教室─國王帶你遊樂園

已有 260 次閱讀 18-3-22 18:35 |個人分類:王國活動

講到迪士尼,大家第一時間諗起嘅通常係一眾可愛嘅迪士尼朋友~所以今次國王希望帶大家睇吓迪士尼嘅另一面!其實早喺60年前,迪士尼嘅創始人已經對環保許下承諾,迪士尼樂園會一直努力維持保護環境同天然資源嘅責任。國王希望藉住今次嘅活動,帶大小國民感受吓樂園對環保嘅貢獻!未有機會一齊同國王暢遊迪士尼嘅國民,就跟住小編嘅「文字導航」走一轉啦!

奇妙嘅旅程要展開喇,你準備好未?


未入到去迪士尼裡邊,已經見到門口兩旁種滿晒樹,多到要用全景拍攝先可以影晒入鏡!小編平時一枝箭咁衝入樂園,都冇細心留意添



入到美國小鎮大街,見到樂園整咗一大片花圃,尤其而家正值春天,啲花開得非常燦爛,直頭可以媲美花展!小國民即刻化身做攝影師,影返幾張相留念!




加上當日天公造美,唔凍唔熱又唔曬,兩位小國民表示開心到跳起!



即使係一啲細微位,迪士尼都絕不馬虎,為復古嘅燈柱掛上花圈既可以做裝飾,又可以增加綠化程度。除咗機動遊戲,綠化區亦都係景點之一,吸引唔少遊人影相㗎!




「灰熊山谷」以礦洞、灰熊同噴泉作為背景,種咗唔少松樹,營造出少許荒涼感。




另一個園區「探險世界」就以亞馬遜森林為藍本,種植咗好多熱帶雨林嘅植物。我哋嘅小國民去到「泰山樹屋」都話真係好似返左去原始森林咁呀!




去迪士尼當然唔少得同卡通人物合照啦!一眾迪士尼好友會不定時出現喺「夢想花園」。呢個花園最特別在於灌木嘅形狀都係依據迪士尼電影嘅園林風景嚟整,好似有大象同雙翼飛馬等等。今次國民成功捕獲小熊維尼個朋友依唷一隻!





另一項實踐環保嘅措施就係資源回收喇!每個主題園區都放置咗資源回收箱,大家記得洗乾淨後先掉入去回收箱呀!



迪士尼咁用心,大小國民都玩得好開心呀!



鬼馬小國民嘅爸爸話平時女女冇時停,難得影到一張珍貴嘅合照!



見到國民send過嚟嘅相就知道大家都享受其中!



經過今次,小編先發現原來迪士尼喺環保方面付出唔少,希望大家都可以從中學習,將環保帶入生活!



感動流淚

清新流暢

到此一遊


豈有此理

評論 (0 個評論)

facelist

你需要登錄後才可以評論 登錄 | 註冊

  • 搜 尋
  • APP
  • 網 站
© Baby-Kingdom.com Limited. All rights reserved.