日誌|個人中心 - 親子王國
【獨家爆料】 BK 意見大搜查 - 王國通告的日誌 - Baby Kingdom - 親子王國 香港 討論區

【獨家爆料】 BK 意見大搜查

已有 68 次閱讀 19-1-29 19:29 |個人分類:網站近況

近日親子王國 (簡稱BK) 辦公室不分晝夜都有國民進進出出,究竟發生咩事呢?就等小編我探個究竟先!

事緣 BK 好快就會換新裝,到時大家無論用電腦、平板或手機上 BK 網頁版,頁面都會自動對應尺寸作出調整,以後用手機瀏覽器上 BK 都唔使再拉大同移來移去,非常方便!正因為就快推出網頁版革新,早前我哋推出咗「親子王國意見大搜查及試用者招募」,國民只要完成問卷調查,我哋就會從中選出不同背景同階層嘅用家,邀請佢哋上嚟 BK 辦公室進行約 2 個多小時嘅面談。

面談會分幾部份,包括使用電腦瀏覽 BK 網頁測試版,睇吓大家對於版面新設計同使用上有咩意見,另外亦會邀請佢哋以手機瀏覽器上 BK 測試版,試吓啲慣常用戶操作流唔流暢。

*模擬圖片1

*模擬圖片2

*模擬圖片3

另外我哋仲會請上嚟嘅國民就就不同話題排列個人喜愛嘅次序,等我哋進一步了解大家鍾意討論或收睇邊啲內容。

*模擬圖片4

整個面談當然唔少得真情對話環節,同事會細心聆聽同寫低國民對 BK 嘅各方面意見,完成整個面談後,我哋會送出小小禮物以表謝意,唔少國民臨走前都不忘同國王合照留倩影呢!


*真實國王像圖片


雖然今次試用者招募就快告一段落,不過國王深切明白用戶意見嘅重要性,BK 先會愈做愈好。喺不久嘅將來我哋好快又會舉辦類似嘅活動收集國民意見,到時記得留意我哋發布嘅最新消息喇!


意見招募全賴有你,BK 方能盡善盡美!



感動流淚

清新流暢

到此一遊


豈有此理

評論 (0 個評論)

facelist

你需要登錄後才可以評論 登錄 | 註冊