|
昨晚和阿媽講了我打算做iui的事(在餐廳到，阿媽打電話來…)，我只是講“你唔好同其他人講住呀！”，語氣不是不好，只不過我不想在公家地方，還要是餐廳講太多…。
和老公吃完晚飯回家，家中電話即響，阿媽第一句就問我：“你以為我會同邊個講呀！”我無聲出…接著下冊一千字，由頭說我的不是…又話生了唔好找佢麻煩、佢唔會因為我個一人特別煮什麼補湯給我、幫我帶bb…等第等等…話到我眼淚不停流…。
其實我已經36歲，想要寶寶都不是一日兩天的事，只不過拖了一年又一年都中空寶，才決定試iui，我都爭扎了很久才決定做…因為一但bingo了就會是一生的責任…我真是不明白點解我阿媽會這樣…
我找那位醫生是今年年頭幫我表姐(其實她和我一樣大)，做了兩次，第二次才成功的，我只是問她醫生的資料，而我自已亦問過兩位醫生(其中一位是我一向睇開的婦科醫生)，他們都同意我可以試試我表姐介詔的周醫生，那我就約時間排期見醫生。
自從我決定做iui，我已經特然間多了好多東西要諗，又怕會不成功，得了又怕自已“頂唔順”…但是何解好似無人明白我？好辛苦…未見醫生已經咁…點算…心理壓力好大，這幾晚直頭睡不了，就算睡著都會好早 (仲早過返工那時)就醒…簡直唔知可以同邊個講…。老公又好忙…夜晚都取office的工作回家做…唔想佢擔心我…。
