未有bb之前都唔知原來懷孕真係會改變口味同埋食野既味道架, 我記得岩岩有bb既一個月都唔覺得有咩分別, 但係到而家4個月了, 知道自己真係唔鐘意食雞翼同埋蝦仁, 但係我以前係超級鐘意食, 如果餐餐都係食哩兩樣都ok架....
但係話說係上個月月頭, 應該係懷孕三個月開始, 我第一次見到雞翼係咁抗拒, 同埋好唔鐘意呢, 仲有一晚媽咪炒左個蝦仁炒蛋, 又係同一個感覺....攪咩呀, 我以前係超級鐘意食既餸而家居然唔想食....哈哈...唔通bb唔鐘意食??
另外我就發覺自己真係需要d濃味既野食先吸引到我, 例如咖哩, 食魚蛋河要加腩汁, 食咩都好想濃d既味道....哈哈, 原來大肚婆係真係會口淡淡架, 不過好彩我又唔係特別鐘意食話梅, 因為睇書話食話梅多始終唔好, 係"業"製食物, 對大肚婆唔好呢!!
