嘩! 現在下午二時，已經是九號風球了。對上一次九號風球，已經記不起是幾多年前的事。今年風球特別多，如果冇記錯，今次的「鸚鵡」，已經是今年第三個風球了。
今早未夠六點，起身尿尿後看看TV，已經知道早上八點前會掛八號風球，好嘢! 花老爺不用上班，可以陪我和花小B了。
瞓醒後襯住風勢還不是太大，我哋去了百佳入糧，嘩! 間百佳人頭湧湧，相信一年到晚，百佳最多人的時間，就是打風的日子了，最多人搶購的，就是菜、豬肉、鮮奶和飽飽。我發現有好多人都會買一大籃超市車既貨，打風，真係令人的危機意識變強，我所指的，是缺糧的危機意識。
回家後，再睇風暴消息，知道稍後會掛更高風球的機會好大，連國泰客機亦將會停駛，花老爺即時打返去仍然要返工既深圳office，通知同事for safety reason，可以下班了，叫他們早點回家。花小B，你daddy真是一個好boss呀!
