星期天的早上，花老爺在花C9不斷囉唆之下
，終於攞個AVENT奶煲出嚟試吓WORK唔WORK啦! 買了幾個月以來，又冇寄出保用咭，又冇試過有冇壞，如果到用的時候才發現有問題，咁點算好呢? 好彩，個奶煲乖乖地正常過作，算你啦! 亦由於花老爺一直忘記了試奶煲一事，所以我要他買了一個花C9 cushion給我作為penalty。
回99家吃中午飯，我都知佢哋一早PLAN好邀請親戚到家中攪中秋盤菜，但係萬萬估不到，6299會打我哋屋企既主意，佢哋想去我屋企攪，講真，如果接待五、六個親戚，我是不會介意的，但係好似每年既新春大團拜咁，有成二十幾人以上，真係NO LA
，請寬恕我並不是一個好客的人，我真的接受不了，花老爺，請原諒我! 可能，我如此抗拒都係和我的不育後遺症有關，我的不育，令我每年都好怕新春大團拜，好怕要面對一大班親戚.........，算了，我相信只有俱樂部的朋友，才會明白我心中的感受，我真的好唔開心。
我突然間想講，董醫生，多謝你! 你是生命中的天使!
午飯後，我和花老爺的起心肝，要整理好花小B的U/S照片，如果唔趁現在好好地處理，想信花小B出世後便沒有多餘時間了，所以我哋回到花老爺公司，專心地順序硑好一張又一張每次産檢後的照片，細心地貼上，打算集齊其後的，會一次過扲去過膠，做一個好好的留念。
其後，我倆到了黄埔JUSCO用膳，我亦選購了兩套長袖睡衣準備放入走佬袋之用；而花小B亦有禮物，我買了有鴨鴨公仔既紗巾，HK$49.9先至得5條，好貴呀! 不過條條紗巾都係白色，媽咪都覺得好悶，所以買一PACK有公仔的；而花老爺，他的收獲是配了一幅眼鏡
，仲要係無LA LA行過睇了一陣，就走咗入去間舖頭配啦，花小B，你daddy都幾貪靚架，一年最少會配三幅眼鏡，到你大個仔時，可能都會好似daddy咁。
