17歲o個年前我搵左一份 pt,係一間投資公司,主要係幫 d 客落單,去見工時,o個間公司都仲未裝修好,咁佢就叫左好多人去見工。但係佢見工o既形式只係填 form,無人問過你任何野,總之你有上去就請。o個一日真係有成50人左右見,佢就 50 人請哂,咁第一日佢就介紹基本要做 d 乜,計數點計咁………到第二日,o個 50人就得返一半,但其實佢地都無乜野比我地做,大家傾下計咁,傾計內容有問(覺得咩係理想生活)。第三日,得返 10 個左右,做o既野又係傾計,但當日就發現左一個好奇怪o既情況,就係有一個當日有份見工o既人,由一個工作人員帶佢o係公司周圍行,又介紹 d 投資情況,其實去到呢度,都知知地發生咩事!我前後返左 5 日就無返啦!過左幾個月,我撞返其中一個女仔,佢話無做,仲一蚊糧都無出過,其間o個度 d 人不斷游說佢比錢出泥投資,而佢亦都堅持無比錢出泥,無糧出都算,最慘係佢屋企成日收到電話,話佢爭人錢,攪到佢屋企好煩……o岩o岩出泥做野,最緊要腳踏實地,寧願辛苦 d,都唔好冒險呀!