99:
- 本身係一個虔誠既基督徒,番左30幾年教會…讀神學,依家係傳道人…
所以基本上佢既朋友同學同事個個都係基督徒
(連老公都係番教會識,成日一齊番教會,佢地都洗左禮)
- 平時說話都係有禮貌既人,見到面都會有笑容,講道理,體諒人
62:
- 都係虔誠既基督徒,番左n年教會
同老公拍拖時,我99都會叫我地番下教會,我地番左幾個月就無番
其實我同老公本身都對基督教唔係反感唔係抗拒,只係唔太熱忠番教會,我地都無洗禮,所以嚴格黎講,我同c6都覺得自己唔算基督徒
故事係…我同老公拍左7年幾拖…
點知忽然有左BB,我地未打算咁快結婚,至少5年後先打算結婚
99知道呢件事後(c6同佢地講左先),第一次見面時勁勁勁勁勁黑面,零笑容
我心諗:想點呀……依家番教會,訓示時間呀?
然後重點黎啦,99第一句講既係:
我地已經知道發生左呢件事…你都知我地全家都係基督徒,我仲係傳道人!發生左呢件事我地全家都覺得好難過同好傷心,呢個唔係一件值得開心既事!仲要係話不幸!!!你地知唔知基督徒唔可以有婚前性行為?你地係犯左罪!!不過依家呢件事都好遺憾…已經發生左,我好想知道你地呢件事上有咩睇法?mg:" />mg:" />mg:" />mg:" />
我果時完全呆左,佢一開口唔係關心我身體狀況,而係話我知…我有左佢地個孫,佢地係會覺得好難過好傷心囉!
我果時真係忍住淚水忍得好辛苦…初初懷孕既我已經覺得好憂慮同擔心,又要煩結婚住屋…好多野一次過忽然湧過黎!但佢地仲要再比壓力我…
我腦海完全一片空白,無興趣去答佢係呢件事上有咩睇法囉??!!
我果時真係想拉我老公衝出佢地間屋
我覺得你有你既信仰無問題,但唔好將你信仰既誡條同立場套係別人身上…
更加唔好覺得人地唔跟住做就係錯,就犯罪囉!
(待續…)
**補充一下:
我依家已經結左婚, bb都已經出左生, 呢篇係打番結婚前的事, 結婚後是後續
**已更新!! 可以點擊 (只看該作者)