懷孕前後今日: 0|主題: 329790

收藏本版

發帖

返回列表

跳至頁

查看: 15149 | 回覆: 279

宮頸鬆的分享 - 更新 [複製鏈接]

12 3 4 5...14

yukisalad

大宅

積分: 1095

1^#

發表於 15-4-27 00:43 |只看該作者 |倒序瀏覽 |打印

本帖最後由 yukisalad 於 15-9-26 15:43 編輯

大家好呀!我之前因為宮頸鬆。先後於23週穿水早產。。小朋友留唔返！第一次是發生於2013年。中秋節的第2天。。睡夢中忽然感覺到有一股水流好快咁流出來。。我立即起身去廁所。。原來穿水了。即去屯門醫院。當晚已經作動。。生了小朋友出來。。但已經沒有生命蹟象了。。醫生亦認為我是因為宮頸鬆的問題！4個月後。。收拾心情。。再來。。今次因為知道是宮頸問題。一早已跟盧乃本醫生約好需要做宮頸橫扎手術。。於17週做好手術。。回家安胎。。但最後都是23週穿水。。結果一樣。盧醫生亦同我講。他已經沒有什麼方法可以再幫到我。。只好轉介我到其他醫生。。盧醫生話。。可以幫到我的只有TAC呢個手術。。呢個手術其實係美國是很流行幫助宮頸鬆問題的媽媽們。但香港。。真係好小。。而且唔知道有無醫生識得做。。我一直上網搵有關資料。都毫無頭緒。。好彩係呢度。。我遇到beacky。。佢好好咁分享左佢既經歷。。令我可以遇到陳樹武醫生。。今日我已經12週3。。明天早上7點中。。陳醫生將會為我做手術。。呢個手術。。跟TAC成效一樣。。分別是。。唔需要開肚做。。於陰道開刀做。。風險會減少！我而家已經入左港安醫院。。準備聽日既手術。。我對陳醫生非常有信心。。而且我今次會用自己從來都無既正能量同信心。。重有我既堅強。。會令今次孕期足月健康！我想係呢度。。向各位都有宮頸鬆問題的媽媽加油！我地比一般既媽媽辛苦。。但我們有更强大既毅力同堅持。。手術後我會再同大家報告情況!

******************************* 9月26日2015年更新******************************

HELLO , 各位偉大的媽媽, 大家近況如何呀?
我想係到同大家更新一下我既近況. 今日2015年9月26日, 終於打開最後一樽抗宮縮藥了, 已經進入大直路! 二人世界既時間只有倒數17天了, 有小小唔捨得, 但亦滿心期待寶貝你的出現

.
由4月12WKS + 4 DAYS 開始訓床至今34WKS + 3 DAYS , 真係好辛苦 , 天氣又熱,人又壓力大, 脾氣又差 , 當中試過恥骨痛到連落地去廁所都做唔到~成對腳跟本無力去支撐自己 , 個段時間超痛苦~食完飯, 訓返落床, 又落唔到格,又頂胃!手指麻痺到痛..想訓都訓唔到! 到訓到啦~ 又痛醒~簡直人都癲!!!!!! 恥骨一日比一日痛! 當然今日都係一樣痛緊!

我好想係呢度好好多謝同感激我老公... 呢段時間不斷要接受我既無理取鬧...無理要求...負面情緒...一切一切~ 多到自己都唔知重有O的咩難頂野!

另一個我好需要多謝既係陳樹武醫生, 陳醫生一直俾我地無限既信心同佢專業既醫學智識! 順利將我同小寶貝帶到去呢個安全既週數!陳醫生表面係比較COOL 但其實佢係好風趣的~ 而且好有耐性, 唔會怕你問題問完一次又一次! 就算重覆問 , 陳醫生一樣咁詳細回答. 唔會催你BOOK 醫院 , 主張順產! 就算佢知道你去政府生,都絕對唔會黑面!

陳醫生尖沙咀既姑娘亦好NICE 的~ 超值得讚!!!

我將會開刀生產我既小寶貝 , 因為我地決定留返條線, 下一個小寶貝用!!!

我會早一日入完, 打足24小時強肺針, 只係為安全著想 , 而且男仔, 肺生長是比較慢, 打左強O的都無壞呀 ! 係咪!

小寶貝, 我想借呢一度同你講, 只要你安全足月健康來到我既懷抱 , 媽咪個PAT PAT 要打幾多支針都唔緊要, 食幾多藥都唔緊要~ 因為我永遠都會咁愛你! 辛苦你今次同媽咪一齊努力~我地加油~ 重有17日, 我地大家都任務完成架啦!