吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 大仔大女媽媽會› 超乎我預計生產過程（好長，sorry)

大仔大女媽媽會今日: 0|主題: 177860

收藏本版

發帖

返回列表

跳至頁

查看: 1690 | 回覆: 8

[2010年] 超乎我預計生產過程（好長，sorry)

chungchungmama

大宅

積分: 1272

發表於 10-3-17 10:57 |顯示全部帖子

終於有時間寫我生產過程. 由於我係海外媽咪, 所以D情序會唔同.

3月8日朝早5點覺得肚痛, 但宮宿同痛係分開所以唔似陣痛, 其實成晚都有d唔痛宮宿. 跟住7點起身後又無再痛. 朝早10點半約咗產檢, 我9點左右就開車因為想早d去同助產士相量無痛分娩. 一開車無耐就開始痛, 但好奇怪係大腿酸痛唔係肚, 大約10分鐘1次, 所以都幾肯定係陣痛,當時有唸過唔去c+直接去醫院, 不過d痛又唔犀利所以繼續. c+幫我check話開咗4度, 我都嚇一跳. 佢即刻幫我打去醫院話我1點前去到.
我拿拿林返屋企同叫老公即刻返去車我去醫院.

中午－
到達醫院, 已經留咗產房俾我, 入咗去等. 當時d痛仲忍到, 企起身同行好過坐. 助產士check話仲係4度. 我提佢我有B鏈. 我同佢講話開到6度做無痛。

12：30pm －搏機check陣痛同BB心跳。

12：45pm －醫生幫我抽血同種 IV drip， B鏈葯由drip口放，一次過“吱”成支落去。開始聞gas.

1：15pm －麻師來做無痛。
開咗5－6度。繼續等宮頸開。
一如c+所講無痛令陣痛弱咗。
之前d陣痛超過100分，變咗得番70分。

3pm －人工穿水，陣痛強番， BB心跳有時慢咗，我要側一邊身先好d.

4pm －開到8度。
助產士開始預備，擺到成枱較剪，鉗。
佢仲話醫生多數都會用吸。

4：30pm － 9度。 BB心跳仲係唔理想。

4：45pm － 10 度。
以為生得，點知助產士話BB由宮頸到陰道口都要時間，有d人落唔到。佢仲同我預備開刀情序，怕BB心跳再差。

5pm － BB落哂去，一定順產到。 Call咗我c+，助產士教我點push, 叫我試，點知BB心跳即刻差。
即刻叫我唔好push等醫生。

5：20pm －話BB心跳唔好，驚我c+嚟唔切， call咗另外駐院c+。

5：30pm －醫生到，即刻叫我push。 2次陣痛，每次push 3下，醫生就吸咗BB見到頭仔。 Push 多下就成個出黎。
一睇我同老公都驚因為BB嘔血出嚟， paediatrician即刻呤走出BB去clear d 血，我同老公不停問BB點，佢話好好。
其實當其時佢哋可能緊張我多d，因為BB出黎時係有好多血一齊出，醫生驚我係爆子宮（第一胎時我係開刀生）。
我本身c+終於到，但乜都唔到佢做lu。
唔記得邊個俾BB我抱，另一醫生繼續幫我聯針，佢話BB出得快剪唔切，我係自己tear。

6：30pm －聯完針跟住我話想餵BB，點知話要同BB沖涼磅重先。
最攪笑係個醫生自己柃地托cleanup番d血。

7pm －終於可以餵BB。老公幫我較好牀，餵咗一邊再餵第二邊，點知我好暈，我自己覺得係無咗知覺1－2秒。
即刻叫老公抱B call 助產士。
佢即刻要我平訓，搓我肚話有血塊，量blood pressure 話超底, 成晚不停 monitor 住我.

第二朝驗血後發現我失血過多, 輸咗3包血. 生完差唔多24小時後我終於可以去產後房.

今胎好大機會因失血過多影響上奶, day 4-5 係一滴都冇, 當時有d驚, 怕大腦決定幫我補血唔做奶. 不過我慶幸第二胎自己有經驗, 如果唔係BB一定要照燈。澳洲唔會主動比奶粉, 但我day4見唔對路堅持要奶粉. 個晚用哂佢俾, 居然唔肯再比話 top up 夠. 第二朝搵駐院母乳顧問, 俾佢睇點一滴都冇, 佢即刻support我, 話BB一定要暫時靠奶粉直至我有supply. 仲開葯俾我刺激hormone.

初頭好唔開心, 因第一胎全人奶, 點解今胎攪成咁? 問自己堅持順產係咪錯. 我真係覺得今胎辛苦過開刀.

好彩終於有上奶, 雖然得好少, 但起碼有得俾我pump谷supply, 囡囡主要都係奶粉, 希望遲d pump 到夠代替奶粉.

我知我篇post好長，我諗住keep起留番第時自己 or BB 睇。

私人傳訊

mslo

男爵府

積分: 5976

發表於 10-3-17 12:11 |顯示全部帖子

嘩﹗你要保重呀 ~ 咪好囉，而家上返奶，我生完第二日仲未夠比b飲，成日比佢扭，仲扯傷我，個屎囝飽，係佢同我道歉前我都唔會買玩具比佢

mouth:

我上胎巳上奶，但今胎仲未泵到

原帖由 chungchungmama 於 10-3-17 10:57 發表
終於有時間寫我生產過程. 由於我係海外媽咪, 所以D情序會唔同.

3月8日朝早5點覺得肚痛, 但宮宿同痛係分開所以唔似陣痛, 其實成晚都有d唔痛宮宿. 跟住7點起身後又無再痛. 朝早10點半約咗產檢, 我9點左右就開車因 ...

DAY 1: 3.37KG,DAY 4: 3.35KG,DAY 5: 3.47KG,
DAY 8: 3.52KG,DAY 16:3.81KG,DAY 38:5.11KG,DAY 42:5.5KG,day 44: 5.86kg,2M4D 6.69KG,

私人傳訊

mostices

大宅

積分: 1574

發表於 10-3-17 12:59 |顯示全部帖子

恭喜你,我都生咗.成兩個星期都未上足奶.每日只pump到210ml.不知到幾時才可做全奶媽.

私人傳訊

carmen_sach

大宅

積分: 2785

發表於 10-3-17 20:21 |顯示全部帖子

你休息多d..養好身體, 加油呀!

我吾理啦! 我諗住自已帶定罐奶粉, 頭幾日都補奶粉, 費事1陣bb吾飽,...

我1講, 我个外國人fd又話day1-3, bb吾食都ok,又話我禁樣會攪亂, 又乜又乜,我諗住吾理佢啦! bb最緊要

我諗住1陣痛,就整好d奶樽帶埋去, 聽講澳洲d医院乜都要自已帶

[ 本帖最後由 carmen_sach 於 10-3-17 20:25 編輯 ]

私人傳訊

maggiemusic

複式洋房

積分: 370

發表於 10-3-17 23:46 |顯示全部帖子

wah...寫得好仔細，你篇post對我呢d未生的媽媽，其實作用好大，希望你快D上奶........越餵越順！

原帖由 chungchungmama 於 10-3-17 10:57 發表
終於有時間寫我生產過程. 由於我係海外媽咪, 所以D情序會唔同.

3月8日朝早5點覺得肚痛, 但宮宿同痛係分開所以唔似陣痛, 其實成晚都有d唔痛宮宿. 跟住7點起身後又無再痛. 朝早10點半約咗產檢, 我9點左右就開車因 ...

私人傳訊

chungchungmama

大宅

積分: 1272

發表於 10-3-18 11:22 |顯示全部帖子

我唔知自己有幾多, 因為埋身加補奶粉. 每日有2-3餐埋身後再pump志在刺激奶量, 因為只pump到5-10ml. 琴晚第一次捱到眼訓半夜兩餐中間pump到50ml, 我已經好滿足, 我希望咁樣代表阿囡埋身都至少有50ml食.

原帖由 mostices 於 10-3-17 12:59 發表
恭喜你,我都生咗.成兩個星期都未上足奶.每日只pump到210ml.不知到幾時才可做全奶媽.

私人傳訊

chungchungmama

大宅

積分: 1272

發表於 10-3-18 11:43 |顯示全部帖子

我諗間間醫院唔同. 我個間所有bb野都有. 只不過d奶粉,即棄奶樽初初唔知係邊, 要救姑娘俾. 之後攞正牌我自己幾樽幾樽咁拎入房.

你自己帶奶樽咪要洗同消毒, 你帶埋steamer定用葯水?

其實我都 ok buy 外國 theory, 因大仔全人奶都夠片數有增磅, 不過每個case都唔同. 大仔唔係好訓, 成日喊成日餵, 當時day 6先有白色d奶上, 但之前已經有透明水俾大仔填肚. 不過今次好唔同, 囡囡成日訓, 好難先整醒佢食, day 2-3 都有幾滴透明水, day 4-5 變咗乜都冇, 加上囡囡到day 4都仲係柯黑色胎屎, 肯定食唔夠, 所以我 insist 要奶粉.

原帖由 carmen_sach 於 10-3-17 20:21 發表
你休息多d..養好身體, 加油呀!

我吾理啦! 我諗住自已帶定罐奶粉, 頭幾日都補奶粉, 費事1陣bb吾飽,...

我1講, 我个外國人fd又話day1-3, bb吾食都ok,又話我禁樣會攪亂, 又乜又乜,我諗住吾理佢啦! bb最緊要

我諗住1 ...