我一向都係檸檬茶怪，基本上都要每日飲一包先安樂，可能依啲就係心癮(千其唔好學我呀！)。檸檬雞翼我就成日都煮，今日竟然見到有朋友仔介紹用檸檬茶嚟食譜，我見到就即刻心心眼，所以就又跟風試下整先
為了減輕媽媽負擔，以下收錄了：100款食譜—媽媽入廚秘笈 主食、湯品、茶點，而且會不斷更新！讓媽媽們儲藏好這份「入廚秘笈」，可以隨時隨地「發功」，想知更多的健康食譜資訊，請按 #幼兒食譜
雞翼真係好易煮，同埋配搭又多元化，所以每當我諗唔到煮咩時，雞翼就最啱我依啲偽大廚。
今次煮嘅檸檬茶雞翼都唔難，材料只係需要雞翼一磅、檸檬茶一包同埋檸檬一個。
雞翼解凍後用鹽水浸15-20分鐘，然後隔水備用
用檸檬半個渣汁，再加入魚露1.5湯匙、糖半湯匙、薑蓉1.5湯匙，加雞醃料最少醃5小時
先用薑片及蒜頭爆香鑊
然後以中火油鑊煎雞翼兩面至金黃色
加入檸檬茶及餘下的檸檬片(大約蓋過雞翼面就可以)
最後以中小火加蓋煮8分鐘(要間中打開望一望，因為怕會乾水，咁就會好易燶啦)，大約至收剩1/4汁料，就可以快手兜炒
可能係因為係檸檬茶關係，我覺得真係幾好食，個汁同雞翼都帶點點酸酸甜甜，食落都夠晒開胃呀！
