本人40歲，月入30000，太太無工作，有兩小孩。有一層國內物業，市值4,000,000人民幣，準備放售，放售後減去本人有一些貸款，應該尚餘700,000港幣。母親剛剛以綠表抽倒居屋，打算幫母親供。小時候不想事，浪費了前半生，希望諗sir能指點一下之後應該點樣行。萬分感激
ANSWER:
即係3萬人工揸住70萬四十歲點樣搞? 我諗叫返太太出黎做野轉用工人或佢老母親照顧係關鍵，另外令太太有收入有借貸力買樓是另一關鍵，唔可以又陪仔女又想要錢兩者兼得! 讀者要先想清呢點。
更多文章：【理財個案分析】家庭收入8萬、60萬現金，如何買多間樓？
如果你想搵諗sir要1變4，四變十二之方法，抱歉我沒有。我自己盤生意同收入都係努力經營八年所得，本身亦唔想做一朝發達既人。當然讀者冇講過佢想花幾耐時間改善財政，諗sir只不過先想說明要「醫呢個病」沒捷徑，一兩季內唔會攪好。當然出面有名醫話可一星期就幫你「醫好」? 那你可出去試。
收息倉
我好處是會將我自己錢投入去我提出之收息物。上月已提出諗sir 800萬收息倉，收到幾多息有記錄。就當你唔打算拎800萬，都可由50萬開始調較收10-12%年息，若要向保本去可行更保本路收5-7%，若要進取31%年息都可以。
50萬組合會由一隻ETN，一隻外國房託、及一隻債基開始，根據上月數據此組合投入50萬收60680，即12%年息。那讀者可由50萬開始咁去年收6萬幾息，兩年之後都有多12萬。另外太太打份工萬餘元好嗎? 每月再儲多6-7千，兩年又再儲多14萬，夾埋兩年有30萬餘，補少少就可買第一間400餘萬私樓了。當然買完是否偷雞出租比人，佢可睇完我上星期呢篇文再決定: https://bit.ly/3sdMvyw
更多文章：4個銀行唔想你知嘅理財秘密
為何買樓不炒股
就咁夫婦同心，其實未來每3年就儲夠首期去買一間，那50歲前應可有兩樓在手或者會由租金幫手去供滿仍，到老就有樓可依，亦脫離上一代住係公屋無資產既苦處了。現時不少幸運的年青人有父母幫買樓，都係因為父母早年有置業可加按首期比佢再買，令家庭財產一件接一件買。相反沒資產者日日辛苦返工只為交租，進不了正向循環，永遠手停口停。因此要改早年辛苦路，就要有樓有資產為自己工作。
留意，工資不高又誤了前半生者，若不同太太合作又再唔規律儲錢，要贏出人生呢場比賽去考個B或C grade，可能性不大。
諗sir亦有提供120/300萬組合sample比參加了「諗sir 800萬收息倉」的朋友參考，用的都是沿用諗sir自己800萬倉內之概念。當然讀者若只70萬現金，暫只滾息買樓倍大資產為首步。
借貸力
另外太太如外出工作當然有入息證明，那借貸力都同時擁有。侈如月入18k，那加埋讀者即家庭收入為48000，借貸力計為48000/10000*2.59*50% ~ 621萬，再補少少係夠買兩個細單位既。當然搵下親戚擔保防萬一都係好事。
如太太決定不工作那可用買樓003借貸力由無變有之法去合規產出借貸力，留意提供的文件是要真確及有人認真出糧比太太就好了。所以全職主婦最好都開間公叵辦一下侈如網購，讓自己第時借錢更容易。當然銀行職員都唔係蠢，就咁一個公司戶口入返黎比自己，然後話係網購公司，咁當然過唔到關啦~
