小朋友自細就會聽過聖誕老人駕着鹿車，喺深夜靜雞雞咁派禮物畀家家戶戶。有無諗過小朋友都可以做一次聖誕節嘅主角—聖誕老人呢？今個聖誕，挪亞方舟會由12月8日至明年1月1日嘅星期六、日及公眾假期呈獻「玩轉聖誕老人村」，招募小朋友成為見習聖誕老人，做完七大任務之後，就可以成為聖誕老人，將愛和希望傳畀他人啦！
7大任務遂個睇:
「螢光聖誕大歷險」
聖誕老人要摸黑爬煙囪派禮物，小朋友都要習慣喺漆黑嘅環境活動，練成準繩嘅眼界以及敏捷嘅身手。
以「螢」格玩具槍錨準目標，進行射擊練習
手執份量十足嘅保齡球，目標係完美擊倒位於賽道終端嘅巨型螢光保齡球樽
操作迷你起重機，訓練吊起螢光小禮物嘅技術
喺螢光留言牆寫低參與「螢光聖誕大歷險」嘅感受或聖誕祝願鼓勵句子
「童夢聖誕市集」
首個由小朋友營運嘅聖誕市集！見習聖誕老人要親手製作甜品招呼客人，佢哋會主理糖果、爆谷、冬甩、窩夫及手作等共五間小店，小朋友可體驗經營店舖嘅樂趣，學習待人接物嘅技巧，仲可將自己嘅炮製嘅甜品帶回家食。
「聖誕薄餅工房」
工房導師會教小朋友整聖誕樹造型嘅薄餅，小朋友可以發揮創意，配上色彩繽紛嘅食材作點綴。
「未來聖誕郵箱」
小朋友可以寄信畀明年嘅自己，喺精美嘅聖誕卡寫低目標和願望，一年後回顧返許嘅心願成真未。
「鹿車飛馳天地」
要做聖誕老人又點少得鹿車駕駛特訓，小朋友可騎著小鹿車穿梭，體驗馳騁嘅快感，並從中學習駕駛鹿車技巧，先可以暢順無阻咁完成禮物派送嘅任務。
「啤啤熊製作室」
派完禮物之後，見習聖誕老人可去「啤啤熊製作室」親手製作啤啤熊做聖誕禮物！小朋友可親自將啤啤熊充入棉花成型，然後揀選型格醒目嘅服裝，透過發揮創意思維，為熊仔設計獨一無二嘅形象，並帶它歸家同渡溫馨嘅節日時光。
「聖誕老人畢業拍照區」
恭喜！經過一連串任務之後，小朋友終於可成為聖誕老人啦！佢哋會獲得畢業證書以作嘉許，仲可著聖誕老人服飾影相留影，記錄滿載喜悅嘅時刻。
如果覺得小朋友有潛質做聖誕老人的話，不妨一試！
挪亞方舟「玩轉聖誕老人村」活動詳情
活動日期: 2018年12月8日至2019年1月1日(逢星期六、日及公眾假期)
時間: 上午10時至下午6時
地點: 香港新界馬灣珀欣路33號
查詢電話: 3411 8888
網站: 按此
