吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 你地d奶奶會唔會畀你請工人湊bb

婆媳關係今日: 0|主題: 27778

收藏本版

發帖

返回列表

跳至頁

查看: 2295 | 回覆: 12

你地d奶奶會唔會畀你請工人湊bb [複製鏈接]

vp071229

別墅

積分: 897

1^#

發表於 08-3-7 17:45 |只看該作者 |倒序瀏覽 |打印

請問各位媽咪,

你地d奶奶有無話唔畀你地請工人架?我已經請左工人,但就4月尾先上工,而家我奶奶日日都同我阿媽洗腦,叫我阿媽由說我叫我唔好請工人,因為佢晚晚都瞓唔到,驚個工人第時會對佢個孫唔好,仲話畀返錢我出機票叫個工人走wor.諗落都mung.

請唔請工人係我屋企既事,佢又唔係同我一齊住,但就要理埋我屋既事,好煩呀!

0 0 0

私人傳訊

碟碟

男爵府

積分: 5839

2^#

發表於 08-3-7 20:20 |只看該作者

你請工人之前邊個湊BB?係咪佢驚工人黎左BB痴工人佢無孫玩呀? 定係佢驚第二時你地請左工人會俾少左家用佢?既然佢唔係同你一齊住, 咪鬼理佢啦, 同你媽媽講唔使理佢咁多,當佢唱歌囉....唔請工人邊個幫你湊bb/ 打掃/煮飯.....

私人傳訊

cutienat

別墅

積分: 717

3^#

發表於 08-3-7 20:40 |只看該作者

原文章由碟碟於 08-3-7 20:20 發表
你請工人之前邊個湊BB?係咪佢驚工人黎左BB痴工人佢無孫玩呀? 定係佢驚第二時你地請左工人會俾少左家用佢?既然佢唔係同你一齊住, 咪鬼理佢啦, 同你媽媽講唔使理佢咁多,當佢唱歌囉....唔請工人邊個幫你湊bb/ 打掃/煮飯 ...

Agree

私人傳訊

vvcc

大宅

積分: 1952

4^#

發表於 08-3-7 22:19 |只看該作者

請唔請工人關佢鬼事!!!!
又唔係佢出錢請, 傻傻地.....
唔使睬佢......

私人傳訊

karemom

複式洋房

積分: 451

5^#

發表於 08-3-8 00:47 |只看該作者

我99都有反對, 而c6又同佢同聲同氣, 所以我最後都怕左佢地, 冇請工人.

私人傳訊

吱仔與lo仔

珍珠宮

積分: 42723

好媽媽勳章

6^#

發表於 08-3-8 11:52 |只看該作者

唔請工人邊個湊b呀???佢幫你湊?? 咁你99都幾好呀, 佢錫bb吖嘛

我果件都未出世就講明唔湊, 但佢非常得閒架喎

私人傳訊

vp071229

別墅

積分: 897

7^#

發表於 08-3-8 13:41 |只看該作者

我奶奶其實好想幫我湊,but老爺就唔想咁困身,而且我都唔想畀佢湊,因為佢好縱我個女,搞到佢小小野就發脾氣,我覺得唔可以咁囉,我奶奶就成日話,你個女仲咁細,咪錫下佢先囉,我覺得小朋友本來就係一張白紙,你想佢第日將來d性格係點,同埋脾性係點,一定要由細個培養,因為細細個就縱慣左佢,大個左都唔知點敎.
同埋我奶奶都唔係咁識得湊bb,佢個人又成日都好有主見,話佢個套岩,自己又無料又唔識,下下都話個女咁細個..點點點,好似我個女塊面爆拆啫,我都有買唔同既cream畀佢搽,睇下會唔會好d,佢就話我點解唔帶佢去睇醫生,好似睇左醫生就乜都會醫得好咁,
講真,我真係唔想個女搽有類固醇既藥,都想睇下佢會唔會自己好,而家天氣暖返,其實我個女塊面都已經好返好多啦,佢都仲係好堅持話要帶我個女去睇醫生.唉...我同我老公都畀佢激到暈,我地做父母既又點會唔緊個女呀,唔通剩係得佢緊張咩,而話驚佢塊面有疤,第日大個女唔靚....係唔係樣樣都要緊張成咁呀,我個女又唔係濕疹..真係好煩!!!
第日個工人到左,我估佢都真係會日日黎睇實個工人.睇下佢有無對個孫唔好:;pppp:
雖然我奶奶晚晚都有過黎我屋企度幫手煮飯,睇住個女,呢樣野我係appreciate既,但我唔係咁想佢黎搞我個廚房,同埋放左工返屋企,好想多d時間陪下個女,同佢玩下,而唔係日日返黎,我就同個女沖涼,洗衫,晒衫..老公就要拖地,洗奶樽.日日如是...你地話係唔係有個工人分擔下d工作會比較好呀?

[ 本文章最後由 vp071229 於 08-3-8 13:43 編輯 ]

私人傳訊

joycema68

洋房

積分: 40

8^#

發表於 08-3-8 13:44 |只看該作者

我剛大肚,99又係表明唔會揍,

但又話唔放心工人揍, 叫我帶bb一齊返工(我同c6一齊開公司)

我同c6唔理佢, 到工人到咗, 佢成日叫我要留在家中睇實個工人, 咁我請工人呢做咩

佢仲成日針對個工人, 工人姐姐都怕咗佢,

, 後尾我赫我99, 你要對工人好d先得o家, 如果唔係佢受咗你氣後唔開心攞bb出氣, 我就為你事問!

我明白d99比新聞影響, 都怕d工人姐姐會蝦bb , 咁都係錫bb怕佢比人ill-treat , 你唔好答佢當聽唔到, 如果你答佢, 即開度門比佢差隻腳入呢理你家事, 如你同佢嘈, 第日個工人姐姐有冇錯失, 佢又入你數.

私人傳訊

Little_cy

伯爵府

積分: 18372

9^#

發表於 08-3-8 23:56 |只看該作者

我都係咁話. 小朋友將來d性格係點,同埋脾性係點,一定要由細個培養,因為細細個就縱慣左佢,大個左都唔知點敎. 不過d 99/62就吾係咁諗, 當我一話佢d孫, 就當曬我吾岩, 好慶幸依加吾駛求佢地湊羅

私人傳訊

vp071229

別墅

積分: 897

10^#

發表於 08-3-9 00:16 |只看該作者

但我始終覺得請工人唔係我想係人地面前威,我有工人咁解囉,真係feel到好辛苦好攰,先想搵個幫手分擔下d工作,奶奶的而且確係聽到工人既負面野多,但我唔相信個個工人都係咁差,因為我識得有d都真係好好,對小朋友好,煮野又好食,點解d香港人就歧視人地第二d地方黎既人呢,尤其係呢d傭工.人地山長水遠黎打工,屋企自己都有仔女,你估d工人姐姐真係好想離鄉別井去第二度打工咩,所以我相信,你對個姐姐好既話,佢地都應該係有良心既,都會對你d小朋友好,而且我都會對呢個未返工既姐姐好,另外我請佢之前,佢個前僱主都同呢個姐姐續左三次約,所以我相信呢個姐姐一定有佢好既地方,前僱主先會同佢續約,如果唔係個姐姐既老公要佢返去結婚,佢都唔會唔同前僱主做野.
我知道我奶奶本身就唔鐘意呢d傭工黎香港打工,平時佢見到佢地都會好歧視佢地同埋討厭佢地.但我既諗法同佢唔同,我覺得佢唔認同我既諗法,我可以接受,講真個句,用人勿疑,疑人勿用,你地話係唔係,
但我真係唔想佢介入我屋企既事,我既管理同運作方法,佢係佢屋企,鐘意點都得,我唔會理,我亦都唔希望佢理,之前都同佢好強調咁講過呢樣野,不過佢都係聽完算,行動照舊,唉... 各位媽媽,請問你地有咩方法可以對付呢d奶奶呢?

[ 本文章最後由 vp071229 於 08-3-9 00:19 編輯 ]

私人傳訊

yynicole

洋房

積分: 69

11^#

發表於 08-3-16 08:39 |只看該作者

99唔湊BB不是她的錯

我不是這樣想, 99就算無野做, 都唔係要全職幫你湊B, 你有B的時候, 便要打算一下BB是找工人湊, 如果經濟不許可, 你同老公講下叫佢幫手, 如果佢真係唔幫, 都不是她的錯.

將心比己, 我估個個都鍾意對住BB咩, 我自己有時對住BB激氣時, 都要散下心. 如果第時, 你退休後, 明明想同老公休息下, 過的舒適的生活, 得閒散下心, 但係你個仔係都要你幫佢湊bb, 令都你連休息的機會都無, 真係好辛苦, 湊B要好脾氣才可以, 玩下可以, 但真係湊, 要好大精力的. 希望你體諒一下

原文章由 吱仔與lo仔 於 08-3-8 11:52 發表
唔請工人邊個湊b呀???佢幫你湊?? 咁你99都幾好呀, 佢錫bb吖嘛

我果件都未出世就講明唔湊, 但佢非常得閒架喎

私人傳訊

Ppppp

禁止訪問

積分: 458

12^#

發表於 08-3-16 14:05 |只看該作者

提示: 作者被禁止或刪除內容自動屏蔽

私人傳訊

吱仔與lo仔

珍珠宮

積分: 42723

好媽媽勳章

13^#

發表於 08-3-19 13:31 |只看該作者

原文章由 yynicole 於 08-3-16 08:39 發表
我不是這樣想, 99就算無野做, 都唔係要全職幫你湊B, 你有B的時候, 便要打算一下BB是找工人湊, 如果經濟不許可, 你同老公講下叫佢幫手, 如果佢真係唔幫, 都不是她的錯.

將心比己, 我估個個都鍾意對住BB咩, 我自己有 ...

我明你講咩, 你講得都好啱, 佢都有自己生活

不過我由一開始都冇打算比佢湊, 我一早已打算請工人湊bb, 只不過我嬲佢一知我有咗, 即刻封後路咁啫......比我感覺好似驚我會麻煩佢咁........

[ 本文章最後由吱仔與lo仔於 08-3-19 13:44 編輯 ]